ບັນດາເຈົ້າໜ້າທີ່ກ່າວວ່າ ສະຫະລັດ ໄດ້ຢູ່ຕາມແນວທາງເພື່ອໃຫ້ພົບເປົ້າໝາຍຂອງ ປະທານາທິບໍດີ Barack Obama ໃນການອະນຸຍາດເອົາ ອົບພະຍົບຊິເຣຍ 10,000 ຄົນແກ່ສົກປີທີ່ຈະສິ້ນສຸດລົງໃນເດືອນກັນຍາຈະມາເຖິງນີ້.
ທ່ານນາງ Anne Richard ຮອງລັດຖະມົນຕີຕ່າງປະເທດ ດ້ານພົນລະເມືອງ ອົບພະຍົບ ແລະຄົນເຂົ້າເມືອງ ກ່າວວ່າ “ພວກເຮົາອາດຈະເກີນ 10,000 ຄົນແລະສຳລັບປີໜ້າພວກເຮົາຈະດຳເນີນຕ້ອນຮັບຊາວອົບພະຍົບຊິເຣຍຈຳນວນຫລວງຫລາຍ ແຕ່ມັນຍັງໄວເກີນໄປທີ່ມີເປົ້າໝາຍຕັ້ງໂຕເລກ.”
ຫລາຍກວ່າ 80 ເປີເຊັນຂອງຊາວຊິເຣຍໄດ້ຖືກຮັບເອົາໃນປີນີ້ໂດຍສະຫະລັດ ທີ່ມີພວກແມ່ຍິງ ແລະເດັກນ້ອຍ. ອົບພະຍົບທັງໝົດຈາກຊິເຣຍຜູ້ທີ່ໄດ້ຖືກກວດສອບ ເຈັດເປີດເຊັນຂອງຄຳຮ້ອງໄດ້ຖືກປະຕິເສດຮັບຮູ້ ແລະອີກ 13 ເປີເຊັນຂອງກໍລະນີໄດ້ຖືກໂຈະໄວ້ ອ້າງອີງຕາມບັນດາເຈົ້າໜ້າທີ່ສະຫະລັດ.
ທ່ານ Leon Rodriquez ຫົວໜ້າຫ້ອງການ ສັນຊາດສະຫະລັດ ແລະການບໍລິການຄົນເຂົ້າເມືອງ (USCIS) ທີ່ບັນດາເຈົ້າໜ້າທີ່ໄດ້ຖືກອົບໂຮມການກວດສອບໃບຄຳຮ້ອງຢ່າງເຄັ່ງຄັດ ເພື່ອຄໍ້າປະກັນວ່າ ບໍ່ມີໃຜເປັນພວກກໍ່ການຮ້າຍ ທີ່ກະຊວງຮັກສາຄວາມປອດໄພ ພາຍໃນຂອງ ສະຫະລັດ.
ທ່ານ Richard ກ່າວວ່າ ການດຳເນີນກວດກາ ໄດ້ປະເຊີນໜ້າກັບການຕິຕຽນວ່າ ເຂັ້ມງວດເກີນໄປ ແລະອິດເມື່ອເກີນໄປ.”
ທ່ານ Rodriquez ພ້ອມດ້ວຍ ທ່ານ Richard ແລະ ທ່ານ Robert Carey ຂອງຫ້ອງ ການຕັ້ງຖິ່ນຖານອົບພະຍົບ ແກ່ກະຊວງ ສາທາລະນະສຸກ ແລະສັງຄົມສົງເຄາະ ໄດ້ກ່າວຕໍ່ບັນດານັກຂ່າວວ່າຢູ່ກອງປະຊຸມທາງໂທລະສັບວ່າ “ຊາວຊິເຣຍຫລາຍຮ້ອຍຄົນໄດ້ຖືກປະຕິເສດ.”
