ສະຫະລັດ ໄດ້ຈັດຕັ້ງຄະນະກຳມະການທີ່ອົງການ ການຄ້າໂລກ ເພື່ອ ແກ້ໄຂຄວາມຂັດ ແຍ່ງກັບ ຈີນ ກ່ຽວກັບ ພາສີການສົ່ງອອກວັດຖຸດິບທີ່ສຳຄັນ 11 ຢ່າງ. ທີ່ລວມມີ ທອງແດງ, ດິນສໍ, ຊືນ ແລະ ກົ່ວ.
ວໍຊິງຕັນ ກ່າວວ່າ ພາສີຂອງ ຈີນ ແລະ ໂຄຕາ ກ່ຽວກັບ ການສົ່ງອອກດັ່ງກ່າວຂອງ ສະຫະ ລັດ ແມ່ນບໍ່ຍຸຕິທຳ ແລະ ກີດກັນ ເຊິ່ງເຮັດໃຫ້ຜະລິດຕະພັນຂອງ ສະຫະລັດ ປະກົດວ່າຈະ ມີລາຄາແພງໂພດໃນຕະຫຼາດໂລກ.
ທ່ານ Michael Froman ຫົວໜ້າການຄ້າ ສະຫະລັດ ໄດ້ກ່າວໃນວັນອັງຄານວານນີ້ວ່າ “ພວກເຮົາຈະຕິດຕາມສິ່ງທ້າທາຍນີ້ຢ່າງແຂງຂັນ ໃນນາມພວກຄົນງານເຫຼັກ ສະຫະ ລັດ, ຄົນງານລົດຍົນ, ພະນັກງານ ອາວະກາດ ແລະ ຄົນ ອາເມຣິກັນ ອີກຫຼາຍໆຄົນຜູ້ ທີ່ທຸລະກິດ, ວຽກງານ, ແລະ ຊີວິດການເປັນຢູ່ຂອງງພວກເຂົາເຈົ້າ ຕ້ອງອາໄສຄວາມ ເຂັ້ມແຂງໃນດ້ານນີ້ ແລະ ອຸດສາຫະກຳອື່ນໆ.”
ຫ້ອງການຂອງທ່ານ Froman ກ່າວວ່າ ຈີນ ຍັງເປັນຜູ້ຜະລິດລາຍໃຫຍ່ຂອງວັນຖຸດິບ ພວກນີ້ ແລະ ວ່າພາສີທີ່ສູງ ຂອງພວກເຂົາເຈົ້າສຳລັບຜະລິດຕະພັນເຫຼົ່ານີ້ຈາກຕ່າງປະ ເທດ ແມ່ນສ່ວນໜຶ່ງຂອງ “ນະໂຍບາອຸດສາຫະກຳທີ່ຍັງສືບຕໍ່ເປັນບັນຫາ” ທີ່ແນໃສ່ເພື່ອ ເຮັດໃຫ້ ຈີນ ໄດ້ປຽບໃນການແຂ່ງຂັນ ໂດຍສ້າງຄວາມເສຍຫາຍໃຫ້ແກ່ຄົນອື່ນ.
ສະຫະລັດ ແລະ ຈີນ ບໍ່ສາມາດທີ່ຈະແກ້ໄຂຂໍ້ຂັດແຍ້ງໃນລະຫວ່າງ ການປະຊຸມກັນຫຼາຍ ຄັ້ງ ໃນເດືອນກໍລະກົດທີ່ຜ່ານມາ.
