ບັນດາ ກອງກຳລັງຈາກ ສະຫະລັດ ອາຣັບ ເອເມີເຣັສ ໄດ້ຊ່ອຍ
ກອບກູ້ ເອົາຊາວອັງກິດຄົນນຶ່ງໃນວັນເສົາວານນີ້ “ໃນການ
ປະຕິບັດງານທາງທະຫານ” ລຸນຫຼັງ ເວລາ 18 ເດືອນ ທີ່ພວກ
al-Qaida ໄດ້ລັກພາຕົວຜູ້ກ່ຽວໄປ ໃນພາກຕາເວັນອອກຂອງ
ເຢເມັນ.
ທ່ານ ຟິລິບ ແຮມເມິນ ລັດຖະມົນຕີຕ່າງປະເທດ ອັງກິດ ໄດ້
ຢືນຢັນກ່ຽວກັບການ ຊ່ວຍເຫຼືອກອບກູ້ ຊິວິດດັ່ງກ່າວ ໃນການ
ຖະແຫລງ ເມື່ອວັນອາທິດມື້ນີ້.
ທ່ານ ແຮມເມິນ ກ່າວວ່າ “ຊາວອັງກິດຄົນນັ້ນ ປອດໄພ ແລະ ມີສຸຂະພາບດີ ແລະໄດ້ຮັບການສະໜັບສະໜູນ ຈາກພວກເຈົ້າໜ້າທີ່ອັງກິດ ແລະ ພວກເຮົາຮູ້ສືກຕໍ່ບຸນຄຸນ ຂອງ
United Arab Emirates.”
