ໃນລະຫວ່າງວັນທີ 3-4 ເດືອນສິງຫາຜ່ານມານີ້ ທາງອົງການ UNHCR ກໍຄືສໍານັກງານ
ຂ້າຫລວງໃຫຍ່ຝ່າຍອົບພະຍົບຂອງສະຫະປະຊາຊາດ ໄດ້ຈັດກອງປະຊຸມຫຼວງຂຶ້ນ ທີ່ໃຫ້
ຊື່ວ່າ Refugee Congress ຢູ່ນະຄອນຫຼວງ Washington DC ຊຶ່ງໄດ້ເຊື້ອເຊີນຕົວແທນ
ຂອງຊາວອົບພະຍົບໃນແຕ່ລະປະຊາຄົມຂອງທຸກໆລັດ ມາຮວມຕົວກັນເພື່ອແລກປ່ຽນ
ຄວາມຄິດຄວາມເຫັນ ຮຽນຮູ້ແລະວາງແຜນປະຕິບັດໂຄງການຕ່າງໆໃນເຂດເທດສະບານ
ແລະທ້ອງຖິ່ນໃຜລາວ.
ໃນນັ້ນ ກໍໄດ້ມີຜູ້ຕາງໜ່າຈາກປະຊາຄົມລາວ 3 ທ່ານດ້ວຍ
ກັນ ອັນມີ ສົມປະສົງ ແກ້ວຫາວົງ ຈາກ ລັດ Washington,
Mai Zong Vue ຈາກລັດ Wisconsin ແລະ Kang
Connie Thao ຈາກລັດ
Kansas ທີ່ກ່າວເຖິງຈຸດປະສົງ
ໃນການມາຮ່ວມຂອງນາງວ່າ:
"ຂ້ອຍຕ້ອງການຢາກຈະເຫັນວ່າ ຖ້າພວກເຮົາສາມາດເຜີຍແຜ່ໃຫ້ປະຊາຄົມທົ່ວໄປຮູ້ກ່ຽວກັບເລື່ອງຊາວອົບພະຍົບນີ້ໄດ້ ວ່າຊາວອົບພະຍົບແມ່ນໃຜແລະມາຈາກໃສ ຄືຢາກໃຫ້ມີການດໍາເນີນໂຄງການສືບຕໍ່ໄປ, ຢາກໃຫ້ມີການສະໜັບສະໜູນແລະເງິນ ຊ່ອຍເຫຼືອໂຄງການແລະການສືບຂອງການສຶກສາໃຫ້ຊາວອົບພະຍົບຕໍ່ໄປ."
ສ່ວນ Mai Zong Veu ມີຄວາມເຫັນວ່າ:
"ຂ້ອຍຄິດວ່າ ຂ້ອຍຢາກຈະສະ
ເໜີແນະເຖິງບັນຫາທີ່ຕ້ອງການ
ແກ້ໄຂເພື່ອປັບປຸງໂຄງການ
ຕັ້ງຖິ່ນຖານໃໝ່ທັງຫຼາຍນີ້ທີ່ຈັດໄວ້ເພື່ອພວກອົບພະຍົບ ຊຶ່ງສ່ວນໃຫຍ່ແລ້ວແມ່ນວ່າ ເມື່ອພວກອົບພະຍົບເຂົ້າມາຢູ່ປະເທດນີ້ແລ້ວນັ້ນວ່າ ທາງໜ່ວຍງານຕ່າງໆນັ້ນ ແມ່ນຮີບເຮັ່ງໃຫ້ພວກເຂົາເຈົ້າອອກຈາກການຊ່ອຍເຫຼືອຂອງລັດຖະບານ, ຫາວຽກເຮັດງານທໍາແລະເປັນເອກກະລາດ ເຖິງຢ່າງນັ້ນກໍດີທາງໂຄງການນັ້ນ ແມ່ນບໍ່ສູ່ຈະຄໍານຶງເຖິງ ການປັບຕົວທາງດ້ານສະພາບຄວາມຮູ້ສຶກ, ຄວາມນຶກຄິດ, ສັງຄົມ, ສະພາບແວດລ້ອມ ແລະຮີດຄອງປະເພນີຕ່າງໆ. ຂ້ອຍຢາກໃຫ້ ການວາງແຜນນະໂຍບາຍກ່ຽວກັບໂຄງການຕ່າງໆນັ້ນໃຫ້ເອົາບັນຫາເຫຼົ່ານີ້ເຂົ້າໄປປະກອບສ່ວນເປັນພາກສ່ວນນຶ່ງເພື່ອສຶກສາແລະໄຕ່ຕອງໃນໂຄງການ ຕັ້ງຖິ່ນຖານໃໝ່, ປັບປຸງການດໍາລົງຊີວິດທີ່ສອດຄ່ອງກັບສະພາບສັງຄົມ ແລະສະພາບແວດລ້ອມນໍາ ເພາະມັນກໍເຄັ່ງຄຽດແລະລໍາບາກຢູ່ແລ້ວຕໍ່ພວກອົບພະຍົບ ທີ່ວ່າ ພໍຫາງານໄດ້ແລ້ວກໍອອກ ແລ້ວກໍ ຫາງານໃໝ່ ເພາະວ່າພວກເຂົາເຈົ້າຍັງບໍ່ໄດ້ປັບປຸງໄດ້ທັນທີ ກ່ຽວກັບການປ່ຽນແປງແລະສະຖານນະການໃໝ່ທີ່ເຂົາເຈົ້າປະເຊີນຢູ່."
ນອກຈາກນັ້ນແລ້ວ ກໍຍັງມີ
ຍາເອື້ອຍ Mee Mua ອະດີດ
ຜູ້ແທນສະພາຕໍ່າຂອງລັດ
Minnesota ຊຶ່ງໄດ້ມາປະຖະ
ກະຖາ ແລະແບ່ງປັນປະສົບປະ
ການຂອງເພິ່ນ ໃນການເຕີບ
ໃຫຍຂຶ້ນມາໃນຖານະເປັນຜູ້
ອົບພະຍົບມາກ່ອນແລະກໍໄດ້
ມາກໍາຕໍາແໜ່ງສູງຕໍາແໜ່ງນຶ່ງ
ຂອງລັດໃນສະຫະລັດ.
ຂໍເຊີນຮັບຟັງການສໍາພາດຈາກທັງສີ່ທ່ານໄດ້ ໂດຍການຄລິກບ່ອນ mp3 ຂ້າງເທິງຂວາມື.
