ຄວາມກ້າວໜ້າກ່ຽວກັບການສຶກສາ ຢູ່ ສປປ ລາວ ຈະມີການນຳສະເໜີ ຢູ່ໃນພິທີເຜີຍແຜ່
ລາຍງານການຕິດຕາມເບິ່ງຄວາມກ້າວໜ້າໃນການປະຕິບັດແຜນການທີ່ເອີ້ນວ່າ ການສຶກ
ສາສຳລັບທຸກຄົນຢູ່ໃນທົ່ວໂລກ ຫຼື Eucation for All ເອີ້ນຫຍໍ້ວ່າ EFA ປີ 2011 ຂອງ
ອົງການສຶກສາວິທະຍາສາດແລະວັດທະນະທໍາຂອງສະຫະປະຊາຊາດ ຫລື UNESCO ທີ່ ນະຄອນຫລວງວຽງຈັນໃນວັນທີ 16 ມິຖຸນາມື້ອື່ນນີ ເລີ້ມແຕ່ບ່າຍໂມງນຶ່ງຫາ 5 ໂມງທີ່ສູນ
ກາງການຮ່ວມມືແລະການຝຶກອົບຮົມນາໆຊາດ ຫຼັກ 5.
ດຣ ພັນຄຳ ວິພາວັນ ລັດຖະມົນຕີກະຊວງສຶກສາຂອງລາວ ຈະເປັນຜູ້ກ່າວຄຳປາໄສທັງໃນ
ພິທີເປີດແລະພິທີປິດ ຊຶ່ງນອກນັ້ນຍັງຈະຈັດໃຫ້ມີການສົນທະນາຫາລືຂອງພວກເຈົ້າໜ້າທີ່
ກ່ຽວຂ້ອງກ່ຽວກັບວ່າຈະເລັ່ງລັດຄວາມກ້າວໜ້າວິທີໃດໄປສູ່ເປົ້າໝາຍໃນປີ 2015 ແລະລະ
ບຸໃຫ້ຮູ້ ກ່ຽວກັບການສະໜັບສະໜຸນ ທີ່ສະເພາະເຈາະຈົງອັນຈຳເປັນ ເພື່ອຊ່ວຍໃຫ້ບັນລຸ
ຄວາມກ້າວໜ້ານັ້ນ.
ລາຍງານຫຍໍ້ກ່ຽວກັບການຕິດຕາມເບິ່ງຄວາມກ້າວໜ້າຂອງການສຶກສາສໍາລັບທຸກຄົນຫລື
EFA 2011 ຢູ່ໃນທົ່ວໂລກ ທີ່ແປເປັນພາສາລາວຈະມີການແຈກຢາຍໃຫ້ຢູ່ໃນພິທີດັ່ງກ່າວ.
ການສຶກສາສຳຫຼັບທຸກຄົນຫຼື EFA ເປັນຄວາມໝາຍໝັ້ນຕັ້ງໃຈຂອງນາໆຊາດທີ່ໄດ້ມີການ
ຕົກລົງຮັບເອົາ ໂດຍລັດຖະບານຂອງປະເທດຕ່າງໆ ອົງການຈັດຕັ້ງນາໆຊາດ ທີ່ບໍ່ຂຶ້ນກັບ
ລັດຖະບານ ພະແນກການ ຂອງອົງການສະຫະປະຊາຊາດ ແລະບັນດາຄູ່ພັດທະນາ. ເປົ້າ
ໝາຍ 6 ຂໍ້ຂອງການສຶກສາສຳຫຼັບທຸກຄົນຫຼື EFA ແມ່ນຮວມທັງຂະຫຍາຍແລະປັງປຸງການ
ເບິ່ງແຍງລ້ຽງດູແລະການສຶກສາໃນຂັ້ນຕົ້ນໆ ບັນລຸການສຶກສາຂັ້ນປະຖົມທົ່ວໄປ ການຮຽນ
ຮູ້ຕະຫຼອດຊີວິດ ແລະຄວາມສາມາດສຳລັບຊີວິດ ການອ່ານອອກຂຽນໄດ້ ໃນໝູ່ພວກຊາວ
ໜຸ່ມແລະພວກໜຸ່ມນ້ອຍ ການລຶບລ້າງຄວາມຫຼຸດໂຕນ ຫຼືບໍ່ສະເໝີພາບລະຫວ່າງພວກເດັກ
ນ້ອຍແມ່ຍິງແລະຜູ້ຊາຍຢູ່ໃນການສຶກສາຊັ້ນປະຖົມແລະມັດທະຍົມແລະການປັບປຸງໃຫ້ດີຂຶ້ນ
ໃນທຸກໆດ້ານກ່ຽວກັບຄຸນນະ ພາບການສຶກສາ.
ຈຸດໃຫຍ່ໃຈຄວາມຫຼືຫົວຂໍ້ຂອງການສົນທະນາໃນປີນີ້ ສຳລັບລາຍງານການຕິດຕາມເບິ່ງ
ຄວາມກ້າວໜ້າກ່ຽວກັບການສຶກສາສາມັນຊົນກໍແມ່ນວິກິດການທີ່ເບິ່ງບໍ່ເຫັນຊຶ່ງກໍຄືບັນ
ຫາຂັດແຍ້ງດ້ານອາວຸດ ແລະການສຶກສາທີ່ດຶງຄວາມສົນໃຈໄປສູ່ບັນຫາຂັດແຍ້ງດ້ວຍກຳ
ລັງອາວຸດ ແລະຜົນກະທົບຕໍ່ການສຶກສາ ຊຶ່ງເປັນນຶ່ງໃນບັນດາບັນຫາທີ່ສ້າງຄວາມເສຍ
ຫາຍຮ້າຍແຮງສຸດ ແຕ່ມີການລາຍງານໜ້ອຍທີ່ສຸດກ່ຽວກັບຜົນສະທ້ອນທີ່ຕິດຕາມມາ.
ລາຍງານການຕິດຕາມເບິ່ງການສຶກສາຢູ່ໃນທົ່ວໂລກປີ 2011 ກ່າວວ່າ ຫຼາຍກວ່າ 40%
ຂອງພວກເດັກນ້ອຍ ທີ່ບໍ່ໄດ້ເຂົ້າໂຮງຮຽນ ແມ່ນອາໄສຢູ່ປະເທດ ທີ່ເກີດບັນຫາຂັດແຍ້ງ
ແລະບັນດາປະເທດເຫຼົ່ານີ້ ຍັງມີຄວາມບໍ່ກໍ້າເກິ່ງທາງເພດຫຼາຍທີ່ສຸດ ແລະມີລະດັບການ
ອ່ານອອກຂຽນໄດ້ຕໍ່າທີ່ສຸດໃນໂລກ.
ສໍາລັບປະເທດລາວນັ້ນ ລາຍງານເວົ້າວ່າ ຂະນະທີ່ບັນຫາຂັດແຍ້ງບໍ່ໄດ້ເປັນອຸບປະສັກ
ກີດຂວາງຕໍ່ການສຶກສາຢູ່ລາວກໍຈິງແຕ່ລາວກໍຍັງປະເຊີນກັບບັນຫາທ້າທາຍອື່ນໆເຊັ່ນ
ວ່າ ການຂາດແຄນອາຫານ ການກືກໜັງສື ແລະຄວາມບໍ່ສະເໝີພາບທາງເພດ. ຄືກັນ
ກັບຫຼາຍໆປະເທດໃນໂລກ ສປປ ລາວ ບໍ່ຢູ່ໃນລະດັບ ທີ່ຈະບັນລຸເປົ້າໝາຍ EFA ທີ່
ໄດ້ຕັ້ງໄວ້ສຳລັບປີ 2015 ນັ້ນແຕ່ແນວໃດກໍຕາມລາວກໍໄດ້ສ້າງຄວາມກ້າວໜ້າໃນການ
ສຶກສາຂັ້ນປະຖົມ. ມີພວກເດັກນ້ອຍໃນຈຳນວນເພີ່ມຂຶ້ນໄດ້ເຂົ້າຮໍ່າຮຽນຢູ່ໃນໂຮງຮຽນ
ແລະຈຳນວນພວກເດັກນ້ອຍທີ່ບໍ່ໄດ້ເຂົ້າໂຮງຮຽນກໍຫຼຸດນ້ອຍລົງ. ກ່ຽວກັບເລື່ອງການ
ໃຊ້ຈ່າຍແລ້ວ ລັດຖະບານລາວໄດ້ລົງທຶນຫຼາຍຂຶ້ນ ໃນດ້ານການສຶກສາ ໂດຍທີ່ການໃຊ້
ຈ່າຍເງິນກ່ຽວກັບການສຶກສາ ໄດ້ເພີ່ມຂຶ້ນ 1%. ໃນໄລຍະປີ 1999 ຫາ 2008 ຜ່ານ
ມານີ້ ມີການພົບເຫັນວ່າ ການໃຊ້ຈ່າຍທາງດ້ານການສຶກສາທີ່ແທ້ຈິງຂອງ ສປປ ລາວ
ແມ່ນລື່ນການເຕີບໂຕທາງດ້ານເສດຖະກິດ ອີງຕາມລາຍງານ ການຕິດຕາມເບິ່ງການ
ສຶກສາໃນທົ່ວໂລກປີ 2011.
ລາຍງານການຕິດຕາມເບິ່ງການສຶກສາຢູ່ໃນທົ່ວໂລກຂອງອົງການ UNESCO ຮຽກ
ຮ້ອງໃຫ້ລັດຖະບານຂອງປະເທດຕ່າງໆ ສະແດງໃຫ້ເຫັນເຖິງການຕັດສິນໃຈເພີ່ມຂຶ້ນ
ໃນການປາບປາມວັດທະນະທໍາກ່ຽວກັບການບໍ່ຖືກລົງໂທດທີ່ຫ້ອມລ້ອມການໂຈມຕີ
ພວກນັກຮຽນແລະໂຮງຮຽນຕ່າງໆ ເລີ່ມຕົ້ນຈັດຕັ້ງລະບຽບການເພື່ອສ້ອມແປງໂຄງ
ສ້າງການຊ່ອຍເຫຼືອຂອງນາໆຊາດ ແລະລະບຸຍຸດທະສາດຕ່າງໆ ເພື່ອເສີມຂະຫຍາຍ
ບົດບາດຂອງການສຶກສາໃນການສ້າງ ສັນຕິພາບ.
