ສະຫະປະຊາຊາດກ່າວວ່າ ຕົນໄດ້ຍຸດຕິການໃຫ້ຄວາມສະໜັບ
ສະໜູນທາງເປັນທາງການຕໍ່ການບຸກໂຈມຕີທາງທະຫານຂອງ
ສາທາລະນະລັດປະຊາທິປະໄຕ ຄອງໂກ ຫລື DRC ຕໍ່ກຸ່ມກະ
ບົດເພາະວ່າ ບັນດານາຍພົນທີ່ DRC ເລືອກໃຫ້ເປັນຜູ້ນຳພາ
ໃນການດຳເນີນຄວາມພະຍາຍາມນີ້ໄດ້ຖືກກ່າວຫາວ່າລະເມີດ
ສິດທິມະນຸດ.
ເຈົ້າໜ້າທີ່ ສະຫະປະຊາຊາດ ຄົນນຶ່ງ ກ່າວໃນວັນສຸກວານນີ້
ວ່າ ສະຫະປະຊາ ຊາດໄດ້ໃຫ້ເວລາສອງອາທິດແກ່ DRC
ເພື່ອຍົກຍ້າຍນາຍພົນ Bruno Mendevu ແລະນາຍພົນ
Fall Sikabwe ແຕ່ວ່າ ເສັ້ນຕາຍໄດ້ຜ່ານພົ້ນໄປ ໂດຍປາດ
ສະຈາກການຍົກຍ້າຍນາຍພົນທັງສອງ. ເຈົ້າໜ້າທີ່ສະຫະປະຊາຊາດກ່າວວ່າ ກຳລັງມີ
ການສົ່ງໜັງສືໄປຫາເຈົ້າໜ້າທີ່ DRC ກ່ຽວກັບການຢຸດເຊົາຕໍ່ການ ໃຫ້ຄວາມສະໜັບສະ
ໜູນດັ່ງກ່າວ.
ແຜນການບຸກໂຈມຕີທະຫານຕໍ່ກອງກຳລັງປະຊາທິປະໄຕເພື່ອປົດປ່ອຍ Rwanda ຫຼື
FDLR ຊຶ່ງບັນດາເຈົ້າໜ້າທີ່ກ່າວວ່າ ປະກອບດ້ວຍອະດີດພວກທະຫານ ແລະທະຫານ
ບ້ານ Hutu ທີ່ຮັບຜິດຊອບກ່ຽວກັບການຂ້າລ້າງເຊື້ອຊາດເຜົ່າພັນ ພວກຊົນກຸ່ມນ້ອຍ
ຊາວ Tutsi ໃນ Rwanda ໃນປີ 1994.
ຫລັງຈາກພວກກະບົດບໍ່ໄດ້ປະຕິບັດຕາມກຳນົດເສັ້ນຕາຍໃນເດືອນມັງກອນເພື່ອໃຫ້ຍອມ
ຈຳນົນນັ້ນ ສະຫະປະຊາຊາດຈຶ່ງຢາກປະຕິບັດງານຮ່ວມທາງທະຫານກັບກອງທັບ DRC
ເພື່ອຕາມລ່າຫາພວກກະບົດ. ແຕ່ແທນທີ່ຈະເປັນຈັ່ງຊັ້ນປະທານາທິບດີຂອງສາທາລະນະ
ລັດປະຊາທິປະໄຕຄອງໂກ ທ່ານ Jeseph Kabila ໄດ້ປະກາດວ່າ ກຳລັງຂອງທ່ານຈະ
ເປັນຜູ້ນຳພາໃນການປະຕິບັດງານທາງທະຫານ ທີ່ສະໜັບສະໜູນໂດຍກອງກຳລັງຮັກສາ
ສັນຕິພາບສະຫະປະຊາຊາດ.
ຍັງບໍ່ທັນເປັນທີ່ແຈ້ງຂາວເທື່ອວ່າ ການປະຕິບັດງານຂອງສາທາລະນະລັດປະ ຊາທິປະ
ໄຕຄອງໂກ ຕໍ່ພວກກະບົດ FDLR ໄດ້ເລີ້ມຂຶ້ນແລ້ວຫລືບໍ່.
