ກະຊວງປ້ອງກັນປະເທດຣັດເຊຍ ໄດ້ກ່າວໃນວັນອັງຄານມື້ນີ້ວ່າ
ຝູງເຮືອບິນຊຸດທຳອິດຂອງຕົນໄດ້ອອກຈາກຊິເຣຍ ຫລັງຈາກ
ປະທານາທິບໍດີ Vladimir Putin ໄດ້ປະກາດ ກ່ຽວກັບ ການ
ຖອນກອງກຳລັງສ່ວນໃຫຍ່ຂອງຕົນອອກຈາກຊິເຣຍ ລຸນຫຼັງ
ການປະຕິບັດງານເປັນເວລາ 5 ເດືອນເຄິ່ງ ຢູ່ທີ່ນັ້ນ.
ຝູງເຮືອບິນໄດ້ບິນອອກຈາກຄ້າຍທະຫານອາກາດໃນເມືອງ Hmeymim ທາງພາກຕາເວັນຕົກຂອງແຂວງ Latakia ໃນຊິເຣຍ ນັ້ນ ກັບຄືນມາຍັງຣັດເຊຍ.
ທ່ານ Putin ໄດ້ກ່າວໃນວັນຈັນວານນີ້ວ່າ “ສ່ວນໃຫຍ່” ຂອງທາງທະຫານໃນການປະຕິ ບັດງານໃນຊິເຣຍ ຊຶ່ງໃນປະຈຸບັນນີ້ ມັນສາມາດປ່ອຍວາງໃຫ້ພວກເຂົາເຈົ້າເຕີມເຕັມຢ່າງໃຫຍ່ຫຼວງໃນພາລະກິດໃນທີ່ນັ້ນ.
ທູດພິເສດຂອງອົງການສະຫະປະຊາຊາດ ກ່ຽວກັບ ຊິເຣຍ ທ່ານ Staffan de Mistura ໄດ້ກ່າວສັນລະເສີນ ຕໍ່ການຕັດສິນໃຈຂອງທ່ານ Putin ຊຶ່ງມັນເປັນ “ບາດກ້າວອັນສຳຄັນ” ໃນວັນອັງຄານມື້ນີ້ ແລະໄດ້ກ່າວວ່າ ທ່ານຫວັງວ່າ ມັນຈະມີຜົນໃນທາງບວກຕໍ່ການເຈລະ ຈາສັນຕິພາບກ່ຽວກັບຊິເຣຍ ຊຶ່ງທ່ານເປັນຜູ້ໄກ່ເກ່ຍໃນນະຄອນ ເຈນິວາ ນັ້ນ.
ເອກອັກຄະລັດຖະທູດຈາກ ອັງໂກລາ ປະຈຳອົງການສະຫະປະຊາຊາດ ທ່ານ Ismael Gaspar Martins ຜູ້ຊຶ່ງເປັນປະທານວຽນຂອງສະພາຄວາມໝັ້ນຄົງອົງການສະຫະປະຊາຊາດ ໄດ້ກ່າວວ່າ ການເອົາບາດກ້າວຂອງຣັດເຊຍແລະການກັບຄືນສູ່ການເຈລະຈາສັນຕິພາບ ໝາຍຄວາມວ່າ ມັນເປັນອາລົມທີ່ທາງສະພາຄວາມໝັ້ນຄົງອົງການສະຫະປະຊາຊາດກ້າວຄືບໄປ “ທີ່ຈະມີຜົນສະຫຼຸບໃນທາງບວກ.”
ທ່ານ Martins ໄດ້ກ່າວວ່າ “ຕອນທີ່ພວກເຮົາເຫັນການຖອນກຳລັງອອກນັ້ນ ໝາຍຄວາມວ່າສົງຄາມໄດ້ກ້າວໄປໃນອີກທິດທາງນຶ່ງ. ນັ້ນແມ່ນສິ່ງທີ່ດີ.”
ທຳນຽບຂາວ ໄດ້ກ່າວວ່າ ປະທານາທິບໍດີສະຫະລັດ ທ່ານ ບາຣັກ ໂອບາມາ ໄດ້ຮ້ອງຮຽນໃຫ້ທ່ານ Putin ປຶກສາຫາລືກັນກ່ຽວກັບການປະກາດຖອນທັບອອກຈາກຊິເຣຍ ແລະໂອ້ລົມກັນ
ເຖິງເລື້ອງການເອົານຳໜ້າທາງດ້ານການເຈລະຈາທາງການເມືອງກັບຊິເຣຍ.
