ສ​ປ​ຊ ເຕືອນ ກ່ຽວ​ກັບ ​ຄວາມ​ຮຸນ​ແຮງ​ຕໍ່​ພະ​ນັກ​ງານ​ຊ່ວຍ​ເຫຼືອ​ໃນ​ລະ​ດັບທີ່ບໍ່​ສາ​ມາດຍອມ​ຮັບ​ໄດ້

ອົງ​ການ​ສະ​ຫະ​ປະ​ຊາ​ຊາດ​ໃນ​ວັນ​ຈັນ​ມື້ນີ້​ໄດ້​ກ່າວ​ປະ​ນາມລະ​ດັບ​ຄວາມ​ຮຸນ​ແຮງ “ທີ່ບໍ່​ສາ​ມາດ​ຮັບ​ໄດ້” ໄດ້​ກາຍມາ​ເປັນເລື່ອງ​ທຳ​ມະ​ດ​າ​ທີ່​ເກີດ​ຂຶ້ນ​ກັບ​ເຈົ້າ​ໜ້າ​ທີ່​ດ້ານ​ມະ​ນຸດ​ສະ​ທຳ ໂດຍ​ມີ​ຜູ້​ເສຍ​ຊີ​ວິດ​ເຖິງ 280 ຄົນ ຊຶ່ງ​ຖື​ເປັນ​ສະ​ຖິ​ຕິ​ສູງ​ສຸດ​ທົ່ວ​ໂລກ​ໃນ​ປີ 2023.

ແລະ ເຂົາ​ເຈົ້າ​ໄດ້​ເຕືອນ​ວ່າ​ສົງ​ຄາມ​ລະ​ຫວ່າງ ອິ​ສ​ຣາ​ແອ​ລ ແລະ ກຸ່ມ​ຮາມ​າ​ສ ໃນ​ເຂດ​ກາ​ຊາ ແມ່ນ​ມີ​ຄວາມ​ເປັນ​ໄປ​ໄດ້​ທີ່​ຈະກໍ່​ໃຫ້​ມີ​ຈຳ​ນວນ​ການ​ເສຍ​ຊີ​ວິດ​ທີ່​ວ່າ​ນັ້​ນ​ສູງກວ່າ​ນີ້​ອີກ​ໃນ​ປີນີ້.

ທ່ານ​ນາງ ຈອ​ຍ​ສ໌ ເອັມ​ຊູ​ຢາ, ວ່າ​ການ​ຜູ້​ອຳ​ນວຍ​ການ​ຂອງ​ຫ້ອງ​ການ​ປະ​ສານ​ງານ​ບັນ​ຫາ​ມະ​ນຸດ​ສະ​ທຳ​ຂອງ ສະ​ຫະ​ປະ​ຊາ​ຊາດ ຫຼື OCHA ໄດ້​ກ່າວ​ໃນ​ຖະ​ແຫຼງ​ການ​ສະ​ບັບ​ນຶ່ງ​ໃນ​ວັນ​ມະ​ນຸດ​ສະ​ທຳ​ໂລກວ່າ “ການ​ເຮັດ​ໃຫ້​ຄວາມ​ຮຸ​ນ​ແຮງ​ຕໍ່​ພະ​ນັກ​ງານ​ຊ່ວຍ​ເຫຼືອເປັນ​ເລື່ອງ​ທຳ​ມະ​ດາ ແລະ ການ​ຂາດ​ຄວາມ​ຮັບ​ຜິດ​ຊອບ​ແມ່ນບໍ່​ສາ​ມາດ​ຮັບ​ໄດ້, ບໍ່ມີ​ເຫດ​ຜົນ ແລະ ເປັນ​ອັນ​ຕະ​ລາຍ​ຢ່າງ​ຍິ່ງ​ສຳ​ລັບ​ການ​ປະ​ຕິ​ບັດ​ການ​ຊ່​ວຍ​ເຫຼືອ​ຢູ່​ທຸກ​ໆ​ບ່ອນ.”

ຖະ​ແຫຼງ​ການ​ຂອງ OCHA ໄດ້​ກ່າວ​ວ່າ “ດ້ວຍ​ພະ​ນັກ​ງານ​ຊ່ວຍ​ເຫຼືອ 280 ຄົນ​ຖືກ​ຂ້າ​ຕາຍ​ໃນ 33 ປະ​ເທດ​ໃນ​ປີ​ກາຍນີ້, ປີ 2023 ເປັນ​ຂີດ​ໝາຍ​ປີ​ທີ່​ຮ້າຍ​ແຮງ​ທີ່​ສຸດ​ໃນ​ປະ​ຫວັດ​ການ​ສຳ​ລັບ​ປະ​ຊາ​ຄົມ​ມະ​ນຸດ​ສະ​ທຳ​ໂລກ,” ເຊິ່ງ​ແມ່ນ 137 ເປີ​ເຊັນ​ເພີ່ມ​ຂຶ້ນ​ຈາກ​ປີ 2022, ເວ​ລາ​ທີ່​ພະ​ນັກ​ງານ​ຊ່ວຍ​ເຫຼືອ 118 ຄົນ​ໄດ້​ເສ​ຍ​ຊີ​ວິດ.

ເຂົາ​ເຈົ້າ​ໄດ້​ອ້າງ​ເຖິງ​ຖານ​ຂໍ້​ມູນ​ດ້ານ​ຄວາມ​ປອດ​ໄພ​ຂອງ​ພະ​ນັກ​ງານ​ຊ່ວຍ​ເຫຼືອ ເຊິ່ງ​ໄດ້​ຕິດ​ຕາມ​ຕົວ​ເລກ​ດັ່ງ​ກ່າວ​ຢ້ອນ​ກັບ​ຄືນ​ໄປ​ເຖິງ​ປີ 1997.

ອົງ​ການ​ສະ​ຫະ​ປະ​ຊາ​ຊາດ​ໄດ້​ກ່າວ​ວ່າ ຫຼາຍກວ່າ​ເຄິ່ງ​ນຶ່ງ​ຂອງ​ການ​ຕາຍ​ໃນ​ປີ 2023, ຫຼື 163 ຄົນ, ແມ່​ນ​ພະ​ນັກ​ງານ​ຊົ່ວ​ເຫຼືອ​ທີ່​ຖືກ​ຂ້າ​ຕາຍ​ໃນ​ເຂດ ກາ​ຊາ ໃນ​ລະ​ຫວ່າງ ສາມ​ເດືອນ​ທຳ​ອິດ​ຂອງ​ສົງ​ຄາມ​ລະ​ຫວ່າງ ອິ​ສ​ຣາ​ແອ​ລ ແລະ ກຸ່ມ​ຮາ​ມາ​ສ, ເຊິ່ງ​ສ່ວນ​ໃຫຍ່​ແມ່ນ​ໃນ​ການ​ໂຈມ​ຕີ​ທາງ​ອາ​ກາດ.

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

The United Nations on Monday condemned the "unacceptable" level of violence becoming commonplace against humanitarian workers, a record 280 of whom were killed worldwide in 2023.

And it warned that the Israel-Hamas war in Gaza is potentially fueling even higher numbers of such deaths this year.

"The normalization of violence against aid workers and the lack of accountability are unacceptable, unconscionable and enormously harmful for aid operations everywhere," Joyce Msuya, acting director of the UN's Office for the Coordination of Humanitarian Affairs (OCHA), said in a statement on World Humanitarian Day.

"With 280 aid workers killed in 33 countries last year, 2023 marked the deadliest year on record for the global humanitarian community," a 137 percent increase over 2022, when 118 aid workers died, OCHA said in the statement.

It cited the Aid Worker Security Database which has tracked such figures back to 1997.

The UN said more than half of the deaths in 2023, or 163, were aid workers killed in Gaza during the first three months of the war between Israel and Hamas, mainly in air strikes.