ເລຂາທິການໃຫ່ຍອົງການສະຫະປະຊາຊາດ ທ່ານ Ban Ki-moon ໄດ້ຮຽກຮ້ອງໃຫ້
ເກົາຫລີເໜືອ ພິຈາລະນາຄືນໃໝ່ກ່ຽວກັບແຜນການທີ່ຈະສົ່ງດາວທຽມຂຶ້ນສູ່ອະວະກາດ
ໃນເດືອນເມສານີ້ ຂະນະທີ່ສະຫະລັດ ກ່າວວ່າ ການສົ່ງດາວທຽມຂອງເກົາຫຼີເໜືອອາດ
ຈະມີຜົນກະທົບຕໍ່ແຜນ ການຈັດສົ່ງສະບຽງອາຫານໄປຊ່ວຍເກົາຫຼີເໜືອທີ່ອຶດຢາກນັ້ນ.
ເກົາຫລີເໜືອໄດ້ປະກາດໃນມື້ວັນສຸກວານນີ້ວ່າ ຕົນຈະໃຊ້ລູກສອນໄຟ ທີ່ຍິງໄດ້ໃນລະຍະ
ໄກ ເພື່ອສົ່ງດາວທຽມຂຶ້ນສູ່ອະວະກາດ ບໍ່ເທົ່າໃດອາທິດຫລັງຈາກໄດ້ຕົກລົງກັບສະຫະລັດ
ທີ່ຈະໂຈການທົດລອງລູກສອນ ໄຟລະຍະໄກ ເພື່ອເປັນການແລກປ່ຽນ ກັບການຊ່ວຍເຫຼືອ
ທາງດ້ານສະ ບຽງອາຫານສຸກເສີນໜັກ 240.000 ໂຕນ.
ສະຫະລັດ ຣັດເຊຍ ເກົາຫລີໃຕ້ແລະຍີ່ປຸ່ນ ຕ່າງກໍພາກັນປະນາມແຜນການປ່ອຍດາວທຽມ
ດັ່ງກ່າວ ໂດຍເວົ້າວ່າ ມັນເປັນການຝ່າຝືນ ຕໍ່ການຫ້າມຂອງສະຫະປະຊາຊາດ ທີ່ບໍ່ໃຫ້ເກົາ
ຫລີເໜືອນຳໃຊ້ເທກໂນໂລຈີ ລູກສອນໄຟຂີປະນາວຸດ. ອົງການຂ່າວຣອຍເຕີ້ໄດ້ອ້າງຄໍາເວົ້າ
ໃນຖະ ແຫຼງການສະບັບນຶ່ງຈາກຫ້ອງການຂອງທ່ານ Ban ທີ່ໄດ້ສະແດງຄວາມວິຕົກກ່ຽວ
ກັບແຜນການສົ່ງດາວທຽມຂອງເກົາຫລີເໜືອ.
ໂຄສົກກະຊວງການຕ່າງປະເທດສະຫະລັດ ທ່ານນາງ Victoria Nu-land ກ່າວວ່າ ການ
ປະກາດຂອງພຽງຢາງທີ່ຈະສົ່ງດາວທຽມນັ້ນອາດຈະເຮັດໃຫ້ການຈັດຕັ້ງປະຕິບັດກ່ຽວກັບ
ຂໍ້ຕົກລົງໃຫ້ຄວາມຊ່ວຍເຫຼືອໃນ ດ້ານສະບຽງອາຫານ “ມີບັນຫາຍາກຂື້ນ” ເພາະວ່າມັນພາ
ໃຫ້ເກີດມີຄໍາຖາມຂຶ້ນມາວ່າ ຄຳເວົ້າຂອງເກົາຫລີເໜືອນັ້ນ ເຊື່ອໄດ້ບໍ. ທ່ານນາງກ່າວຕື່ມອີກ
ວ່າ ສະຫະລັດຕ້ອງໄດ້ອາໄສເຈົ້າໜ້າທີ່ເກົາຫລີເໜືອ ເພື່ອໃຫ້ເປັນທີ່ແນ່ນອນວ່າອາຫານທີ່
ຖືກໄປຊ່ວຍນັ້ນ ໄດ້ຕົກໄປເຖິງມືພວກທີ່ມີຄວາມຕ້ອງການ.
