ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ອົງການສະຫະປະຊາຊາດ ແລະ ສະຫະລັດ ປະນາມຄຳສັ່ງຂອງກຸ່ມຕາລີບານ ທີ່ “ກົດຂີ່” ແມ່ຍິງອັຟການິສຖານ ຢ່າງບໍ່ຢຸດຢັ້ງ


ແຟ້ມຮູບພາບ - ນັກສຶກສາມະຫາວິທະຍາໄວ​ໜຸ່ມຊາວອັຟການິສຖານ ໃນ ກູດຕາ, ປາກິສຖານ ຮ້ອງຄຳຂວັນ ແລະ ຖືປ້າຍ ລະຫວ່າງການປະທ້ວງ ຕໍ່​ຕ້ານການຫ້າມການສຶກສາຂັ້ນມະຫາວິທະຍາໄລ ສຳລັບແມ່ຍິງ ຢູ່ໃນປະເທດບ້ານເກີດຂອງພວກເຂົາ ໃນວັນທີ 24 ທັນວາ 2022.
ແຟ້ມຮູບພາບ - ນັກສຶກສາມະຫາວິທະຍາໄວ​ໜຸ່ມຊາວອັຟການິສຖານ ໃນ ກູດຕາ, ປາກິສຖານ ຮ້ອງຄຳຂວັນ ແລະ ຖືປ້າຍ ລະຫວ່າງການປະທ້ວງ ຕໍ່​ຕ້ານການຫ້າມການສຶກສາຂັ້ນມະຫາວິທະຍາໄລ ສຳລັບແມ່ຍິງ ຢູ່ໃນປະເທດບ້ານເກີດຂອງພວກເຂົາ ໃນວັນທີ 24 ທັນວາ 2022.

ອົງການສະຫະປະຊາຊາດ ໄດ້ຮຽກຮ້ອງຄືນໃໝ່ ໃຫ້ກຸ່ມຕາລີບານ ໃນອັຟການິສຖານ ເປີດໂຮງຮຽນຄືນໃໝ່ໃນທັນທີ ໃຫ້ແກ່ເດັກຍິງໄວໜຸ່ມ, ໂດຍກ່າວວ່າ ອຳນາດການປົກຄອງທີ່ແທ້ຈິງ ບໍ່ມີເຫດຜົນໃນການປະຕິເສດສິດທິໃນການສຶກສາໃນທຸກດ້ານ ລວມທັງສາສະໜາ ຫຼືປະເພນີ.

ຄະນະຜູ້ຊ່ຽວຊານຂອງອົງການສະຫະປະຊາຊາດ ກ່າວໃນວັນຈັນວານນີ້ວ່າ "ການປະຕິເສດທີ່ຜິດກົດຫມາຍຢ່າງຕໍ່ເນື່ອງຕໍ່ການສຶກສາຂອງເດັກຍິງ ແລະແມ່ຍິງໄວຫນຸ່ມ ໃນອັຟການິສຖານຖືກເປັນຈຸດຕົກຕໍ່າ ດ້ານໃນການສຶກສາໃນທົ່ວໂລກ, ສົ່ງຜົນກະທົບຕໍ່ທຸກເພດ, ຄົນລຸ້ນນີ້, ແລະອະນາຄົດຂອງປະເທດ".

ບໍ່​ມີ​ສັນຍານ​ຊີ້​ບອກ​ໃດໆ​ທີ່​ກຸ່ມ​ຕາ​ລີ​ບານ​ຕັ້ງ​ໃຈ​ຈະ​ຍົກ​ເລີກ​ການ​ຫ້າມ​ການ​ສຶກສາ ​ຕໍ່​ເພດ​ຍິງ​ໃນ​ຂະນະ​ທີ່​ໂຮງຮຽນ​ມັດທະຍົມ​ໃນ​ທົ່ວ​ປະ​ເທດ​ເອ​ເຊຍໃຕ້​ເປີດ​ຄືນ​ໃໝ່​ໃນ​ທ້າຍ​ອາທິດ​ນີ້ ຫຼັງ​ຈາກ​ພັກ​ລະດູ​ໜາວ.

ຄະນະກໍາມະການສະຫະປະຊາຊາດກ່າວວ່າ "ແຕ່ກົງກັນຂ້າມ, ມັນປາກົດວ່າສໍາລັບປີການສຶກສາຕໍ່ເນື່ອງປີທີສອງ, ເດັກຍິງໄວຫນຸ່ມຈະຖືກຫ້າມບໍ່ໃຫ້ຮຽນຕໍ່," .​ໂດຍເສີມວ່າອັຟການິສຖານເປັນປະເທດດຽວໃນໂລກທີ່ເດັກຍິງແລະໄວຫນຸ່ມຍິງຖືກຫ້າມບໍ່ໃຫ້ໄດ້ຮັບການສຶກສາ.

ອ່ານຂ່າວເປັນພາສາອັງກິດຕື່ມ

XS
SM
MD
LG