ລິ້ງ ສຳຫລັບເຂົ້າຫາ

ລັດຖະມົນຕີການຕ່າງປະເທດ ຝຣັ່ງ ທ່ານ Laurent Fabius
ກ່າວວ່າ ບັນດາ ອໍານາດຕາເວັນຕົກ ແມ່ນມີການຕອບໂຕ້ຢ່າງ
ຂະໜານໃຫຍ່ ຕໍ່ການນໍາໃຊ້ອາວຸດ ເຄມີ ຫຼື ອາວຸດເຊື້ອໂຣກໃດໆ
ກໍຕາມ ຂອງກອງກໍາລັງຂອງປະທານາທິບໍດີ ຊີເຣຍ ທ່ານ Bashar
al-Assad ນັ້ນ.

ທ່ານ Fabius ໄດ້ກ່າວໃນການສໍາພາດອອກອາກາດ ໃນວັນ
ຈັນມື້ນີ້ວ່າ ໄດ້ມີ ການຕົກລົງເຫັນພ້ອມນໍາກັນຢ່າງກ້ວາງຂວາງ ກ່ຽວກັບການຕອບໂຕ້ດັ່ງກ່າວ ຊຶ່ງທ່ານໄດ້ເອີ້ນອາວຸດເຄມີວ່າ
ເປັນອັນຕະລາຍອັນໃຫຍ່ຫລວງ.

ທ່ານໄດ້ໃຫ້ຄວາມເຫັນດັ່ງກ່າວນີ້ ໃນຂະນະທີ່ຫົວໜ້າສະພາ
ກາແດງສາກົນ ກໍາລັງເດີນທາງໄປຢ້ຽມຢາມຊີເຣຍ ເປັນເວລາ
3 ມື້ ຊຶ່ງຈະຮວມທັງການພົບປະ ກັບທ່ານ Assad ແລະບັນດາເຈົ້າໜ້າທີ່ອື່ນໆອີກ. ສະພາກາແດງສາກົນ ກ່າວວ່າ ການໂອ້ລົມສົນທະນານັ້ນແມ່ນຈະສຸມໃສ່ ສະຖານນະ ການດ້ານມະນຸດສະທໍາ ທີ່ກໍາລັງຊຸດໂຊມລົງໄປຢ່າງໄວໃນຊີເຣຍ ແລະການທ້າທາຍ ໃນການເຂົ້າຫາພວກທີ່ໄດ້ຮັບເຄາະຈາກການສູ້ລົບກັນນັ້ນ.

ໃນຂະນະດຽວກັນນີ້ ທູດພິເສດຄົນໃໝ່ຂອງສະຫະປະຊາຊາດແລະສັນນິບາດອາຣັບ
ທີ່ໄດ້ຮັບມອບໝາຍໜ້າທີ່ໃຫ້ຊອກຫາທາງອອກແບບສັນຕິວິທີ ຕໍ່ບັນຫາຊີເຣຍນັ້ນ
ກ່າວວ່າ ທ່ານບໍ່ມີຄວາມເຂົ້າໃຈຜິດໃດໆເລີຍວ່າ ວຽກງານອັນນີ້ຂອງທ່ານ ຈະເປັນວຽກ
ທີ່ງ່າຍໆ.
XS
SM
MD
LG