ສະພາຄວາມໝັ້ນຄົງຂອງອົງການສະຫະປະຊາຊາດກ່າວວ່າ ກຳລັງຮັກສາສັນຕິພາບ ຍັງຈະ
ຢູ່ທີ່ຊູດານໃຕ້ ຕື່ມອີກນຶ່ງປີ.
ສະມາຊິກ 15 ປະເທດຂອງສະພາຄວາມໝັ້ນຄົງໄດ້ໃຫ້ການອະນຸມັດຢ່າງເປັນເອກກະສັນຕໍ່
ມະຕິດັ່ງກ່າວ ໃນວັນພະຫັດວານນີ້ ເພື່ອຕໍ່ອາຍຸການປະຕິບັດງານຂອງສະຫະປະຊາຊາດຢູ່
ໃນຊູດານໃຕ້ ສຳຫຼັບປັບປຸງການຮັກສາຄວາມປອດໄພຢູ່ໃນປະເທດດັ່ງກ່າວ. ມະຕິສະບັບນີ້
ຍັງໄດ້ຮຽກຮ້ອງໃຫ້ລັດຖະບານຊູດານໃຕ້ ຮັບເອົາຄວາມຮັບຜິດຊອບເພີ້ມຂື້ນ ໃນການປົກ
ປ້ອງຄຸ້ມຄອງປະຊາຊົນຂອງຕົນເອງ.
ສະພາຄວາມໝັ້ນຄົງຂອງອົງການສະຫະປະຊາຊາດໃນຂັ້ນຕົ້ນໄດ້ສົ່ງກຳລັງຮັກສາສັນຕິພາບ
ທີ່ເປັນທະຫານຫຼາຍເຖິງ 7000 ຄົນ ຕໍາຫລວດອີກ 900 ຄົນໄປຍັງຊູດານໃຕ້ ຫລັງຈາກປະ
ເທດດັ່ງກ່າວ ໄດ້ແຍກໂຕເປັນເອກກະລາດ ຈາກຊູດານ ແລະກາຍເປັນປະເທດໃໝ່ທີ່ສຸດຢູ່ໃນ
ໂລກເມື່ອນຶ່ງປີທີ່ຜ່ານມາ. ຂໍ້ຕົກລົງສັນຕິພາບ ປີ 2005 ເຮັດໃຫ້ສົງຄາມກາງເມືອງໃນຊູດານ
ທີ່ດຳເນີນມາເປັນເວລາ 21 ປີສິ້ນສຸດລົງແລະເຮັດໃຫ້ການລົງປະຊາມະຕິໃນເດືອນມັງກອນປີ
ກາຍນີ້ເປັນໄປໄດ້ຊຶ່ງປະຊາຊົນຊາວຊູດານໃຕ້ໄດ້ລົງຄະແນນສຽງຢ່າງຖ້ວມລົ້ນແຍກໂຕອອກ
ຈາກພາກເໜືອຂອງຊູດານ.
ນັບຕັ້ງແຕ່ໄດ້ເປັນປະເທດເອກກະລາດມາຊູດານໃຕ້ໄດ້ເກີດບັນຫາຄວາມຮຸນແຮງກັບຊູດານ
ໃນຂະນະທີ່ທັງສອງຝ່າຍຍັງບໍ່ແກ້ໄຂບັນຫາຂັດແຍ້ງກ່ຽວກັບເລື່ອງຊາຍແດນແລະການແບ່ງ
ປັນລາຍໄດ້ຈາກການຂາຍນໍ້າມັນ.
ປະຊາຊົນຊູດານໃຕ້ທໍາການອານາໄມເມືອງຫລວງຈູບາຢ່າງຕັ້ງໜ້າ ກຽມໃສ່
ສະຫລອງວັນເອກະລາດ ທີ 9 ກໍລະກົດ ວັນຈັນຈະມານີ້: