ລິ້ງ ສຳຫລັບເຂົ້າຫາ

ສປຊ ວ່າ ມີຊາວໂຊມາເລຍ ຫຼາຍກວ່າ ນຶ່ງ​ລ້ານ​ຄົນ ຫຼົບໜີ ຈາກປະເທດ

  • ທອງປານ ເທບວົງສາ

ແຜນທີ່ປະເທດໂຊມາເລຍ ແລະປະເທດໃກ້ຄຽງທີ່ຊາວໂຊມາເລຍຫຼົບໜີ ໄປເພິ່ງພິງນັ້ນ

ອົງການ​ອົບ​ພະຍົບສະຫະ​ປະຊາ​ຊາດ​ກ່າວ​ວ່າ ຈໍານວນ​ຊາວ​ໂຊ​ມາ​ເລຍ ທີ່​ໄດ້ຫຼົບໜີ​ຈາກ​ປະ​ເທດ​ຂອງ​ພວກ​ເຂົາ​ເຈົ້າ ເພີ່ມ​ຂຶ້ນ​ເກີນນຶ່ງ​ລ້ານ​ຄົນ​ແລ້ວ.

ອີງ​ຕາມ​ອົງການ​ອົບ​ພະຍົບສະຫະ​ປະຊາ​ຊາດ​ແລ້ວ ຊາວ​ອົບ​ພະ​ຍົບສ່ວນ​ໃຫຍ່​ໄດ້ຫຼົບໜີ​ໄປ​ເພິ່ງ​ພິງ​ປະ​ເທດເພື່ອນ​ບ້ານ​ຄື ​ເຄນ​ຢາ ​ແລະ​ອີ​ທິ​ໂອ​ເປຍ.

ຊາວ​ອົບ​ພະຍົບ​ໂຊ​ມາ​ເລຍ ຈຸລ່າ​ສຸດ​ທີ່​ມາ​ເຖິງ​ເມື່ອ​ບໍ່​ດົນ​ນີ້ ດັ່ງດຽວ​ກັບ​ຊຸດ​ກ່ອນ ພາກັນ​ອ້າງ​ວ່າ​ຫຼົບໜີ​ມາ​ຍ້ອນ​ຄວາມ​ບໍ່​ສະຫງົບ​ ​ແລະ​ການ​ຂາດ​ແຄນ​ເຂົ້າປາອາຫານທີ່​ມີຢ່າງ​ຕໍ່​ເນຶ່ອງຢູ່​ໃນ​ໂຊ​ມາ​ເລຍ.

​ແນວ​ໃດ​ກໍ​ດີ, ການຫຼັ່ງ​ໄຫຼຂອງ​ຊາວ​ອົບ​ພະຍົບ​ໄດ້​ຊັກ​ຊ້າ​ລົ​ງ​ຢ່າງ​ຫຼວງ​ຫຼາຍ ​ໃນປີກາຍ​ນີ້.

​ໂຄສົກ Andy Needham ກ່າວ​ວ່າ ສະພາບ​ແຫ້ງ​ແລ້ງ ​ແມ່ນ​ດີ​ຂຶ້ນຫຼາຍ ​ແລ້ວ ສົມ​ທຽບ​ກັບ​ປີຜ່ານມາ ​ເຖິງ​ແມ່ນ​ການ​ຕົກ​ບໍ່​ພຽງພໍ​ຂອງຝົນ​ ​ຍັງສືບ​ຕໍ່ ​ເປັນ​ບັນຫາ​ຕະຫລອດ​ມາ​ຢູ່​ນັ້ນ​ກໍ​ຕາມ.

ນອກ​ນີ້ ກຸ່ມ​ຫົວ​ຮຸນ​ແຮງ al-Shabab ​ໄດ້ສູນ​ເສຍ​ເຂດ​ຍຶດຄອງ​ສ່ວນ​ໃຫຍ່ ຂອງ​ພວກ​ເຂົາ​ໄປ​ແລ້ວ ຊຶ່ງ​ຢ່າງ​ໃດ​ກໍ​ດີ ອົງການ​ອົບ​ພະຍົບສະຫະ​ປະ ຊາ​ຊາດ​ກໍ​ຍັງ​ເປັນ​ຫ່ວງ​ວ່າ ການ​ສູ້​ລົບ​ຈະ​ເພີ່ມ​ຂຶ້ນອີກ ​ໃນ​ຂະນະ​ທີ່​ໂຊ​ມາ​ເລຍ ພະຍາຍາມ​ປ່ຽນ​ລັດຖະບານ​ໄລຍະ​ຂ້າມ​ຜ່ານ​ຊຸດ​ໃໝ່​ ໃນ​ເດືອນ​ໜ້າ​ນີ້.

XS
SM
MD
LG