ລິ້ງ ສຳຫລັບເຂົ້າຫາ

ສປຊ ​ຈະຮັບ​ຜ່ານມະຕິ ປະນາມ​ ການ​ກໍ່ ຄວາມ​ຮຸນ​ແຮງ ​​ໃນຊີ​ເຣຍ ​(ວີດິໂອ)


ເລຂາທິການໃຫຍ່ຂອງອົງການສະຫະ​ປະຊາ​ຊາດ ທ່ານ Ban Ki-moon
ຄາດ​ກັນ​ວ່າ ​ສະມັດຊາໃຫຍ່ສະຫະ​ປະຊາ​ຊາດ ​ຈະຮັບ​ຜ່ານ
ມະຕິສະບັບ​ນຶ່ງ​ໃນ​ວັນ​ພຸດ​ມື້​ນີ້ ປະນາມ​ການ​ກໍ່ຄວາມ​ຮຸນ​ແຮງ
ສືບ​ຕໍ່ມາ​ຢູ່ໃນ​ຊີ​ເຣຍ ​ແລະ​ຮຽກຮ້ອງ​ໃຫ້​ລັດຖະບານ​ຊີ​ເຣຍ
ອະນຸຍາດ​ໃຫ້ຄະນະ​ສືບສວນຂອງສະຫະ​ປະຊາ​ຊາດ ​ເຂົ້າ​ໄປ
ເກັບກໍາ​ເອົາຂໍ້​ມູນ.

ມະຕິ​ດັ່ງກ່າວທີ່​ບໍ່​ມີ​ຂໍ້​ຜູກ​ມັດ​ໃດໆແລະຮ່າງຂຶ້ນ​ໂດຍ​ປະ​ເທດ
Qatarນັ້ນ ສະ​ແດງ​ຄວາມ​ຍິນ​ດີ​ນໍາກຸ່ມ​ປະສົມຂອງ​ຝ່າຍ​ຄ້ານ​
ທີ່​ສໍາຄັນ ​ໃນ​ຖານະ​ເປັນ​ຜູ້​ປະກອບສ່ວນ​ທີ່​ “​ໄດ້ຜົນ” ໃນ​ການ​
ສົນທະນາ​ຫາລື ທີ່​ຈໍາ​ເປັນສໍາ​ລັບການ​ຫັນປ່ຽນ​ທາງ​ການ​ເມືອງ
ໃນ​ຊີ​ເຣຍນັ້ນ.

ມະຕິ​ດັ່ງກ່າວ​ຍັງ​ໃຫ້​ຂໍ້​ສັງ​ເກດ​ເຖິງ​ການ​ຍອມຮັບກຸ່ມ​ດັ່ງກ່າວຢ່າງ​ກ້ວາງ​ຂວາງໂດຍນາໆ​ຊາດ
ວ່າ​ເປັນ​ຕົວ​ແທນ​ທີ່ຖືກ ຕ້ອງຊອບ​ທໍາ ຂອງ​ຊາວ​ຊີ​ເຣຍ.

ມະຕິ​ດັ່ງກ່າວຍັງຮຽກຮ້ອງ​ໃຫ້ຊີ​ເຣຍອະນຸຍາດ​ ໃຫ້ທີ​ມງ​ານຂອງສະຫະ​ປະຊາ​ຊາດເຂົ້າ​ໄປ
ສືບສວນ​ໄດ້​ຢ່າງ​ເສລີ ​ກ່ຽວ​ກັບ​ການ​ນໍາ​ໃຊ້​ອາ​ວຸດ​ເຄມີຕາມ​ທີ່​ມີ​ການ​ກ່າວ​ຫາ​ນັ້ນ. ທີ​ມງານ
​ດັ່ງກ່າວຊຶ່ງ​ໄດ້​ຮັບການ​ອະນຸມັດ ​ຈາກເລ​ຂາ​ທິການ​ໃຫຍ່ອົງການສະຫະ​ປະຊາ​ຊາດ ທ່ານ
Ban Ki-moon ​ແມ່ນພ້ອມແລ້ວທີ່ຈະ​ໄປ​ປະຕິບັດງານ ແຕ່ທາງຊີເຣຍກໍຍັງບໍ່ອະນຸຍາດ
ໃຫ້ເຂົ້າໄປເທື່ອ.

ຣັດເຊຍຄ້ານຕໍ່ຮ່າງມະຕິດັ່ງກ່າວ ແລະບັນດາ​ນັກ​ການທູດກ່າວວ່າ ເອກກະສານສະບັບນີ້ ຄາດວ່າຈະໄດ້ຮັບການສະໜັບສະໜູນນ້ອຍກ່ວາ ມະຕິສະບັບທີ່ທາງສະມັດຊາໃຫຍ່ໄດ້
ຮັບຜ່ານ​ເອົາ ໃນເດືອນສິງຫາແລ້ວນີ້.

ການລົງຄະແນນສຽງຄັ້ງ​ນີ້ ແມ່ນມີຂຶ້ນ ​ໃນ​ຂະນະທີ່ມີ​ການສືບຕໍ່ດໍາ​ເນີນ​ຄວາມພະຍາຍາມ
​ເພື່ອ​ຈັດກອງປະຊຸມສັນຕິພາບຊີເຣຍຂຶ້ນ.

ລັດຖະມົນຕີການຕ່າງປະເທດສະຫະລັດ ທ່ານ John Kerry ໄດ້ກ່າວໃນວັນອັງຄານວານ
ນີ້ວ່າ ທ່ານຄາດໝາຍວ່າ ລັດຖະບານຂອງຊີເຣຍ ແລະກຸ່ມຝ່າຍຄ້ານຫຼັກນັ້ນ ຈະເຂົ້າຮ່ວມ
ກອງ​ປະຊຸມດັ່ງກ່າວໃນຕົ້ນເດືອນມິຖຸນາ ຄື​ເດືອນໜ້ານີ້.

ວີດິໂອ: ທ່ານແຄຣີຖະແຫລງ ກ່ຽວກັບກອງປະຊຸມຊີເຣຍ ຂະນະຢ້ຽມຢາມ ສະຕອ໊ກໂຮມ ໃນວັນອັງຄານວານນີ້:

XS
SM
MD
LG