ສະພາຄວາມໝັ້ນຄົງ ອົງການສະຫະປະຊາຊາດ ຄາດວ່າຈະຮັບ ຮອງເອົາຮ່າງຍະຕິຢ່າງເປັນເອກະສັນໃນວັນພະຫັດມື້ນີ້ ເພື່ອຮຽກ ຮ້ອງເອົາການສິ້ນສຸດຄວາມຮຸນແຮງໃນ Burundi ແລະ ຂົ່ມຂູ່ວ່າ ຈະວາງມາດຕະການລົງໂທດຕໍ່ໃຜກໍຕາມທີ່ກີດຂວາງການແກ້ໄຂ ບັນຫາເພື່ອສັນຕິພາບ.
ມາດຕະການດັ່ງກ່າວໄດ້ສະແດງຄວາມເປັນຫ່ວງກ່ຽວກັບ “ຄວາມ ບໍ່ໝັ້ນຄົງທີ່ສືບຕໍ່ເພີ່ມສູງຂຶ້ນ” ໃນ Burundi ແລະ ຂາດການເຈ ລະຈາກັນລະຫວ່າງ ພັກການເມືອງຂອງພວກເຂົາເຈົ້າ. ນອກນັ້ນ ມັນຍັງໄດ້ຊຸກຍູ້ໃຫ້ທຸກໆຝ່າຍຮ່ວມມືກັນດ້ວຍຄວາມພະຍາຍາມ ໄກ່ເກ່ຍປະນີປະນອມນຳພາໂດຍປະທານາທິບໍດີ Yoweri Museveni.
ຍະຕິດັ່ງກ່າວຮຽກຮ້ອງໃຫ້ເລຂາທິການໃຫຍ່ທ່ານ Ban Ki-moon ໃຫ້ປັບປຸງສະພາກ່ຽວກັບ ສະຖານະການພາຍໃນ 15 ວັນ ແລະ “ສະເໜີທາງເລືອກກ່ຽວກັບການເຂົ້າໄປໃນ Burundi ໃນອະນາຄົດໂດຍອົງການສະຫະປະຊາຊາດ.”
ບັນດານັກການທູດໃນນະຄອນ ນິວຢອກ ໄດ້ກ່າວໃນວັນພຸດວານນີ້ວ່າ ອົງການສະຫະປະຊາ ຊາດ ສາມາດສົ່ງເຈົ້າໜ້າທີ່ຮັກສາສັນຕິພາບເຂົ້າໄປໃນ Burundi ຢ່າງຮີບດ່ວນຖ້າຄວາມ ສະຫງົບຍັງບໍ່ທັນກັບຄືນສູ່ປະເທດ ອາຟຣິກາຕາເວັນອອກແຫ່ງນັ້ນໃນໄວໆນີ້.
