ລິ້ງ ສຳຫລັບເຂົ້າຫາ

logo-print

ເລ​ຂາ​ທິ​ການໃ​ຫ​ຍ່ ​​ສ​ປ​ຊ ໃຫ້ປະຕິ​ຍານ ໃນ​ການ​ຕໍ່​ສູ້​ ທາງ​ອອນໄລ​ນ໌ ກ່ຽວ​ກັບ ​ການໃຊ້​ຄຳ​ເວົ້າ ​ທີ່​ສ້າງ​ຄວາມ​ກຽດ​ຊັງ


ເລ​ຂາ​ທິ​ການໃ​ຫ​ຍ່ ຂອງ​ອົງ​ການ​ສະ​ຫະ​ປະ​ຊາ​ຊາດ ທ່ານ Antonio Guterres ລົງ​ນາມ ໃນປື້ມ WTO, ທີ່​ເຈນີ​ວາ, ສວິ​ດ​ເຊີ​ແລນ, 10 ພຶດ​ສະ 2019.

ເລ​ຂາ​ທິ​ການໃ​ຫ​ຍ່ ຂອງ​ອົງ​ການ​ສະ​ຫະ​ປະ​ຊາ​ຊາດ ທ່ານ Antonio Guterres
ໃຫ້​ຄຳໝັ້ນ​ສັນ​ຍາຕໍ່​ອົງ​ການ​ໂລກ​ດັ່ງ​ກ່າວ ຈະ​ນຳ​ພາ​ໃນ​ຄວາມ​ພະ​ຍາ​ຍາມ ທີ່​ຈະ​ຕໍ່​ສູ້
​ທາງ​ອອນໄລ​ນ໌ ກ່ຽວ​ກັບ​ການ​ຄຳ​ເວົ້າ​ທີ່​ສ້າງ​ຄວາມ​ກຽດ​ຊັງ ຫຼັງ​ຈາກ​ການ​ໂຈມ​ຕີ​ຮ້າຍ
​ແຮງ ໃນ​ວັດສາ​ສະ​ໜາ​ອິ​ສ​ລາມ ໃນ​ນິວຊີ​ແລນ.

ທ່ານ Guterres ໄດ້ໃ​ຫ້​ຄຳ​ປະ​ຕິ​ຍານ​ ໃນ​ວັນ​ອັງ​ຄານ​ມື້​ນີ້ວ່າ ໃນ​ຊ່ວງທີ່​ຢ້ຽມ ຢາມ
ວັດ​ al-Noor ແລະ Linwood ຂອງສາ​ສະ​ໜາ​ອິ​ສ​ລາມ ໃນ​ເມືອງ Christchurch
ບ່ອນ​ທີ່ 51 ຄົນ ໄດ້​ຖືກ​ສັງ​ຫານ ໃນ​ວັນ​ທີ 15 ມີ​ນາ ໂດຍມື​ສັງ​ຫານ​ທີ່​ກ່າວ​ເຖິງ​ຕົວ​ເອງ
ວ່າ ເປັນ​ຊາວ​ຜິວ​ຂາວ​ທີ່​ຖື​ວ່າ​ຕົນ​ວິ​ເສດ​ສຸດ ໃນອອ​ສ​ເຕ​ຣ​ເລຍ.

“ຂ້າ​ພະ​ເຈົ້າ ຊາບ​ວ່າ ມັນ​ບໍ່​ມີ​ຄຳ​ເວົ້າ​ໃດໆ ທີ່​ຈະ​ຜ່ອນ​ຄາຍ​ຄວາມເຈັບ ແລະ​ ໂສກ​ເສົ້າ
ແລະເຈັບ​ປວດ,”
ເລ​ຂາ​ທິ​ການໃ​ຫ​ຍ່ ຂອງ​ອົງ​ການ​ສະ​ຫະ​ປະ​ຊາ​ຊາດ ໄດ້​ກ່າວ​ວ່າ
ຫຼັງ​ຈາກ​ທີ່​ໄດ້​ຢ້ຽມ​ຢາມ ​ໃນວັດ al-Noor ຂອງ​ສາ​ສະ​ໜາ​ອິ​ສ​ລາມ “ແຕ່​ວ່າ ຂ້າ​ພະ​ເຈົ້າ​
ຕ້ອງ​ການ​ທີ່​ຈະ​ມາ​ທີ່​ນີ້ ເປັນ​ການ​ສ່ວນ​ຕົວ ທີ່​ຈະ​ສົ່ງ​ຄວາມ​ຮັກ ຄວາມ​ສະ​ໜັບ​ສະ​ໜຸນ
ແລະ​ທັງໝົດທີ່​ຈະ​ຊື່ນ​ຊົມ​ຢ່າງ​ເຕັມ​ລົ້ນ.”

ໂດຍເຕືອນ​ວ່າ “ຄຳເວົ້າ ​ເພື່ອ​ສ້າງ​ຄວາມ​ກຽດ​ຊັງ ແມ່ນ​ໄດ້ແຜ່​ຂະ​ຫຍາຍ ເຊັ່ນ​ໄຟ​ປ່າ
ໃນ​ສື່ສັງ​ຄົມ,”
ທ່ານ Guterres ໄດ້ກ່າວວ່າ ທ່ານ​ໄດ້​ຮຽກ​ຮ້ອງ ໃຫ້ Adama Dieng,
ທີ່ປຶກ​ສາ​ພິ​ເສດ​ຂອງ​ທ່ານ ສຳ​ລັບ​ການ​ປ້ອງ​ກັນ ໃນການ​ຂ້າ​ລ້າງ​ເຊື້ອ​ຊາດ​ເຜົ່າ​ພັນ,
ທີ່​ຈະ​ປະ​ກອບ​ຄະ​ນະໃນການພັດ​ທະ​ນາ​ແຜນ​ການ​ໂລກ ເພື່ອເອົາ​ບາດ​ກ້າວ ໃນ​ການ​
ຕອບ​ຮັບ​ນີ້.

ນາ​ຍົກ​ລັດ​ຖະ​ມົນ​ຕີ ນິວ​ຊີ​ແລນ ທ່ານ​ນາງ Jacinda Ardern ​ຜູ້​ທີ່​ໄດ້​ຮັບ​ການ​ຍ້ອງ​ຍໍ​
ສັນ​ລະ​ເສີນ​ຈາກ​ນາໆ​ຊາດ ໃນ​ການຮັບ​ມື​ຂອງ​ທ່ານ​ນາງ ຕໍ່​ການ​ສັງ​ຫານ​ໝູ່​ໃນເມືອງ Christchurch ແມ່ນ​ວາງ​ແຜນ​ທີ່​ຈະ​ເປັນ​ເຈົ້າ​ພາບ​ຄູ່ ໃນ​ກອງ​ປະ​ຊຸມ ຢູ່​ປາ​ຣີໃນ​ສັບ​ປະ​ດາ
​ນີ້ ເພື່ອ​ຊຸກ​ຍູ້​ໃຫ້​ມີ​ການ​ສະ​ໜັບ​ສະ​ໜຸນ​ ​ຕໍ່​ສູ້​ກັບ​ການ​ສະ​ແດງອອກຄວາມ​ຮຸນ​ແຮງ ​
ທາງ​ອອນ​ໄລ​ນ໌.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG