ພວກແມ່ຍິງກຳລັງສ້າງຄວາມກ້າວໜ້າໃນຫຼາຍຢ່າງຢູ່ທົ່ວໂລກ ແຕ່ວ່າ 25 ປີ ຫຼັງຈາກໄດ້ຮຽກຮ້ອງເອົາບາດກ້າວທີ່ເປັນຂີດໝາຍຢູ່ກອງປະຊຸມໃນປັກກິ່ງແລ້ວ ອົງການ ສະຫະປະຊາຊາດກ່າວວ່າ ຄວາມກ້າວໜ້າໄດ້ຊັກຊ້າລົງ, ຄວາມເທົ່າທຽມກັບຜູ້ຊາຍ ແມ່ນຖອຍຫຼັງຄືນຊ້ຳ.
ຢູ່ໃນລາຍງານເຜີຍແຜ່ກ່ອນໜ້າວັນແມ່ຍິງສາກົນ ຊຶ່ງຈະແມ່ນວັນອາທິດຈະມາເຖິງນີ້ ອົງການສະຫະປະຊາຊາດກ່າວວ່າ ພວກຜູ້ຊາຍຍັງຢູ່ໃນໜ້າທີ່ທີ່ໄດ້ຮັບການເລືອກຕັ້ງຢ່າງຖ້ວມລົ້ນ, ໄດ້ເງິນເດືອນຫຼາຍກວ່າ ແລະເຂົ້າຫາວຽກງານທີ່ດີ ແລະການສຶກສາດີກວ່າແມ່ຍິງ.
ຍິ່ງໄປກວ່ານັ້ນ ພວກແມ່ຍິງຢູ່ໃນຫຼາຍພາກສ່ວນຂອງໂລກ ຍັງພາກັນພະຍາຍາມດີ້ນຮົນຕໍ່ສູ້ກັບສັງຄົມກີດກັ້ນ ຮວມທັງການແຕ່ງງານແຕ່ຍັງນ້ອຍ, ບໍ່ຮູ້ອ່ານໜັງສື, ຄວາມຮຸນແຮງໃນຄອບຄົວ ແລະຂາດການເຂົ້າຫາການຄຸມກຳເນີດ. ຢູ່ຊົນນະບົດ ແລະພວກແມ່ຍິງທ້ອງຖິ່ນປະເຊີນກັບຄວາມຫຍຸ້ງຍາກໄປກວ່ານັ້ນອີກຈາກການລຳອຽງ ແລະທຸກຍາກລົງໄປອີກເລື້ອຍໆ.
ຫົວໜ້າບໍລິຫານຫ້ອງການອົງການສະຫະປະຊາຊາດ ທ່ານນາງພູມຊີເລ ທລາມໂບ-ນຸກກາ ໃນການເລີ້ມຂອງລາຍງານວັນພະຫັດວານນີ້ວ່າ “ພວກເຮົາຍັງເຫັນມີຢູ່ ແມ່ນແຕ່ຢູ່ໃນພາຍໃນສະພາບການເຫລົ່ານີ້ ການປ່ຽນແປງທີ່ເປັນໄປໄດ້ ແລະອາດເຄື່ອນໄຫວໄປໜ້າ.”
ລາຍງານພົບເຫັນວ່າປະເທດລາຕິນອາເມຣິກາ ເປັນນຶ່ງໃນຂົງເຂດທີ່ບໍ່ຫຼາຍ ບ່ອນ ທີ່ພວກແມ່ຍິງພາກັນເຂົ້າຮ່ວມຢູ່ໃນແຮງງານ ໄດ້ເພີ້ມຂຶ້ນໃນ 20 ປີທີ່ຜ່ານມາ.
