ອົງການສະຫະປະຊາດ ເຕືອນວ່າ ອັດຕາການຫວ່າງງານຢູ່ທົ່ວ
ໂລກ ຈະເພີ້ມ ຂື້ນໃນໄລຍະຫ້າປີຂ້າງໜ້າ ເຮັດໃຫ້ 212 ລ້ານ
ຄົນ ບໍ່ມີວຽກການເຮັດ ໃນປີ 2019.
ລາຍງານໃໝ່ສະບັບນຶ່ງ ຂອງອົງການແຮງງານສາກົນ ຫລື ILO
ໄດ້ອ້າງເຖິງການຟື້ນໂຕຄືນທີ່ບໍ່ມີຄວາມເຂັ້ມແຂງຂອງເສດຖະ
ກິດໂລກ ນັບຕັ້ງແຕ່ໄດ້ເກີດ ສະພາບເສດຖະກິດຕົກຕ່ຳ ໃນປີ
2008 ເປັນຕົ້ນມາ. ລາຍງານສະບັບນີ້ ຍັງເຕືອນວ່າ ອັດຕາຄົນ
ຫວ່າງງານ ບວກໃສ່ກັບຄວາມບໍ່ສະເໝີພາບອື່ນໆທີ່ພວມ ເພີ້ມ
ຂຶ້ນນັ້ນ ອາດເຮັດກໍ່ໃຫ້ເກີດ ຄວາມວຸ້ນວາຍທາງດ້ານສັງຄົມ
ໂດຍສະເພາະ ຈາກພວກຊາວໜຸ່ມ ອາຍຸຫລະຫວ່າງ 15 ປີຫາ
24 ປີ.
ອົງການ ILO ກ່າວວ່າ ພວກທີ່ຢູ່ໃນກຸ່ມອາຍຸດັ່ງກ່າວ ແມ່ນສາມເທົ່າທີ່ມີທ່າທາງວ່າ ຈະຫວ່າງງານ ຫລາຍກວ່າກຸ່ມອຶ່ນໆ.
ໃນຂະນະທີ່ຮູບພາບການຫວ່າງງານດີຂື້ນຢູ່ໃນສະຫະລັດແລະຍີ່ປຸ່ນ ແຕ່ໂຕເລກ ແມ່ນຍັງ
ສູງຢູ່ ໃນບັນດາປະເທດທີ່ມີເສດຖະກິດກ້າວໜ້າໃນຢູໂຣບຈຳນວນນຶ່ງ.
ອົງການ ILO ທຳນາຍວ່າ ຮູບພາບຄົນຫວ່າງງານຈະມືດມົວ ຢູ່ໃນບັນດາປະເທດອາຣັບ
ແລະບາງເຂດຂອງອາເມຣິກາລາຕິນ ແລະທະເລຄາຣິບບຽນ. ລາຍງານກ່າວວ່າ ພວກ
ຄົນງານຢູ່ເອເຊຍໃຕ້ ແລະເຂດໃຕ້ທະເລຊາຍ Sahara ໃນ ອາຟຣິກາ ເປັນພວກທີ່ຕົກ
ຢູ່ໃນອັນຕະລາຍຫຼາຍທີ່ສຸດທີ່ຈະສູນເສຍວຽກການ.
