ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

​ປະຊາກອນ​ຂອງ​ໂລກ​ ໄດ້​ເຖິງ​ຂີດ​ໝາຍ 7 ພັນ​ລ້ານ​ຄົນ​ແລ້ວ (ເບິ່ງວີດີໂອ)


ແອນ້ອຍ Danica Camacho ຖືກກອດອູ້ມໄວ້ໂດຍແມ່ຂອງລາວ ທີ່ຊື່ວ່າ Camille ໃນຂະນະທີ່ທັງສອງແມ່ລູກໄດ້ຖືກເຂັນ ອອກມາຈາກຫ້ອງປະສູດ ຂອງໂຮງໝໍຂອງລັດ ທີ່ຊື່ວ່າ Fabella ບໍ່ພໍເທົ່າໃດນາທີ ທີ່ແອນ້ອຍໄດ້ເກີດໃນວັນຈັນ ທີ 31, 2011 ທີ່ນຸຄອນຫລວງມະນີລາຂອງຟີລິບປິນ
ແອນ້ອຍ Danica Camacho ຖືກກອດອູ້ມໄວ້ໂດຍແມ່ຂອງລາວ ທີ່ຊື່ວ່າ Camille ໃນຂະນະທີ່ທັງສອງແມ່ລູກໄດ້ຖືກເຂັນ ອອກມາຈາກຫ້ອງປະສູດ ຂອງໂຮງໝໍຂອງລັດ ທີ່ຊື່ວ່າ Fabella ບໍ່ພໍເທົ່າໃດນາທີ ທີ່ແອນ້ອຍໄດ້ເກີດໃນວັນຈັນ ທີ 31, 2011 ທີ່ນຸຄອນຫລວງມະນີລາຂອງຟີລິບປິນ

ອົງການສະຫະ​ປະຊາ​ຊາດ​ກ່າວ​ວ່າ ຈໍານວນ​ປະຊາກອນ​ຂອງ​ໂລກ​ ໄດ້​ເຖິງ​ຂີດ​ໝາຍ 7 ພັນ
​ລ້ານ​ຄົນ​ແລ້ວ.

ເດັກ​ເກີດ​ໃໝ່​ເປັນ​ຄົນທີ 7 ພັນ​ລ້ານຈໍານວນ​ນຶ່ງ​ ກໍາລັງ​ໄດ້​ຮັບ​ການ​ໃຫ້​ກຽດໃນ​ທົ່ວ​ໂລກ.
ຟີ​ລິບ​ປິນ​ໄດ້​ຖືກ​ເລືອກ​ໃຫ້​ເປັນ​ປະ​ເທດ​ທໍາ​ອິດ​ ທີ່ສະ​ເຫລີ​ມສະ​ຫລອງວັນ​ເກີດສັນຍາ​ລັກ
​ດັ່ງກ່າວ​ນີ້ ​ໂດຍ​ມີ​ທາລົກ​ຍິງ​ຄົນ​ນຶ່ງ​ ທີ່​ເກີດ​ໃນ​ຕອນ​ແລງ​ວັນ​ອາທິດ​ວານ​ນີ້​ ທີ່​ກຸງ​ມາ​ນີລາ.

ສະຫະ​ປະຊາ​ຊາດ​ມອງ​ເບິ່ງຈໍານວນ 7 ພັນ​ລ້ານ​ຄົນ​ນີ້ວ່າ ​ເປັນ​ຮ່ອງຮອຍ​ອັນ​ນຶ່ງ​ຂອງ​ການ
​ມີ​ອາຍຸ​ຍືນ​ກວ່າ​ແຕ່​ກ່ອນຂອງຜູ້​ຄົນ​ແລະ​ອັດຕາ​ການ​ລອດ​ຊີວິດທ່ີດີ​ຂຶ້ນຂອງ​ທາລົກເກີດ​ໃໝ່.

ທ່ານ Richard Kellodge ຊຶ່ງ​ເປັນຜູ້​ນຶ່ງ​ໃນ​ບັນດາ​ພວກ​ຂຽນ​ລາຍ​ງານ​ຈາກ​ກອງ​ທຶນ​ປະຊາ
ກອນ​ຂອງ​ສະຫະປະຊາ​ຊາດ ກ່າວ​ວ່າ ຫລາຍ​ໆປະ​ເທດ​ທີ່​ມີ​ລາຍ​ໄດ້​ຕໍ່າ​ໃນເຂດ​ໃຕ້​ທະ​ເລ​ຊາຍ
ຊາ​ຮາຣາ ​ໃນທະວີບ​ອະ​ຟຣິກາ​ ແລະ​ບາງ​ປະ​ເທດ​ໃນ​ພາກ​ພື້ນ​ເອ​ເຊຍ ​ໄດ້​ເຫັນ​ຈໍານວນປະຊາ
ກອນ​ເພີ່ມ​ຂຶ້ນ ​ໃນ​ອັດຕາໄວ​ກ່ວາການ​ເຕີບ​ໂຕ​ຂອງ​ເສດຖະກິດ.

ພົນລະ​ເມືອງ​ ຈໍານວນ 4,200 ລ້ານ​ຄົນ​ໃນ​ເອ​ເຊຍ​ນັ້ນ ​ເຮັດ​ໃຫ້ພາກ​ພື້ນດັ່ງກ່າວ​ເປັນ​ຂົງ​ເຂດ
​ທີ່​ມີ​ພົນລະ​ເມືອງ​ຫລາຍ​ກວ່າ​ໝູ່​ໃນ​ໂລກ.

ພົນລະ​ເມືອງ​ໃນ​ອາ​ຟຣິກາ​ ຄາດ​ວ່າ​ຈະ​ເພີ່ມ​ຂຶ້ນ​ 3 ​ເທົ່າ​ໂຕເປັນ 3,600 ລ້ານ​ຄົນ ​ໃນ​ຕອນ
ເລີ້ມ​ຕົ້ນ​ສັດຕະວັດ​ໜ້າ.

ອັດຕາ​ການຈະ​ເລີ​ນພັນ​ໃນ​ຫລາຍ​ປະ​ເທດ​ໃນ​ຢູ​ໂຣບ​ແລະ​ຍີ່ປຸ່ນ​ໄດ້​ລົດ​ລົງ​ ຕໍ່າກວ່າ​ອັດຕາ​ການ
​ທົດ​ແທນຫລື​ການເກີດ​ ຊຶ່ງ​ພາ​ໃຫ້​ມີ​ຄວາມ​ເປັນຫ່ວງ​ວ່າ​ ຈະ​ມີ​ການ​ຂາດ​ແຄນ​ແຮງ​ງານ​ແລະ​
ຜົນ​ຜະລິດ​ ຊຶ່ງ​ອາດສາມາດ​ເປັນ​ໄພ​ຄຸກ​ຄາມ​ຕໍ່​ຄຸນ​ນະພາ​ບຂອງ​ຊີວິດ​ໄດ້.

ເບິ່ງວີດີໂອ ລາຍງານທີ່ກ່ຽວຂ້ອງກັນ:

XS
SM
MD
LG