ເຈົ້າໜ້າທີ່ຮັກສາຄວາມສະຫງົບຂອງສະຫະປະຊາຊາດຄົນໜຶ່ງ
ກັບພົນລະເຮືອນສອງຄົນ ໄດ້ເສຍຊີວິດ ໃນເຫດລະດົມຍິງຈະ
ຫລວດໃສ່ຄ້າຍແຫ່ງໜຶ່ງຂອງສະຫະປະຊາຊາດ ແລະບໍລິເວນ
ໃກ້ໆ ໃນພາກເໜືອຂອງປະເທດມາລີ.
ຄຳຖະແຫລງສະບັບໜຶ່ງຂອງສະຫະປະຊາຊາດ ກ່າວວ່າ ມີ
ທະຫານອີກ 8 ຄົນໄດ້ຮັບບາດເຈັບ ແລະວ່າ ຈະຫລວດໄດ້ຕົກ
ຖືກພົນລະເຮືອນຢູ່ນອກຄ້າຍ ເຮັດໃຫ້ສອງຄົນເສຍຊີວິດ ແລະ
4 ຄົນບາດເຈັບ.
ບໍ່ເປັນທີ່ແຈ້ງຂາວເທື່ອວ່າ ຝ່າຍໃດເປັນຜູ້ທຳການໂຈມຕີຄັ້ງນີ້
ທີ່ມີຂຶ້ນໃນເຊົ້າວັນອາທິດມື້ນີ້ເອງ ນຶ່ງມື້ ຫຼັງຈາກພວກມືປືນຈຸນຶ່ງໄດ້ສັງຫານປະຊາຊົນຢ່າງ
ໜ້ອຍ 5 ຄົນ ແລະເຮັດໃຫ້ບາດເຈັບຕື່ມອີກຫຼາຍຄົນ ໃນການໂຈມຕີຮ້ານອາຫານແຫ່ງນຶ່ງ
ໃນນະຄອນຫຼວງ Bamako ຂອງມາລີ.
ການໂຈມຕີໃນວັນເສົາວານນີ້ ທີ່ຮ້ານອາຫານ La Terrasse ໄດ້ມີຂຶ້ນໃນຊົ່ວໂມງຕອນເຊົ້າ.
ຕຳຫຼວດເວົ້າວ່າ ມືປືນຄົນນຶ່ງທີ່ໃສ່ໝວກປິດໜ້າ ໄດ້ແລ່ນເຂົ້າໄປໃນຮ້ານອາຫານ ແລະເປີດສາກ
ຍິງປືນໃສ່ພວກແຂກໃນຮ້ານອາຫານແລ້ວແລ່ນເຂົ້າໄປໃນລົດຄັນນຶ່ງ ບ່ອນທີ່ມີອີກຄົນນຶ່ງ
ກຳລັງລໍຖ້າຢູ່ໃນລົດ ແລ້ວພວກເຂົາພາກັນຂັບລົດໜີໄປຢ່າງໄວ.
ມີ 2 ຄົນຖືກຈັບກຸມຫຼັງຈາກເກີດເຫດບໍ່ດົນ ແຕ່ຕຳຫຼວດບໍ່ສາມາດຢືນຢັນໄດ້ວ່າ 2 ຄົນ ມີສ່ວນພົວພັນໃດໆຫຼືບໍ່? ກັບການໂຈມຕີຄັ້ງນີ້.
