ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສປຊ ກຳລັງເກັບກຳ ຫລັກຖານຕ່າງໆ ກ່ຽວກັບ ເກົາຫຼີເໜືອ


ຜູ້ນຳ​ຂອງ​ເກົາຫຼີ​ເໜືອ ກິມຈົງ​ອຸນ ກ່າວໃນກອງປະຊຸມ ພັກແຮງງານ ຄົບຮອບ 36 ປີ, ທີ່ Pyongyang, 6 ພຶດສະພາ, 2016.
ຜູ້ນຳ​ຂອງ​ເກົາຫຼີ​ເໜືອ ກິມຈົງ​ອຸນ ກ່າວໃນກອງປະຊຸມ ພັກແຮງງານ ຄົບຮອບ 36 ປີ, ທີ່ Pyongyang, 6 ພຶດສະພາ, 2016.

ໃນ​ຂະນະປະຫວັດ​ທີ່​ບໍ່​ດີ ​ໃນ​ການ​ເຄົາລົບ​ນັບຖື​ສິດທິ​ມະນຸດ​ຂອງ​ເກົາຫລີ​ເໜືອ​ໄດ້​ຖືກ ​ບົດ​ບັງ​ດ້ວຍ​ການ​ທ້າ​ທາຍ​ໃນ​ການ​ທົດ​ລອງ​ອາວຸດ​ນິວ​ເຄລຍ​ແລະ​ລູກ​ສອນ​ໄຟ​ຂີ​ປະ​ນາ ວຸດ ອົງການ​ສະຫະ​ປະຊາ​ຊາດ​ກໍ​ຍັງ​ສືບ​ຕໍ່​ເກັບ​ກຳ​ຫລັກ​ຖານຕ່າງໆ​ທີ່​ຈຳ​ເປັນ​ເພື່ອ​ຟ້ອງ ​ຮ້ອງ​ດຳ​ເນີນ​ຄະດີ ​ກິມຈົງ​ອຸນ ຜູ້ນຳ​ຂອງ​ເກົາຫຼີ​ເໜືອແລະ​ການ​ນຳ ພາ​ຂອງ​ຜູ້ກ່ຽວ ​ໃນ​ການ​ກໍ່​ໂທດ​ກຳ​ຕ້ານ​ມະນຸດຊາດ.

​ໃນ​ປີ 2014 ຄະນະ​ກຳມາ​ທິການ​ສືບສວນ​ຫຼື COI ກ່ຽວ​ກັບ​ການລະ​ເມີດ​ສິດທິ​ມະນຸດ​ ໃນ​ເກົາຫຼີ​ເໜືອ ​ໄດ້​ອອກ​ລາຍ​ງານ​ສະບັບ​ນຶ່ງ​ກ່ຽວ​ກັບ​ຕາໜ່າງຄຸມ​ຂັງ​ພວກ ນັກ​ໂທດ ​ການ​ເມືອງ​ຢູ່​ໃນ​ປະ​ເທດ​ທີ່​ມີທັງ​ໝົດ 120,000 ຄົນແລະ​ລາຍ​ຊື່​ໃນ​ການ ກໍ່​ໂທດ​ກຳ​ ຕ່າງໆ​ທີ່​ຮວມທັງການ​ກຳ​ຈັດ ການ​ຄາດ​ຕະກຳ ການ​ໃຊ້​ເປັນ​ຂ້າ​ທາດ ການ​ທໍລະມານ​ ການຈຳ​ຄຸກ ການ​ຂົ່ມຂືນ​ສຳ​ເລົາ ການ​ບັງຄັບ​ໃຫ້​ແທ້ງ​ລູກ ​ແລະການ​ລ່ວງ​ລະ​ເມີດທາງ ​ເພດ​ແບບ​ຮຸນ​ແຮງອື່ນໆ.

ລາຍ​ງານ​ດັ່ງກ່າວ ຍັງ​ຮຽກຮ້ອງ​ໃຫ້​ອົງການ​ສະຫະ​ປະຊາ​ຊາດ ສົ່ງ​ເລື້ອງຜູ້ນຳ​ເກົາຫຼີ​ເໜືອ ​ໄປ​ໃຫ້​ສານ​ອາຍາ​ນາໆ​ຊາດ ຫຼື ICC ​ເພື່ອ​ດຳ​ເນີນ​ຄະດີ​ໃນ​ການ​ກໍ່​ໂທດ​ກຳ​ຕ້ານ​ມະນຸດຊາດ.

ກອງ​ປະຊຸມ​ສະມັດຊາ​ໃຫຍ່​ອົງການ​ສະຫະ​ປະຊາ​ຊາດ ​ໄດ້​ລົງ​ຄະ​ແນນ​ສຽງ​ໃຫ້ການສະໜັບ ສະໜຸນ​ຕໍ່​ການສະ​ເໜີ​ແນະ​ດັ່ງກ່າວ​ ​ແຕ່​ມາດ​ຕະການ​ດັ່ງກ່າວ​ໄດ້ ຕົກ​ຄ້າງ​ບໍ່​ໄປ​ບໍ່​ມາ​ຢູ່​ໃນ​ສະພາ​ຄວາມ​ໝັ້ນຄົງ ບ່ອນ​ທີ່​ພັນທະ​ມິດ​ຂອງ​ເກົາຫລີ​ເໜືອເຊັ່ນ​ຈີນ​ແລະຣັດ​ເຊຍ ມີ​ທ່າ ​ທາງ​ວ່າ​ ຈະ​ໃຊ້​ສິດ​ຢັບຢັງຕໍ່​ມາດ​ຕະການ​ນີ້ຖ້າ ຫາກ​ມີ​ການ​ນຳ​ເອົາ​ຂຶ້ນມາ​ລົງ​ຄະ​ແນນ​ສຽງ​ກັນ.

​ແຕ່​ການ​ດຳ​ເນີນ​ງານ​ຍັງ​ດຳ​ເນີນ​ຕໍ່​ໄປ ​ໂດຍບັນດາ​ກຸ່ມ​ປົກ​ປ້ອງ​ສິດທິ​ມະນຸດ​ນາໆ​ຊາດ ​ ແລະ​ອົງການ​ຂ້າ​ຫລວງ​ໃຫຍ່​ດ້ານ​ສິດທິມະນຸດ​ສະຫະ​ປະຊາ​ຊາດເພື່ອ​ດຳ ​ເນີີນ​ການ​ທາງ ​ດ້ານ​ກົດໝາຍ​ຕໍ່​ພວກ​ເຈົ້າໜ້າ​ທີ່ເກົາຫລີ​ເໜືອ ຖ້າ​ຫາກ​ເວລາ​ໃດ​ລັດຖະ​ບານກິມຈົງ​ອຸນພັງ​ທະລາ​ຍລົງຫລື​ພວກ​ເຈົ້າໜ້າ​ທີ່​ຂອງ​ລັດຖະບານ​ເປັນ​ຜູ້ ຮັບຜິດຊອບ​ໃນ​ການ​ດຳ​ເນີນ​ການ​ທາງ​ກົດໝາຍ​ນັ້ນ.

ກະລຸນາ​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG