ລິ້ງ ສຳຫລັບເຂົ້າຫາ

ຫົວໜ້າ ອົງ​ການນິວເຄລຍ ສະຫະປະຊາຊາດ ຈະເດີນທາງ ໄປອີຣ່ານ


ຜູ່ອຳນວຍການທົ່ວໄປ ຂອງອົງການພະລັງງານ ປະລະມະນູສາກົນ ທ່ານ Yukiya Amano

ຫົວໜ້າອົງ​ການຕິດຕາມສິ້ງຊອມນິວ​ເຄລຍ ຂອງສະຫະ​ປະຊາ
​ຊາດ ຈະ​ເດີນທາງ​ໄປ​ຢ້ຽມຢາມອີຣ່ານໃນ​ວັນ​ອາທິດ​ມື້​ອຶ່ນນີ້ໃນ
​ອັນ​ທີ່​ປາກົດ​ວ່າ​ ເປັນ​ການ​ຊຸກ​ຍູ້ ​ເພື່ອ​ໃຫ້ມີຄວາມ​ຄືບ​ໜ້າ​ ກ່ຽວ
ກັບການ​ສື​ບສວນ​ ເປັນເວລາດົນນານມາແລ້ວ ​ໃນ​ການ​ສົງ​ໄສ
​ວ່າ ອີຣ່ານໄດ້​ປະຕິບັດ​ງານ​ເພື່ອສ້າງອາ​ວຸດ​ນິວ​ເຄລຍ.

ການ​ເດີນທາງ​ຂອງ​ທ່ານ Yukiya Amano ​ມີຂື້ນ​ກ່​ອນໜ້າເສັ້ນ
​ຕາຍ ໃນວັນ​ທີ 25 ສິງຫາ ທີ່ອີຣ່ານຈະຕ້ອງ​ຕອບ​ຄຳຖາມຕ່າງໆ
ກ່ຽວ​ກັບ​ໂຄງການນິວ​ເຄລຍທີ່ ເປັນບັນຫາໂຕ້ແຍ້ງຂອງຕົນ.

ອົງການພະລັງງານປະລະມະນູສາກົນໄດ້ປະກາດກ່ຽວກັບການເດີນທາງດັ່ງກ່າວໃນມື້ວັນ ສຸກວານນີ້ໂດຍເວົ້າວ່າ ເປັນສ່ວນນຶ່ງຂອງການດຳເນີນຄວາມພະຍາຍາມເພື່ອສ້າງຄວາມ ຄືບໜ້າ ໃຫ້ແກ່ການເຈລະຈາຫາລືແລະການຮ່ວມມືກັບອີຣ່ານ.

ອັນ​ທີ່​ຮ້ອງກັນ​ວ່າ ກຸ່ມ P5+1 ຊຶ່ງຮວມ​ທັງສະຫະລັດ ອັງກິດ ຈີນ ຝຣັ່ງ ​ເຢຍຣະມັນ ​ແລະ
ຣັດ​ເຊຍ ​ໄດ້​ເຈລະຈາ​ກັບອີຣ່ານ ​ເພື່ອໃຫ້ບັນລຸການຕົກລົງ ທາງດ້ານ​ນິວ​ເຄລຍໃນຂອບ
ເຂດທີ່ກວ້າງຂວາງ. ​ໃນ​ກາງ​ເດືອນ​ກຳ​ລະ​ກົດຜ່ານມາ ຄະນະເຈລະຈາຂອງທັງສອງຝ່າຍ
​ໄດ້​ຕໍ່ກຳນົດເສັ້ນຕາຍເພື່ອໃຫ້ບັນລຸການຕົກ ລົງ ​ອອກ​ໄປໃສ່ວັນທີ 24 ​ເດືອນ​ພະຈິກ.

ຂໍ້​ຕົກລົງ​ຊົ່ວ​ຄາວ ທີ່ໄດ້​ບັນລຸ​ໂດຍສອງ​ກ້ຳສອງ​ຝ່າຍ​ ໃນ​ເດືອນ​ພະຈິກ​ທີ່​ຜ່ານ​ມາໄດ້ຫລຸດ
ຜ່ອນ​ການ​ລົງ​ໂທດ​ຕໍ່​ອີຣ່ານ ທີ່​ໄດ້​ຫລຸດ​ກິດຈະການກັ່ນທາດ​ຢູ​ເຣນຽມ​ຂອງຕົນ ເພື່ອ​ເປັນ
​ການ​ຕອບແທນ.

ອີຣ່ານ ​ໄດ້​ປະຕິ​ເສດ​ຕໍ່ການ​ກ່າວ​ຫາ​ທີ່ວ່າ ​ຕົນ​ພະຍາຍາມ​ສ້າງ​ອາວຸດ​ນິວ​ເຄລຍໂດຍ​ກ່າວ
​ວ່າ ​ໂຄງການ​ນິວ​ເຄລຍຂອງ​ຕົນ ​ແມ່ນ​ເ​ພື່ອຈຸດປະສົງ​ ໃນ​ທາງ​ສັນຕິ​ເທົ່າ​ນັ້ນ.

XS
SM
MD
LG