ລິ້ງ ສຳຫລັບເຂົ້າຫາ

ຫົວໜ້າ ສປຊ ຮຽກຮ້ອງ ໃຫ້ເນປາລ ຕົກລົງກັນ ເລື້ອງລັດຖະທໍາມະນູນ

  • ສິງ ບູຣົມມະວົງ

ນາຍົກລັດຖະມົນຕີ Jhalnath Khanal ແຫ່ງເນປາລ

ທ່ານພັນ ຄີມູນ ເລຂາທິການອົງການສະຫະປະຊາຊາດ ໄດ້ຮຽກຮ້ອງໃຫ້ພວກ
ພັກການເມືອງຄູ່ແຂ່ງທັງຫລາຍໃນ​ປະ​ເທດ​ເນ​ປາລ ຈົ່ງເພີ່ມຄວາມະຍາຍາມໃນ
ການຫາທາງຍຸຕິຂໍ້ຂັດແຍ້ງຂອງພວກເຂົາເຈົ້າກໍາລັງດໍາເນີນໄປຢູ່ໃນຂະນະນີ້
ເພື່ອ​ໃຫ້​ບັນລຸການຕົກລົງກັນຢ່າງໄວກ່ຽວກັບລັດຖະທໍາມະນູນສະບັບໃໝ່ນັ້ນ.

ຂະນະ​ທີ່ກໍານົດເສັ້ນຕາຍສໍາລັບ​ການ​ເຮັດລັດຖະທໍາມະນູນສະບັບໃໝ່ຂອງເນປາລ ຍັງ
ເຫລືອເວລາບໍ່ເຖິງນຶ່ງເດືອນນັ້ນ ທ່ານເລຂາທິການອົງການສະຫະປະຊາຊາດໄດ້ຮຽກ
ຮ້ອງໃນວັນ​ສຸກ​ຜ່ານ​ມານີ້ ໃຫ້ພັກການເມືອງທັງຫລາຍຈົ່ງ​ເອົາທ່າທີທີ່ສາມາດປັບປ່ຽນ
ໄດ້ຢ່າງສູງ ເພື່ອຫາທາງໃຫ້ມີການ​ບັນລຸຄວາມເຫັນພ້ອມກັນຢ່າງ​ເປັນ​ເອກ​ະສັນກ່ຽວ
ກັບບັນຫາຕ່າງໆ ເຊັ່ນ ການລວມເອົາພວກອະດີດກະບົດ ທີ່​ນິຍົມລັດທິເໝົາເຂົ້ານໍາ​
ນັ້ນ.

ນອກນີ້ແລ້ວທ່ານພັນ ຄີມູນ ຍັງໄດ້ກ່າວວ່າ ທ່ານເຊື່ອວ່າ ການດໍາເນີນການສ້າງສັນ
ຕິພາບຂອງເນປາລນັ້ນແມ່ນໄດ້ປະສົບຜົນສໍາເລັດທີ່ສໍາຄັນ ຫລາຍປະການໄປແດ່
ແລ້ວ ແຕ່ກໍຍັງບໍ່ສໍາເລັດຢ່າງສົມບູນ.

ລັດຖະບານຂອງເນປາລ ແມ່ນຕົກຢູ່ໃນສະພາບທີ່ບໍ່ໄປບໍ່ມາທາງໃດນັບຕັ້ງ ແຕ່ອະ
ດີດນາຍົກລັດຖະມົນຕີ Madhav Kumar ຂອງເນປາລໄດ້ລາອອກຈາກຕໍາແໜ່ງ
ເມື່ອເດືອນມິຖຸນາປີຜ່ານມາຍ້ອນຄວາມກົດດັນຈາກພັກຝ່າຍຄ້ານມາວອີສ ນັ້ນ.

ພັກມາວອີສ ແມ່ນຄວບຄຸມບ່ອນນັ່ງສ່ວນຫລາຍໃນສະພາ ແຕ່ກໍບໍ່ພຽງພໍ ທີ່ຈະ
ປົກຄອງປະເທດແຕ່ຝ່າຍດຽວໄດ້. ພັກດັ່ງກ່າວໄດ້ຮັບອະນຸຍາດໃຫ້ເຂົ້າຮ່ວມໃນ
ຄະນະລັດຖະບານຄືນໃໝ່ ລຸນຫລັງມີ​ການ​ເຊັນສັນຍາສັນຕິ ພາບຄັ້ງປີ 2006 ທີ່ໄດ້ຍຸຕິການກໍ່ການກະບົດຂອງພັກມາວອີສ ເປັນເວລາດົນນານເຖິງສິບປີນັ້ນ.

ຈາກຂໍ້ຂັດແຍ້ງກັນຕ່າງໆນາໆ ທີ່ຍັງດໍາເນີນໄປຢູ່ໃນຂະນະນີ້ ໃນລະຫວ່າງ
ພວກພັກການເມືອງທັງຫລາຍຂອງເນປາລ ອັນໂຮມທັງການແຕ່ງຕັ້ງລັດຖະ
ມົນຕີຊຸດໃໝ່ຂຶ້ນມານັ້ນ ແມ່ນໄດ້ຖ່ວງເວລາ​ໃນການຮ່າງລັດຖະທໍາມະນູນສະ
ບັບໃໝ່ ທີ່ຈະຕ້ອງໃຫ້ແລ້ວສໍາເລັດລົງໃນວັນທີ່ 28 ຂອງເດືອນນີ້.

XS
SM
MD
LG