ເຈົ້າໜ້າທີ່ເຈລະຈາຂອງສະຫະປະຊາຊາດ ໄດ້ຫຼີກຫຼ່ຽງບໍ່ໃຫ້ມີການພັງທະລາຍລົງ ໃນນາທີສຸດທ້າຍ ຂອງການເຈລະຈາ ເລຶ່ອງດິນຟ້າອາກາດ ທີ່ ນະຄອນຫຼວງ Warsaw ປະເທດໂປແລນ ໂດຍໃຫ້ການອະນຸມັດຕໍ່ຂໍ້ຕົກ ລົງລະດັບປານກາງເພື່ອແຜ້ວທາງໃຫ້ແກ່ສັນຍາປີ 2015 ສຳລັບຮັບມືກັບບັນຫາສະພາບອາກາດຮ້ອນເອົ້າຂອງໂລກນັ້ນ.
ຫຼັງຈາກການເຈລະຈາກັນເປັນເວລາສອງອາທິດ ຢູ່ທີ່ກອງປະຊຸມເລຶ່ອງດິນຟ້າອາກາດປ່ຽນແປງ ຂອງຢູເອັນ ໂດຍມີຜູ້ແທນຈາກຫຼາຍກວ່າ 190 ປະເທດເຂົ້າຮ່ວມ ເມື່ອວັນເສົາວານນີ້ໄດ້ເຫັນພ້ອມໃນການຕົກລົງກ່ຽວກັບເປົ້າ ໝາຍ ໃນການແບ່ງສັນປັນສ່ວນເພື່ອຕັດການປ່ອຍແກັສຄາບອນໄດອັອກ ໄຊ ລະຫວ່າງບັນດາປະເທດຮັ່ງມີແລະປະເທດທຸກຍາກ. ຂໍ້ຕົກລົງດັ່ງກ່າວ ຍັງກວມເອົາການໃຫ້ງົບປະມານແກ່ປະເທດທີ່ມີຄວາມຫຼໍ່ແຫຼມຕໍ່ຜົນກະທົບຕ່າງໆຂອງຂອງອາກາດປ່ຽນແປງນັ້ນນໍາ.
ການເຈລະຈາກັນ ໄດ້ຍືດເວລາອອກໄປອີກນຶ່ງມື້ແລະໄດ້ມີຄວາມກ້າວໜ້າ ເກີດຂຶ້ນ ຫຼັງຈາກເຈົ້າໜ້າທີ່ເຈລະຈາໄດ້ປ່ຽນຄໍາວ່າ “ພັນທະ” ຢູ່ໃນບົດຂໍ້ຕົກລົງ ມາເປັນ “ການຊ່ວຍເຫຼືອກັນ”. ຈີນ ແລະອິນເດຍເວົ້າ ວ່າການປ່ຽນຄໍາເວົ້າດັ່ງກ່າວນີ້ ແມ່ນໄດ້ຂະ ຫຍາຍຄວາມສາມາດໃຫ້ກວ້າງອອກໄປອີກ ເວລາສະເໜີຂໍ້ຄິດ ໃນເລຶ່ອງການປ່ອຍອາຍພິດນັ້ນ.
ກຸ່ມປະເທດພວມພັດທະນາ ເຊັ່ນຈີນ ແລະອິນເດຍ ຢືນຢັດວ່າ ພວກປະ ເທດທີ່ຮັ່ງມີ ຕ້ອງນໍາໃຊ້ມາດຕະການທີ່ເຄັ່ງຄັດກວ່າເກົ່າ ຫຼາຍກວ່າທີ່ພວກ ເຂົາເຈົ້າເຮັດ. ກຸ່ມປະເທດຕາເວັນຕົກເວົ້າວ່າ ພວກເຂົາເຈົ້າຫວັງວ່າ ປະ ເທດທີ່ເສດຖະກິດທີ່ກໍາລັງໂຜ່ໂຕນັ້ນ ໃຫ້ເຮັດໃນພາກສ່ວນຂອງພວກຕົນ ເພື່ອລົດມົນລະພິດຂອງໂລກລົງ.
ຂໍ້ຕົກລົງປີ 2015 ຈະເປັນຂໍ້ຕົກລົງເທື່ອທໍາອິດ ທີ່ຜູກມັດທຸກໆປະເທດ ເພື່ອຫຼຸດການປ່ອຍອາຍພິດອັນຕະລາຍ ທີ່ມາຈາກການຈູດເຜົາຖ່ານຫິນ ແກັສ ທໍາມະຊາດ ແລະນໍ້າມັນ ເປັນຕົ້ນ.
ຫຼັງຈາກການເຈລະຈາກັນເປັນເວລາສອງອາທິດ ຢູ່ທີ່ກອງປະຊຸມເລຶ່ອງດິນຟ້າອາກາດປ່ຽນແປງ ຂອງຢູເອັນ ໂດຍມີຜູ້ແທນຈາກຫຼາຍກວ່າ 190 ປະເທດເຂົ້າຮ່ວມ ເມື່ອວັນເສົາວານນີ້ໄດ້ເຫັນພ້ອມໃນການຕົກລົງກ່ຽວກັບເປົ້າ ໝາຍ ໃນການແບ່ງສັນປັນສ່ວນເພື່ອຕັດການປ່ອຍແກັສຄາບອນໄດອັອກ ໄຊ ລະຫວ່າງບັນດາປະເທດຮັ່ງມີແລະປະເທດທຸກຍາກ. ຂໍ້ຕົກລົງດັ່ງກ່າວ ຍັງກວມເອົາການໃຫ້ງົບປະມານແກ່ປະເທດທີ່ມີຄວາມຫຼໍ່ແຫຼມຕໍ່ຜົນກະທົບຕ່າງໆຂອງຂອງອາກາດປ່ຽນແປງນັ້ນນໍາ.
ການເຈລະຈາກັນ ໄດ້ຍືດເວລາອອກໄປອີກນຶ່ງມື້ແລະໄດ້ມີຄວາມກ້າວໜ້າ ເກີດຂຶ້ນ ຫຼັງຈາກເຈົ້າໜ້າທີ່ເຈລະຈາໄດ້ປ່ຽນຄໍາວ່າ “ພັນທະ” ຢູ່ໃນບົດຂໍ້ຕົກລົງ ມາເປັນ “ການຊ່ວຍເຫຼືອກັນ”. ຈີນ ແລະອິນເດຍເວົ້າ ວ່າການປ່ຽນຄໍາເວົ້າດັ່ງກ່າວນີ້ ແມ່ນໄດ້ຂະ ຫຍາຍຄວາມສາມາດໃຫ້ກວ້າງອອກໄປອີກ ເວລາສະເໜີຂໍ້ຄິດ ໃນເລຶ່ອງການປ່ອຍອາຍພິດນັ້ນ.
ກຸ່ມປະເທດພວມພັດທະນາ ເຊັ່ນຈີນ ແລະອິນເດຍ ຢືນຢັດວ່າ ພວກປະ ເທດທີ່ຮັ່ງມີ ຕ້ອງນໍາໃຊ້ມາດຕະການທີ່ເຄັ່ງຄັດກວ່າເກົ່າ ຫຼາຍກວ່າທີ່ພວກ ເຂົາເຈົ້າເຮັດ. ກຸ່ມປະເທດຕາເວັນຕົກເວົ້າວ່າ ພວກເຂົາເຈົ້າຫວັງວ່າ ປະ ເທດທີ່ເສດຖະກິດທີ່ກໍາລັງໂຜ່ໂຕນັ້ນ ໃຫ້ເຮັດໃນພາກສ່ວນຂອງພວກຕົນ ເພື່ອລົດມົນລະພິດຂອງໂລກລົງ.
ຂໍ້ຕົກລົງປີ 2015 ຈະເປັນຂໍ້ຕົກລົງເທື່ອທໍາອິດ ທີ່ຜູກມັດທຸກໆປະເທດ ເພື່ອຫຼຸດການປ່ອຍອາຍພິດອັນຕະລາຍ ທີ່ມາຈາກການຈູດເຜົາຖ່ານຫິນ ແກັສ ທໍາມະຊາດ ແລະນໍ້າມັນ ເປັນຕົ້ນ.
