ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສປຊ ກ່າວວ່າ ພວກ​ເດັກນ້ອຍ​ອົບ​ພະຍົບ ຈຳນວນ 3.7 ລ້ານຄົນ ບໍ່ໄດ້ຮັບການສຶກສາ


UN Refugee Education
please wait
Embed

No media source currently available

0:00 0:01:01 0:00

ເມື່ອມີ​ການ​ປະ​ທະ​ກັນ​ດ້ວຍກຳລັງອາວຸດ ຫຼືເກີດ​ຄວາມ​ບໍ່​ທຸ່ນ​ທ່ຽງ​ທາງ​ດ້ານ​ການ​ເມືອງ​ ມັນ​ໄດ້​ສົ່ງ​ຜົນເຮັດໃຫ້​ມີ​ຜູ້​ຄົນຫ​ລົບ​ໜີ​ອອກ​ຈາກບັນດາປະ​ເທດ​ທີ່​ປະສົບ​ກັບວິ​ກິດ​ການ​ທີ່​ວ່າ​ນີ້ ​ໃນ​ທົ່ວ​ໂລກ ຊຶ່ງພວກ​ເດັກນ້ອຍຕ້ອງໄດ້​ພາກັນ​ຫລົບ​ໜີບໍ່​ພຽງ​ແຕ່​ຈາກບ້ານ​ເຮືອນ​ຂອງ​ພວກ​ເຂົາ​ເຈົ້າ​ເທົ່າ​ນັ້ນ ​ແຕ່ໃນ​ຫລາຍໆ​ກໍລະນີການ​ສຶກສາ​ຂອງ​ພວກ​ເຂົາເຈົ້ານຳ.

ນັ້ນ​ແມ່ນ​ຈຸດ​ເພັ່ງ​ເລັງ​ຂອງ​ລາຍ​ງານ​ໃໝ່​ທີ່​ນຳ​ອອກ​ເຜີຍໃນ​ວັນ​ພະຫັດ​ມື້​ນີ້ ​ໂດຍ​ອົງການ​ອົບ​ພະຍົບຂອງສະຫະ​ປະຊາ​ຊາດ ທີ່​ລະບຸ​ວ່າ ມີພວກ​ເດັກນ້ອຍ 3 ລ້ານ 7 ​ແສນ ຄົນ ​ບໍ່​ໄດ້​ຮັບ​ການ​ສຶກສາຮ່ຳຮຽນ ຕາມ​ກົດ​ລະບຽບ​ທີ່​ບັງຄັບ​ໄວ້.

ສະຖານະ​ການແມ່ນ​ນັບ​ມື້​ນັບ​ຊຸດ​ໂຊມ​ລົງ ​ໃນ​ຂະນະ​ທີ່​ພວກ​ເດັກນ້ອຍ​ມີ​ອາຍຸ​ຫຼາຍ​ຂຶ້ນ​ນັ້ນ ​ໂດຍ​ທີ່ 50 ​ເປີ​ເຊັນບໍ່​ໄດ້​ຮັບ​ການ​ສຶກສາ​ໃນລະດັບ​ປະຖົມ​ ຫາ 22 ​ເປີ​ເຊັນ ​ໃນ ​ລະດັບມັດ ທະຍົມ​. ອິງ​ຕາມ​ສະຖິຕິ​ຂອງອົງການ ສະຫະ​ປະຊາ​ຊາດ​ແລ້ວ 1 ​ເປີ​ເຊັນ​ຂອງ​ພວກ​ອົບ​ພະ ຍົບ ​ໄປ​ຮຽນ​ຕໍ່​ຂັ້ນ​ມະຫາວິທະຍາ​ໄລ ປຽບທຽບ​ໃສ່ 34 ​ເປີ​ເຊັນ ຂອງ​ຈຳ​ນວນ​ປະຊາກອນ​
ໂລກ​ໂດຍ​ທົ່ວ​ໄປ.

“ການ​ສຶກສາ​ຂອງ​ພວກ​ອົບ​ພະຍົບ ​ແມ່ນ​ຖືກ​ປະລະ ບໍ່​ຫລຽວ​ແລ ​ເປັນ​ຈຳນວນ​ຫຼວງ​ຫຼາຍ ​ເວລາທີ່​ມັນ​ເປັນ​ພຽງ​ນຶ່ງ​ໃນ​ຫລາຍໆໂອກາດ​ເທົ່າ​ນັ້ນ ຊຶ່ງ​ພວກ​ເຮົາ​ຕ້ອງ​ໄດ້​ຫັນປ່ຽນແລະ ​ສ້າງຄົນ​ຮຸ່ນ​ໃໝ່ ​ເພື່ອ​ໃຫ້​ພວກ​ເຂົາ​ເຈົ້າ ຈະສາມາດປ່ຽນ​ແປງຊະ​ຕາ​ກຳ​ຂອງ ​ຜູ້​ຄົນ​ຫຼາຍ​ລ້ານ​ຄົນ ທີ່​ຖືກ​ບັງຄັບ​ໃຫ້​ອົບ​ພະຍົບຫລົບ​ໜີ​ຢູ່ໃນ​ທົ່ວ​ໂລກ,” ​ ນັ້ນ​ແມ່ນ​ຄຳ​ເວົ້າ​ຂອງ​ທ່ານ Filippo Grandi ຈາກ​ອົງການ​ອົບ​ພະຍົບສະຫະ​ປະຊາ​ຊາ​ຊາດ ຫຼື UNHCH.

​ບັນຫາ​ທ້າ​ທາຍ​ ​ຕໍ່​ການໃຫ້​ບໍລິການ​ດ້ານ​ການ​ສຶກສາ​ຕໍ່​ພວກ​ອົບ​ພະຍົບນີ້ ​ແມ່ນ​ມີ​ຄວາມ​ຫຍຸ້ງຍາກ​ຕື່ມ​ຂຶ້ນ ​ຍ້ອນມີຈຳນວນ​ພວກອົບພະຍົບ​ເພີ້​ມຂຶ້ນ ​ແລະ​ຂາດ​ງົບປະມາ​ນ.

ອິງ​ຕາມ​ອົງການ​ສະຫະ​ປະຊາ​ຊາດ​ແລ້ວ ຈຳ​ນວນຂອງ​ພວກ​ເດັກນ້ອຍ​ທີ່ຕ້ອງຮ່ຳ​ຮຽນ​ເພີ້​ມ ຂຶ້ນ 30 ​ເປີ​ເຊັນ ​ໃນ​ປີ 2014 ຊຶ່ງ​ຈຳນວນ​ດັ່ງກ່າວ​ນີ້ ​ແມ່ນຕ້ອງການນາຍ​ຄູ​ເພີ້​ມ ຂຶ້ນ​ 20 ພັນ​ຄົນ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG