ລິ້ງ ສຳຫລັບເຂົ້າຫາ

ວັນເສົາ, ໑໘ ພຶດສະພາ ໒໐໒໔

ສປຊ ຂໍທຶນ ເພື່ອນຳໄປຊ່ວຍ ເກົາຫຼີເໜືອ


ຮູບພາບນີ້ໄດ້ຖືກເຜິຍແຜ່ໂດຍໂຄງການອາຫານໂລກ ເດັກນ້ອຍເກົາຫລີເໜືອ ກໍາລັງກິນອາຫານທີ່ໂຮງຮຽນອະນຸບານ ທີ່ເມືອງ Hyangsan, ພາກເໜືອຂອງເກົາຫລີເໜືອ ວັນທີ່ 12 ຕຸລາ 2006. ບັນດາເດັກນ້ອຍເກົາຫລີເໜືອຫຼາຍລ້ານຄົນ ກໍາລັງປະເຊີໜ້າກັບຄວາມ ອຶດຢາກອັນຮ້າຍ ແຮງທີ່ ສຸດ.
ຮູບພາບນີ້ໄດ້ຖືກເຜິຍແຜ່ໂດຍໂຄງການອາຫານໂລກ ເດັກນ້ອຍເກົາຫລີເໜືອ ກໍາລັງກິນອາຫານທີ່ໂຮງຮຽນອະນຸບານ ທີ່ເມືອງ Hyangsan, ພາກເໜືອຂອງເກົາຫລີເໜືອ ວັນທີ່ 12 ຕຸລາ 2006. ບັນດາເດັກນ້ອຍເກົາຫລີເໜືອຫຼາຍລ້ານຄົນ ກໍາລັງປະເຊີໜ້າກັບຄວາມ ອຶດຢາກອັນຮ້າຍ ແຮງທີ່ ສຸດ.

ອົງ​ການສະຫະ​ປະຊາ​ຊາດ​ຮຽກຮ້ອງ​ໃຫ້​ປະ​ຊາ​ຄົມນາໆ​ຊາດ ຈົ່ງ​ປະ​ເລື້ອງຄວາມ​ແຕກຕ່າງ
ທາງ​ດ້ານ​ການ​ເມືອງນັ້ນ ​ໄວ້​ຕ່າງຫາກ ​ແລະ​ຫັນໄປໃຫ້ການ​ຊ່ວຍ​ເຫຼືອ​ແກ່​ກອງ​ທຶນ ​ສຳ​ຫຼັບ
​ແກ້​ໄຂ​ໃນ​ອັນທີ່ເອີ້ນວ່າຄວາມ​ຕ້ອງການ​ທາງ​ດ້ານ​ມະນຸດສະ ທຳ​ທີ່​ຮ້າຍ​ແຮງ​ສຸດຂອງຊາວ​
ເກົາຫລີ​ເໜືອ.

​ອົງການສະຫະປະຊາ​ຊາດກ່າວ​ໃນ​ວັນ​ອັງຄານ​ນີ້​ວ່າ ຄວາມ​ພະຍາຍາມ​ໃນ​ການ​ຊ່ວຍ​ເຫລືອ
ເກົາຫລີ​ເໜືອ ແມ່ນຍັງບໍ່​ໄດ້​ຮັບ​ເງິນ​ພຽງພໍ​ຢ່າງ​ຫຼວງຫຼາຍ ​ເຖິງ​ແມ່ນ ວ່າ​ໃນ​ຂະນະ​ທີ່​ພວມ​ມີ​
ການ​ເປີດ​ເຜີຍ​ນີ້ ກອງທືນດັ່ງກ່າວ ກໍຍັງ​ຕ້ອງການໆ​ຊ່ວຍ​ເຫລື​ອ​ເພີ້ມ​ເຕີ​ມ ຈໍາ​ນວນ 198
ລ້ານ​ໂດ​ລາ ​ເພື່ອ​ເປັນ​ການຮັບ​ມື​ ກັບ​ບັນຫາ​ຮີບ ດ່ວນ​ຕ່າງໆດ້ານ​ມະນຸດສະ​ທໍາໃນ​ປະ​ເທດ
​ຄອມ​ມີ​ວນິສ​ເກົາຫຼີ​ເໜືອທີ່​ທຸກ​ຍາກ​ໃນ​ປີ 2012 ນີ້.

​ປະຊາ​ຄົມນາໆ​ຊາດທີ່​ໃຫ້​ການ​ຊ່ວຍ​ເຫລືອ ໄດ້​ບໍລິຈາກ ​ຫຼາຍກວ່ານຶ່ງ​ສ່ວນ​ສາມຂອງຈໍາ
ນວນ 218 ລ້ານ​ໂດ​ລາ ທີ່ອົງການ​ສະຫະ​ປະຊາ​ຊາດ ໄດ້​ຂໍ​ຮ້ອງການຊ່ອຍ​ເຫຼືອສຳ​ຫຼັບ
ເກົາຫລີເໜືອ​ໃນ​ປີ 2011. ​ຍ້ອນ​ການ​ຂາດ​ເຂີນ​ເງິນ​ຊ່ວຍ​ເຫຼື​ອ ອົງການ​ສະຫະ​ປະຊາ​ຊາດ
ກ່າວ​ວ່າ ຕົນຈຶ່ງບໍ່​ສາມາດຮັບ​ມື​ໄດ້​ຢ່າງ​ມີ​ປະສິດທິ​ຜົນ ​ຕໍ່ຄວາມ​ຕ້ອງການ​ດ້ານ​ມະນຸດ​ສະ
​ທໍາ​ ​ຢູ່​ທີ່​ນັ້ນ. ​

ອົງການ​ສະຫະ​ປະຊາ​ຊາດ ​ໄດ້​ກ່າວ​ຢູ່​ໃນ​ລາຍ​ງານກ່ຽວ​ກັບສະພາບການດ້ານ​ມະນຸດສະ​
ທໍາ ຢູ່​ໃນ​ເກົາຫລີ​ເໜືອ ​ໂດຍ​ເວົ້າວ່າ 16 ລ້ານ​ຄົນ​ຍັງ​ສືບ​ຕໍ່​ປະ​ເຊີນ​ກັບ​ສະພາບ​ການຂາດ
ແຄນ​ອາຫານ​ແບບ​ຊໍາ​ເຮື້ອ ສະພາວະການ​ຂາດ​ແຄນໂພຊະ​ນາ​ການ​ໃນ​ອັດຕາ​ສູງ ​ແລະ​
ບັນຫາ​ທີ່​ຝັງ​ເລິກທາງ​ດ້ານ​ເສດຖະກິດ​.

ລາຍງານ​ກ່າວອີກ​ວ່າ ພວກ​ເດັກນ້ອຍ​ທີ່​ຂາດແຄນອາຫານ ​ແມ່ນ​ມີ​ຄວາມ​ສ່ຽງ​ເປັນ​ພິ​ເສດ ​ຄືພວກເດັກນ້ອຍເກືອບ​ນຶ່ງ​ສ່ວນສາມ ທີ່​ຕໍ່າ​ກວ່າ​ອາ​ຍຸ 5 ປີໄດ້​ສະ​ແດງ​ໃຫ້​ເຫັນ​ຮ່ອງ​ຮອຍ
ໃນ​ການບໍ່​ເຕີບ​ໂຕ ​ແລະ​ອີກ​ຫລາຍ​ຮ້ອຍ​ຄົນພາກັນ​ເສຍ ຊີວິດຈາກ​ສະພາບ​ທີ່​ປ້ອງ​ກັນ​ໄດ້​ ​
ເຊັ່ນວ່າ ພະ​ຍາດ​ຖອກທ້ອງ​ເປັນຕົ້ນ.

ຮູບກຣ໊າຟຟິກສະແດງເຖິງການລຸດນ້ອຍລົງເລື້ອຍໆ ໃນການຊ່ວຍເຫລືອດ້ານອາຫານ
ແກ່ເກົາຫລີເໜືອ:

XS
SM
MD
LG