ກອງປະຊຸມສະມັດຊາໃຫຍ່ສະຫະປະຊາຊາດ ໄດ້ລົງຄະແນນ
ສຽງຢ່າງຖ້ວມລົ້ນ ຮັບຮູ້ ປາແລສໄຕ ໃນຖານະລັດສັງເກດ
ການທີ່ບໍ່ແມ່ນສະມາຊິກ.
ມີການສະຫລອງກັນຢ່າງໃຫຍ່ ທີ່ຫ້ອງປະຊຸມສະມັດຊາໃຫຍ່ ຫລັງຈາກໄດ້ມີການຮັບຮອງເອົາມະຕິດັ່ງກ່າວໃນວັນພະຫັດວານນີ້ ດ້ວຍຄະແນນ ສຽງ 138 ຕໍ່ 9 ແລະອີກ 41 ປະທດ ບໍ່ອອກສຽງ. ຊາວປະແລສໄຕ ທີ່ເມືອງ Ramallah ໃນເຂດ West Bank ພາກັນຮ້ອງໂຮດ້ວຍຄວາມດີໃຈ ກອດຫັດກັນ ແລະບີບແກລົດຢ່າງນອງສະໜັ່ນ ຫລັງຈາກໄດ້ມີການລົງຄະແນນສຽງ.
ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon
ກ່າວວ່າ ການລົງຄະແນນສຽງທີ່ວ່ານີ້ ໄດ້ເນັ້ນຢໍ້າໃຫ້ເຫັນເຖິງຄວາມຮີບດ່ວນສຳ ລັບຟື້ນ
ຟູການເຈລະຈາແບບມີຄວາມໝາຍ ໃນການເຈລະຈາລະຫວ່າງ ອິສຣາແອລ ແລະປາແລສໄຕ. ທ່ານໄດ້ຮຽກຮ້ອງໃຫ້ທັງສອງຝ່າຍຈົ່ງ ລິເລີ້ມຄືນໃໝ່ຄວາມໝາຍໝັ້ນຕັ້ງໃຈ
ຂອງເຂົາເຈົ້າ ຕໍ່ການເຈລະຈາສັນ ຕິພາບ.
ແຕ່ວ່າ ເອກອັກຄະລັດຖະທູດສະຫະລັດ ປະຈໍາອົງການສະຫະປະຊາຊາດ ທ່ານນາງ Susan Rice ບັນລະຍາຍການລົງຄະແນນສຽງວ່າ “ບໍ່ເປັນຈັ່ງໂຊກ ແລະບໍ່ມີຜົນດີຫຍັງເລີຍ” ໂດຍເວົ້າວ່າ ມັນເປັນການ ສ້າງອຸບປະສັກຫຼາຍຂຶ້ນຕໍ່ເສັ້ນທາງໄປສູ່ສັນຕິພາບ.
ທ່ານນາງ Rice ກ່າວວ່າ ສະຫະລັດ ຈະຮຽກຮ້ອງໃຫ້ທຸກພັກຝ່າຍຫລີກລ້ຽງຈາກການດຳ ເນີນການແບບທ້າທາຍເກາະຜິດໃດໆກໍຕາມຕື່ມອີກ ແລະໃຫ້ເລີ້ມເປີດ ການເຈລະຈາຄືນໃໝ່ໃນທັນທີໂດຍບໍ່ມີການວາງເງື່ອນໄຂລ່ວງໜ້າໃດໆ ທັງສິ້ນ.
