ທູດພິເສດຂອງອົງການສະຫະປະຊາຊາດ ຮັບຜິດຊອບກ່ຽວກັບ
ເລື້ອງຊິເຣຍ ທ່ານ Staffan de Mistura ແມ່ນໄດ້ໄປຮອດຊິ
ເຣຍບ່ອນທີ່ທ່ານມີໝາຍກຳນົດທີ່ຈະປຶກສາຫາລືໃນວັນອັງຄານ
ມື້ນີ້ກັບບັນດາເຈົ້າໜ້າທີ່ ກ່ຽວກັບການຈັດຕັ້ງປະຕິບັດ ການຢຸດ
ຍິງໃນສັບປະດານີ້.
ທ່ານໄດ້ໄປຮອດ ນະຄອນຫຼວງ Damascus ຂອງຊິເຣຍ ໃນ
ແລງວັນຈັນວານນີ້ ໃນການຢ້ຽມຢາມ ແບບທີ່ບໍ່ໄດ້ປະກາດໃຫ້
ຊາບລ່ວງໜ້າ.
ບັນດາປະເທດມະຫາອຳນາດໂລກ ໄດ້ຕົກລົງໃນສັບປະດາແລ້ວນີ້ວ່າ ໃຫ້ມີການຢຸດການເປັນສັດຕູ ຊຶ່ງຈະເລີ້ມໃນວັນສຸກຈະມານີ້ ເພື່ອຈະຈັດສົ່ງການຊ່ອຍເຫຼືອທາງດ້ານມະນຸດ ສະທຳ ທີ່ມີຄວາມຈຳເປັນຢ່າງຮີບດ່ວນໄປໃຫ້ນັ້ນ.
ການຢຸດຍິງນັ້ນແມ່ນໝາຍຄວາມວ່າ ເພື່ອອຳນວຍໃຫ້ມີຄວາມເປັນໄປໄດ້ໃນການທີ່ຈະເປີດການເຈລະຈາສັນຕິພາບນາໆຊາດ ຄືນອີກ ຊຶ່ງໄດ້ຫຼົ້ມແຫຼວລົງໃນຕົ້ນເດືອນກຸມພານີ້ ທີ່ນະ ຄອນເຈນີວາ ພຽງແຕ່ 3 ມື້ໄດ້ເລີ້ມຂຶ້ນເທົ່ານັ້ນ.
ນັບຕັ້ງແຕ່ນັ້ນມາ ຄວາມຮຸນແຮງແມ່ນໄດ້ສະແດງຮ່ອງຮອຍໃຫ້ເຫັນວ່າບໍ່ໄດ້ລົດລະລົງເລີຍ ແຕ່ຢ່າງໃດ. ລັດຖະບານຊິເຣຍ ຍັງສືບບຸກໂຈມຕີ ໂດຍໄດ້ຮັບການສະໜັບສະໜຸນຈາກການໂຈມຕີທາງອາກາດຂອງຣັດເຊຍ. ການຕໍ່ສູ້ຂອງພວກຕໍ່ຕ້ານໃນປະເທດກໍຍັງດຳເນີນ ຕໍ່ໄປໃນຂອບເຂດທີ່ກວ້າງຂວາງຊຶ່ງແຕ່ລະກຸ່ມກໍມີຈຸດປະສົງບໍ່ຄືກັນແລະໄດ້ຮັບການໜຸນຫລັງ ທີ່ແຕກຕ່າງກັນອອກໄປຈາກແຕ່ລະປະເທດ.
ບັນດາປະເທດມະຫາອຳນາດໂລກ ໄດ້ກ່າວວ່າ ພວກເຂົາເຈົ້າຫວັງທີ່ຈະມີການຮື້ຟື້ນການເຈລະຈາສັນຕິພາບຄືນໃໝ່ ພາຍໃນທ້າຍເດືອນກຸມພານີ້.
ເບິ່ງວີດີໂອກ່ຽວຂ້ອງ:
