ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

UN ​ປະນາມ ​ການຕັດຄໍ ​ພະນັກງານ​ຊ່ອຍ​ເຫຼືອຊາວ​ອັງກິດ ໂດຍກຸ່ມລັດ​ອິສລາມ (ວີດີໂອ)


ພາບນີ້ ເອົາອອກມາຈາກວີດີໂອ ທີ່ກຸ່ມລັດອິສລາມ ຫຼື Islamic State (IS) ນຳອອກເຜີຍແຜ່ ແລະໄດ້ຮັບການຢືນຢັນ ໂດຍກຸ່ມສືບລັບເອກະຊົນ ທີ່ຕິດຕາມເບິ່ງການກໍ່ການຮ້າຍ ທີ່ສະແດງໃຫ້ເຫັນພາບຂອງພະນັກງານຊ່ວຍເຫຼືອອັງກິດ David Haines ໃສ່ຊຸດຄຸມສີສົ້ມນັ່ງຄຸກເຂົ່າ ຢູ່ກາງທະເລຊາຍ ກ່ອນຈະຖືກສັງຫານ.
ພາບນີ້ ເອົາອອກມາຈາກວີດີໂອ ທີ່ກຸ່ມລັດອິສລາມ ຫຼື Islamic State (IS) ນຳອອກເຜີຍແຜ່ ແລະໄດ້ຮັບການຢືນຢັນ ໂດຍກຸ່ມສືບລັບເອກະຊົນ ທີ່ຕິດຕາມເບິ່ງການກໍ່ການຮ້າຍ ທີ່ສະແດງໃຫ້ເຫັນພາບຂອງພະນັກງານຊ່ວຍເຫຼືອອັງກິດ David Haines ໃສ່ຊຸດຄຸມສີສົ້ມນັ່ງຄຸກເຂົ່າ ຢູ່ກາງທະເລຊາຍ ກ່ອນຈະຖືກສັງຫານ.

ສະພາ​ຄວາມ​ໝັ້ນຄົງອົງການ​ສະຫະ​ປະຊາ​ຊາດ ​ໄດ້​ປະນາມ​ການ
​ ຕັດຄໍ​ພະນັກງານ​ຊ່ອຍ​ເຫຼືອຊາວ​ອັງກິດ David Haines ​ໂດຍ
​ພວກ​ຫົວ​ຮຸນ​ແຮງ​ຈັດ​ ລັດ​ອິສລາມ ແລະເອີ້ນ​ການ​ກະທຳດັ່ງ​ກ່າວ
ວ່າ ເປັນ “​ການ​ຄາດ​ຕະກຳ​ທີ່ຊົ່ວ​ຮ້າຍ ​ແລະ ຂີ້​ຂາດ​ຢ່າງຍິ່ງ.”

​ພວກກຸ່ມ​ລັດ​ອິສລາມ ​ໄດ້​ເອົາ​ວີ​ດີ​ໂອ ການຄາດ​ຕະກຳນັ້ນ​ອອກ
ເຜີຍ​ແຜ່ໃນ​ວັນ​ເສົາ​ຜ່ານ​ມາ ທີ່​ສະ​ແດງໃຫ້​ເຫັນ​ການ​ປະຫານ​ຊີວິດ
ແບບ​ດຽວ​ກັນ​ກັບ​ຢູ່​ໃນ​ວີ​ດີ​ໂອ ​ການ​ຕັດ​ຫົວ​ຕົວ​ປະກັນຄົນ​ກ່ອນໆ​
ກໍ​ຄືສອງນັກ​ຂ່າວ​ຊາວ​ອາ​ເມຣິກັນ James Foley ​ແລະ Steven
Sotloff.

ສະພາ​ຄວາມ​ໝັ້ນຄົງ ກ່າວ​ໃນ​ຄຳ​ຖະ​ແຫລ​ງສະບັບ​ນຶ່ງ​ເມື່ອ​ວັນ​ອາທິດ​ວານ​ນີ້ວ່າ ການ​ກະທຳດັ່ງກ່າວ “ສະ​ແດງ​ໃຫ້​ເຫັນອີກ​ເທື່ອ​ນຶ່ງ ​ຄວາມໂຫດຮ້າຍປ່າ​ເຖື່ອນ” ຂອງ​
ພວກ​ຫົວຮຸນ​ແຮງ ​ແລະ​ເປັນ​ການເຕືອນ​ໃຫ້​ສຳນຶກ​ຢູ່​ສະ​ເໝີ​ວ່າ ​ບັນດາ​ພະນັກງານ​ຊ່ອຍ
​ເຫຼືອດ້ານມະນຸດສະທຳ​ແມ່ນກຳລັງ​ປະ​ເຊີນ​ໜ້າກັບ​ອັນຕະລາຍຫຼາຍຂຶ້ນນັບ​ມື້ ຢູ່​ໃນ​ຊີ​ເຣຍ.

ສະພາ​ຄວາມ​ໝັ້ນຄົງ ​ໄດ້ຮຽກ​ຮ້ອງໃຫ້ ​ກຸ່ມ​ລັດ​ອິສລາມ ກຸ່ມ​ Nusra Front ທີ່​ເຊື່ອມ​ໂຍງກັບ​
ກຸ່ມ al-Qaida ນັ້ນ ​ແລະ ກຸ່ມ​ອື່ນໆ​ອີກ ໃຫ້​ປ່ອຍໂຕ​ປະກັນທັງ​ໝົດ​ ຂອງພວກເຂົານັ້ນ​ເສຍ.

​ກ່ອນ​ໜ້າ​ນັ້ນ ​ໃນວັນ​ອາທິດ​ວານ​ນີ້ ນາຍົກ​ລັດຖະມົນຕີ​ອັງກິດ ທ່ານ David Cameron
​ໄດ້​ປະຕິ​ຍານວ່າ ຈະ​ທຳລາຍ​ພວກ​ລັດ​ອິສລາມ ​ແລະກ່າວ​ວ່າ ການ​ຄາດ​ຕະກຳ​ນາຍ
Haines “​ເປັນ​ພຶດຕິ​ກຳ​ຂອງ​ຜີ​ມານ​.”

ISLAMIC STATE BEHEADING CNPK
please wait

No media source currently available

0:00 0:00:49 0:00

XS
SM
MD
LG