ຄະນະກຳມະການ ທີ່ສຳຄັນ ດ້ານສິດທິມະນຸດ ສະຫະປະຊາ
ຊາດໄດ້ຮັບຜ່ານມະຕິທີ່ສະເໜີແນະໃຫ້ສົ່ງເລື່ອງເກົາຫລີເໜືອ
ໄປຫາສານອາຍານາໆຊາດຍ້ອນ ມີການກ່າວຫາວ່າ ປະເທດ
ດັ່ງກ່າວໄດ້ກໍ່ໂທດກຳຕ້ານມະນຸດຊາດ.
ມະຕິ ທີ່ບໍ່ມີຜົນບັງຄັບ ທີ່ຮ່າງໂດຍຍີ່ປຸ່ນ ແລະສະຫະພາບຢູໂຣບ
ສະບັບນີ້ ໄດ້ຖືກຮັບຜ່ານດ້ວຍຄະແນນສຽງອັນຖ້ວມລົ້ນ ໃນວັນ
ອັງຄານວານນີ້ ໂດຍຄະນະກຳມະການທີ 3 ຂອງສະມັດຊາໃຫຍ່.
ມະຕິດັ່ງກ່າວ ແມ່ນອີງຕາມຄະນະກຳມະການສືບສວນ ຂອງສະ
ຫະປະຊາຊາດໃນເດືອນກຸມພາຜ່ານມາ ທີ່ໃຫ້ລາຍລະອຽດກ່ຽວ
ກັບການປະຫານຊີວິດ ຢ່າງ ເປັນລະບົບ ການທໍລະມານ ການຂົ່ມຂືນ ແລະການຂາດແຄນ
ອາຫານການກິນ ຢ່າງຮ້າຍແຮງຢູ່ໃນເກົາຫລີເໜືອ ທີ່ມີມາເປັນເວລາຫລາຍໆທົດສະວັດ.
ທ່ານ Michael Kirby ທີ່ເປັນຫົວໜ້າຂອງຄະນະກຳມະການ ກ່າວຕໍ່ວີໂອເອ ວ່າ ການ
ຕັດສິນໃຈຂອງຄະນະກຳມະການແມ່ນມີຄວາມສຳຄັນເປັນ "ປະຫວັດສາດ."
ທ່ານ Micheal Kirby ກ່າວວ່າ “ມັນເປັນຮ່ອງຮອຍທີ່ສະແດງໃຫ້ຮູ້ວ່າ ສະຫະປະຊາຊາດ
ໃນເລື່ອງທີ່ຮ້າຍແຮງກ່ຽວກັບສິດທິມະນຸດ ບ່ອນທີ່ເຊື່ອກັນວ່າ ອາດ ມີການກໍ່ໂທດກຳຕ້ານ
ມະນຸດຊາດ ເກີດຂື້ນນັ້ນ ຈະຕ້ອງໄດ້ປະຕິບັດງານຢ່າງຖີ່ຖ້ວນ ຈະເອົາບາດກ້າວອັນສຳ
ຄັນ ແລະຈະປະຕິບັດດັ່ງວ່າ ໂດຍການລົງຄະແນນສຽງຢ່າງແຂງຂັນ.”
ໂຄສົກກະຊວງຕ່າງປະເທດ ເກົາຫລີໃຕ້ ທ່ານ Noh Kwang-il ຍັງໄດ້ກ່າວວ່າ Seoul
ສະແດງຄວາມຍິນດີຕໍ່ ການຕັດສິນໃຈຂອງ ຄະນະກຳມະການ ສະມັດຊາໃຫຍ່.
ທ່ານ Noh Kwang-il ກ່າວວ່າ “ການຮັບເອົາມະຕິນີ້ ສະທ້ອນໃຫ້ເຫັນເຖິງ ຄວາມເປັນ
ຫ່ວງຂອງປະຊາຄົມນາໆຊາດ ແລະຄວາມເຕັມໃຈທີ່ວ່າ ຄຳສະເໜີ ແນະໂດຍຄະນະ
ກຳມາທິການສືບສວນນັ້ນ ສົມຄວນທີ່ຈະມີການຈັດຕັ້ງປະຕິບັດ ລະອຽດຖີ່ຖ້ວນ ເພື່ອ
ປັບປຸງສະຖານະການຢູ່ໃນເກົາຫລີເໜືອໃຫ້ດີຂຶ້ນ. ພວກເຮົາຫວັງວ່າ ເກົາຫລີເໜືອຮັບ
ເອົາຂໍ້ສະເໜີຕ່າງໆ ແລະເອົາບາດກ້າວອັນໜັກແໜ້ນ ເພື່ອປັບປຸງດ້ານສິດທິມະນຸດ.”
ເກົາຫລີເໜືອ ໄດ້ປະຕິເສດຊໍ້າແລ້ວຊຳ້ອີກ ວ່າຕົນບໍ່ໄດ້ກໍ່ຄວາມຜິດ ດ້ານສິດທິມະນຸດ ແລະ
ກ່າວຫາສະຫະລັດ ແລະບັນດາພັນທະມິດວ່າກຳລັງຊອກສະແຫວງ ຫາຊ່ອງທາງເພື່ອ
ສ້າງຄວາມເຊື່ອມເສຍ ແລະຫາທາງໂຄ່ນລົ້ມຜູ້ນຳຂອງພຽງຢາງ.
ການອະພິປາຍກ່ຽວກັບມະຕິດັ່ງກ່າວ ຄາດວ່າຈະມີຂື້ນໃນເດືອນໜ້າ ຢູ່ທີ່ກອງປະຊຸມສະ
ມັດຊາໃຫຍ່ສະຫະປະຊາຊາດ ບ່ອນທີ່ຄາດກັນວ່າຈະມີການຮັບຮອງ ເອົາອີກນັ້ນ.
