ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ຫົວໜ້າອົງການ ສະຫະປະຊາຊາດ “ຕົກໃຈ” ທີ່ ເອທິໂອເປຍ ຂັບໄລ່ເຈົ້າໜ້າທີ່ຊ່ວຍເຫຼືອ 7 ຄົນ


ແມ່ຍິງຄົນນຶ່ງເຈ່ຍລູກນ້ອຍຂອງລາວ ໃນຂະນະທີ່ລາວລຽນຄິວເອົາອາຫານ, ຢູ່ໂຮງຮຽນປະຖົມ ເຊຮາເຢ, ເຊິ່ງຖືກປ່ຽນເປັນບ່ອນລີ້ໄພຊົ່ວຄາວ ສຳລັບປະຊາຊົນທີ່ບໍ່ມີບ່ອນຢູ່ຍ້ອນຄວາມຂັດແຍ້ງ, ເມືອງ ເຊີ, ພາກພື້ນ ທິເກຣ, ປະເທດ ເອທິໂອເປຍ. 15 ມີນາ, 2021.
ແມ່ຍິງຄົນນຶ່ງເຈ່ຍລູກນ້ອຍຂອງລາວ ໃນຂະນະທີ່ລາວລຽນຄິວເອົາອາຫານ, ຢູ່ໂຮງຮຽນປະຖົມ ເຊຮາເຢ, ເຊິ່ງຖືກປ່ຽນເປັນບ່ອນລີ້ໄພຊົ່ວຄາວ ສຳລັບປະຊາຊົນທີ່ບໍ່ມີບ່ອນຢູ່ຍ້ອນຄວາມຂັດແຍ້ງ, ເມືອງ ເຊີ, ພາກພື້ນ ທິເກຣ, ປະເທດ ເອທິໂອເປຍ. 15 ມີນາ, 2021.

ເລຂາທິການໃຫຍ່ ອົງການສະຫະປະຊາຊາດໄດ້ສະແດງຄວາມ “ຕົກໃຈ” ໃນວັນພະຫັດວານນີ້ ຫຼັງຈາກລັດຖະບານ ເອທິໂອເປຍ ໄດ້ປະກາດຂັບໄລ່ບັນດາເຈົ້າໜ້າທີ່ອາວຸໂສດ້ານມະນຸດສະທຳຂອງ ສະຫະປະຊາຊາດ 7 ຄົນທີ່ເຮັດວຽກໃນປະເທດດັ່ງກ່າວ.

ທ່ານ ແອນໂຕນີໂອ ກູເຕເຣສ ໄດ້ກ່າວໃນຖະແຫຼງການສະບັບນຶ່ງວ່າ “ໃນ ເອທິໂອເປຍ, ອົງການສະຫະປະຊາຊາດໄດ້ນຳສົ່ງການຊ່ວຍເຫຼືອຊຶ່ງຊ່ວຍຊີວິດ ລວມມີ ອາຫານ, ຢາ, ນໍ້າ ແລະ ສຳພາລະສຸຂະອະນາໄມ ໃຫ້ປະຊາຊົນທີ່ມີຄວາມຕ້ອງການຢ່າງແຮງ. ຂ້າພະເຈົ້າມີຄວາມໝັ້ນໃຈຢ່າງເຕັມທີ່ໃນພະນັກງານຂອງອົງການ ສະຫະປະຊາຊາດ ຜູ້ທີ່ເຮັດວຽກນີ້ໃນປະເທດ ເອທິໂອເປຍ.”

ທ່ານໄດ້ກ່າວວ່າອົງການດັ່ງກ່າວແມ່ນກຳລັງພົວພັນກັບບັນດາເຈົ້າໜ້າທີ່ ເອທິໂອເປຍ “ດ້ວຍການຄາດຫວັງວ່າ ພະນັກງານ ສະຫະປະຊາຊາດທີ່ກ່ຽວຂ້ອງຈະຖືກອະນຸຍາດໃຫ້ສືບຕໍ່ເຮັດວຽກທີ່ສຳ ຄັນຂອງເຂົາເຈົ້າ.”

ພວກເຈົ້າໜ້າທີ່ເຈັດຄົນດັ່ງກ່າວແມ່ນມີເວລາ 72 ຊົ່ວໂມງ ທີ່ຈະອອກຈາກ ເອທິໂອເປຍ. ໃນນັ້ນລວມມີຮອງຫົວໜ້າດ້ານມະນຸດສະທຳຂອງ ສະຫະປະຊາຊາດ, ຮອງຜູ້ປະສານງານດ້ານມະນຸດສະທຳ ແລະ ຜູ້ແທນຂອງອົງການເດັກນ້ອຍ ສະຫະປະຊາຊາດ.

ໃນຂໍ້ຄວາມອັນນຶ່ງທີ່ຂຽນໃນທວິດເຕີ, ກະຊວງການຕ່າງປະເທດໄດ້ກ່າວວ່າເຈົ້າໜ້າທີ່ 7 ຄົນນັ້ນແມ່ນ “ໄດ້ແຊກແຊງໃນບັນຫາພາຍໃນຂອງປະເທດ.”

ລັດຖະບານກາງ ເອທິໂອເປຍ ໄດ້ພົວພັນໃນການຄວາມຂັດແຍ້ງຕິດອາວຸດກັບກຸ່ມກະບົດໃນພາກພື້ນ ທິເກຣ ທາງພາກເໜືອຂອງປະເທດເປັນເວລາເກືອບນຶ່ງ ປີແລ້ວ. ລັດຖະບານດັ່ງກ່າວໄດ້ປະ ກາດການຢຸດຍິງຝ່າຍດຽວ ແລະ ໄດ້ຖອນກອງກຳລັງຂອງເຂົາເຈົ້າອອກໃນເດືອນມິຖຸນາທີ່ຜ່ານມາ, ແຕ່ຄວາມຂັດແຍ້ງໄດ້ສືບຕໍ່ທີ່ຈະແຜ່ລາມເຂົ້າສູ່ພາກພື້ນ ອຳຮາຣາ ແລະ ອາຟາ ທີ່ຢູ່ໃກ້ຄຽງ.

ໃນ 6 ລ້ານຄົນທີ່ອາໄສຢູ່ພາກພື້ນ ທິເກຣ, ອົງການສະຫະປະຊາຊາດເວົ້າວ່າ ຫ້າລ້ານສອງແສນຄົນ ມີຄວາມຕ້ອງການການຊ່ວຍເຫຼືອດ້ານອາຫານໃນລະດັບໃດນຶ່ງ. ຫຼາຍກວ່າ 400,000 ຄົນແມ່ນໄດ້ອາໄສ ຢູ່ໃນສະພາບທີ່ຄືກັບຄວາມອຶດຢາກແລ້ວ, ແລະ ອີກນຶ່ງລ້ານແປດແສນຄົນແມ່ນໃກ້ຈະອຶດອາຫານ.

ອ່ານຂ່າວນີ້ເປັນພາສາອັງກິດ

XS
SM
MD
LG