ລິ້ງ ສຳຫລັບເຂົ້າຫາ

ເລຂາທິການ​ໃຫຍ່​ຂອງ​ອົງການ​ສະຫະ​ປະຊາ​ຊາດ ທ່ານ Ban
Ki-moon​ ​ໄດ້​ປະນາມ ການສັງຫານ ທະຫານ​ຮັກສາ​ຄວາມ​
ສະຫ​ງົບຊາວປາ​ກີ​ສຖານ​ຄົນ​ນຶ່ງ ທີ່ທໍາ​ງານໃນກອງ​ກໍາລັງຮັກສາ​
ສັນຕິພາບຂອງອົງການ​ສະຫະ​ປະຊາ​ຊາດ ຢູ່​ໃນສາທາລະນະ​ລັດ
ປະຊາທິປະ​ໄຕຄອງ​ໂກ ຫລື DRC.

​ໃນ​ຄໍາ​ຖະ​ແຫລ​ງ​ສະບັບ​ນຶ່ງ​ທີ່​ນໍາອອກເປີດ​ເຜີ​ຍໃນ​ແລງ​ວັນ​ອັງ
ຄານວານ​ນີ້ ​ໂຄສົກ​ຂອງທ່ານ Ban ​ເວົ້າ​ວ່າ ພະນັກງານ​ດັ່ງກ່າວ
​ນັ້ນ ​ໄດ້​ຖືກ​ສັງຫານ​ໃນ​ລະຫວ່າງ​ຂອງ​ການ​ໂຈມຕີ ​ໂດຍ​ພວກ​ກຸ່ມ
​ທີ່ບໍ່​ຮູ້​ວ່າ​ແມ່ນ​ຝ່າຍ​ໃດ ຕໍ່ຂະ​ບວນ​ລົດ​ທະຫານ​ຂອງ​ອົງການ​ສະຫະ
​ປະຊາ​ຊາດ​ໃນ​ແຂວງ​ Kivu ໃຕ້ ທາງ​ພາກ​ຕາ​ເວັນ​ອອກ​ຂອງ​
ຄອງ​ໂກ ທີ່​ມີ​ຊາຍ​ແດນ​ຕິດ​ກັບ​ ປະ​ເທດRwanda ​ແລະ Burundi.

ຍັງ​ບໍ່​ມີ​ລາຍ​ລະອຽດ ​ກ່ຽວ​ກັບ​ເຂດ​ທີ່ຖືກ​ໂຈມ​ຕີ ຫລື​ວ່າ​ລັກ​ສະ​ນະ​ຂອງ​ການ​ໂຈມ​ຕີ.
ໜ່ວຍຮັກສາ​ສັນຕິພາບຂອງສະຫະ​ປະຊາ​ຊາດ ທີ່​ປະຕິບັດ​ການ​ຢູ່​ໃນ​ຂົງ​ເຂດ​ນັ້ນ
ເອີ້ນ​ຫຍໍ້​ວ່າ MONUSCO ​ກໍາລັງ​ທໍາ​ການ​ສືບສວນ​ສອບ​ສວນຢູ່.

ປາ​ກິສຖານ​ມີ​ທະຫານຮັກສາ​ສັນ​ຕິ​ພາບ ຫຼາຍ​ກ່ວາ 3,000 ຄົນ​ໃນສາທາລະນະ​ລັດ ​
ປະຊາທິປະ​ໄຕ​ຄອງ​ໂກ ​ຊຶ່ງເຮັດ​ປາ​ກິ​ສຖານໃຫ້​ເປັນປະ​ເທດ​ທີ່​ມີ​ທະຫານ​ປະກອບສ່ວນ
​ຫລາຍ​ທີ່ສຸດໃນກອງ​ກໍາລັງ MONUSCO ທີ່​ມີພະນັກງານໃນ​ເຄື່ອງ​ແບບ ປະມານ
19,000 ຄົນ.
XS
SM
MD
LG