ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon
ກຳລັງຢູ່ທີ່ປະ ເທດ Burundi ໃນການຢ້ຽມຢາມທີ່ແນໃສ່ເພື່ອ
ຍຸຕິວິກິດການທາງດ້ານເມືອງ ທີ່ເກີດຂຶ້ນຢູ່ໃນປະເທດດັ່ງກ່າວ
ມາເປັນເວລາເກືອບໜຶ່ງປີແລ້ວ.
ທ່ານ Ban ໄດ້ເດີນທາງໄປເຖິງນະຄອນຫລວງ Bujumbura
ໃນວັນຈັນວານນີ້ ກ່ອນກຳນົດການປະຊຸມກັບ ບັນດານັກການເມືອງຂອງປະເທດ ແລະ
ບັນດາກຸ່ມສັງຄົມພົນລະເຮືອນ.
ການຢ້ຽມຢາມຂອງທ່ານ ມີຂື້ນໜຶ່ງເດືອນ ຫລັງຈາກຜູ້ຕາງໜ້າ ສະພາຄວາມໝັ້ນຄົງ
ສະຫະປະຊາດ ໄດ້ເດີນທາງໄປປະເທດດັ່ງກ່າວ ເພື່ອກົດດັນໃຫ້ມີການເຈລະຈາກັນ
ລະຫວ່າງປະທານາທິບໍດີ Pierre Nkurunziza ແລະພວກຝ່າຍ ຄ້ານ.
ກ່ອນໜ້າການຢ້ຽຢາມ ສີ່ຄົນໄດ້ຖືກຂ້າຕາຍ ໃນການໂຈມຕີສອງແຫ່ງດ້ວຍລູກລະເບີດ
ຢູ່ໃນນະຄອນຫລວງ ໃນໄລຍະ 24 ຊົ່ວໂມງທີ່ຜ່ານມາ.
Burundi ໄດ້ຕົກຢູ່ໃນວິກິດການຄວາມຮຸນແຮງທາງການເມືອງມາໄດ້ຊົ່ວໄລຍະ ນຶ່ງ
ແລ້ວ ນັບແຕ່ເດືອນເມສາປີກາຍນີ້ ເວລາທ່ານ Nkurunziza ໄດ້ຊອກຫາ ແລະກໍໄດ້
ຮັບໄຊຊະນະໃນການເລືອກຕັ້ງ ໃນອັນທີ່ເບິ່ງກັນຢ່າງກວ້າງຂວາງວ່າ ການເຂົ້າຮັບຕຳ
ແໜ່ງສະໄໝທີສາມ ທີ່ບໍ່ຖືກຕ້ອງຕາມກົດໝາຍນັ້ນ.
ບັນດາຜູ້ສັງເກດການຢ້ານວ່າ ຄວາມຮຸນແຮງ ທີ່ໄດ້ເຮັດໃຫ້ຫລາຍກວ່າ 400 ຄົນເສຍ
ຊີວິດ ແລະເປັນເຫດໃຫ້ຫລາຍກວ່າ 230,000 ຄົນ ພາກັນຫລົບໜີອອກຈາກປະເທດ
ນັ້ນ ອາດຈະເຮັດໃຫ້ເກີດສົງຄາມກາງເມືອງອີກຄັ້ງນຶ່ງ ຫລື ຮ້າຍແຮງໄປກວ່ານັ້ນ ຢູ່ໃນ
ປະເທດຊົນເຜົ່າ Htu ແລະ Tutsi ປະສົມກັນ.
