ເລຂາທິການໃຫຍ່ອົງການສະຫະປະຊາຊາດທ່ານ Ban Ki Moon ຮຽກຮ້ອງໃຫ້ລັດ
ຖະບານທະຫານມຽນມາປ່ອຍພວກນັກໂທດການເມືອງທັງໝົດ ກ່ອນການເລືອກຕັ້ງ
ໃນເດືອນໜ້າ.
ທ່ານ Ban ກ່າວທີ່ບາງກອກໃນວັນອັງຄານມື້ນີ້ວ່າ ປະຊາຄົມນາໆຊາດຄາດວ່າ ການ
ປ່ອນບັດໃນວັນທີ 7 ພະຈິກຈະມາເປັນການເລືອກຕັ້ງທີ່ຍຸດຕິທຳ ໜ້າເຊື່ອຖືແລະມີທຸກ
ພັກຝ່າຍເຂົ້າຮ່ວມ. ທ່ານເວົ້າວ່າ ການປ່ອຍພວກນັກໂທດການເມືອງ ຈະເຮັດໃຫ້ການ
ເລືອກຕັ້ງທີ່ວ່ານີ້ ເປີດກວ້າງ ແລະມີການເຂົ້າຮ່ວມຫຼາຍຂຶ້ນ.
ພວກຜູ້ນຳລັດຖະບານທະຫານມຽນມາໄດ້ປະຕິເສດບໍ່ຍອມປ່ອຍພວກນັກໂທດ ກ່ອນ
ການເລືອກຕັ້ງຮວມທັງຜູ້ນຳປະຊາທິປະໄຕຂອງມຽນມາທ່ານນາງອອງ ຊານຊູຈີທີ່ຖືກ
ກັກຂັງບໍ່ໃນຮູບໃດກໍຮູບນຶ່ງ ເປັນເວລາ 21 ປີ ໃນໄລຍະ 25 ປີທີ່ຜ່ານມາ.
