ເລຂາທິການໃຫຍ່ອົງການສະຫະປະຊາຊາດທ່ານ Ban Ki
Moon ຮຽກຮ້ອງ ໃຫ້ພວກຜູ້ນຳລັດຖະບານທະຫານທີ່ປົກ
ຄອງປະເທດມຽນມາຢູ່ໃນເວລານີ້ໃຫ້ການຄໍ້າປະກັນວ່າ
ການເລືອກຕັ້ງເທື່ອທຳອິດໃນຮອບ 2 ທົດສະວັດຢູ່ໃນປະ
ເທດດັ່ງກ່າວ ເປັນການເລືອກຕັ້ງທີ່ເປີດກວ້າງ ມີການປະ
ກອບສ່ວນເຂົ້າຮ່ວມແລະມີຄວາມໂປ່ງໃສຫຼາຍເທົ່າທີ່ເປັນ
ໄປໄດ້.
ໃນມື້ວານນີ້ ທ່ານ Ban ໄດ້ພົບປະກັບພວກເຈົ້າໜ້າທີ່ອະວຸ
ໂສຈາກກຸ່ມເພື່ອນມິດຂອງມຽນມາ ທີ່ມີສະມາຊິກ 14 ປະ
ເທດຮວມທັງສະຫະລັດ ຣັດເຊຍ ຈີນແລະອອສເຕຣເລຍ.
ຜູ້ນຳຂອງອົງການສະຫະປະຊາຊາດກ່າວຕໍ່ພວກນັກຂ່າວ ວ່າບັນດາລັດຖະມົນຕີທີ່ທ່ານໄດ້ພົບປະນັ້ນ ຕ່າງກໍໄດ້ພາກັນ ສະແດງອອກຊຶ່ງການໃຫ້ຄວາມສະໜັບສະໜຸນ ຄວາມວິຕົກ
ກັງວົນແລະຄວາມຄາດຫວັງ ກ່ຽວກັບຂັ້ນຕອນທາງການ ເມືອງຢູ່ໃນມຽນມາ ກ່ອນໜ້າການເລືອກຕັ້ງ ໃນວັນທີ 7 ພະຈິກ ຈະມານີ້.
ກຸ່ມປະເທດເພື່ອນມິດຂອງມຽນມາ ຮຽກຮ້ອງໃຫ້ປ່ອຍພວກນັກໂທດການເມືອງທັງໝົດ
ຮວມທັງຜູ້ນຳພັກຝ່າຍຄ້ານຂອງມຽນມາ ທີ່ຖືກບໍລິເວນຢູ່ໃນເວລານີ້ ຄືທ່ານນາງອອງ ຊານຊູຈີ ຜູ້ທີ່ເຄີຍໄດ້ຮັບລາງວັນໂນແບລ ຂະແໜງສັນຕິພາບ.
ທ່ານພັນກີມູນກ່າວວ່າ ທ່ານເຫັນພ້ອມນໍາທີ່ວ່າ ການປ່ອຍໂຕພວກນັກໂທດແມ່ນຈໍາເປັນ
ຖ້າຢາກໃຫ້ການເລືອກຕັ້ງຂອງມຽນມາເປັນທີ່ໜ້າເຊື່ອຖືໄດ້.
