ລິ້ງ ສຳຫລັບເຂົ້າຫາ

logo-print

ສະຫະປະຊາຊາດ ສົ່ງເສີມມຽນມາ ໃນການປາບປາມ ການຄ້າຢາເສບຕິດ


ບັນດາເຈົ້າໜ້າທີ່ຕຳຫຼວດ ຍືນຍູ່ໃກ້ກອງຍາເສບຕິດ ທີ່ຜິດກົດໝາຍ ທີ່ຈະຖືກໄຟເຜົາຖິ້ມ ຍູ່ນອກນະຄອນຍ້າງກຸ້ງ ມຽນມາ.

ຫ້ອງການ​ວ່າ​ດ້ວຍ​ຢາ​ເສບ​ຕິດ​ແລະ​ອາ​ຊະ​ຍາ​ກຳ​ສະຫະ​ປະຊາ​
ຊາດ​ເລີ້ມ​ໂຄ​ງການ​ໃໝ່ ​ເພື່ອ​ຊ່ອຍ​ລະບົບ​ປະຕິບັດ​ກົດ​ໝາຍ
ຂອງ​ມຽນມາ​ໃຫ້​ດີ​ຂຶ້ນ​ ກ່ຽວ​ກັບ​ການປາບ​ປາມ​ການ​ລັກ​ລອບ
​ຄ້າຂາຍ​ຢາ​ເສບ​ຕິດ ​ແລະ​ອາ​ຊະ​ຍາ​ກຳ​ຂ້າມ​ຊາດນັ້ນ. ນາຍ
Ron Corben ຜູ້​ສື່​ຂ່າວ​ວີ​ໂອ​ເອ ລາຍ​ງານ​ມາ​ຈາກ​ບາງກອກ​
ວ່າ ບັນດາ​ກຸ່ມ​ປົກ​ປ້ອງ​ສິດທິ​ມະນຸດ​ສະແດງ​ຄວາມ​ຍິນ​ດີ​ນຳ​
ໂຄງການ​ດັ່ງກ່າວ ວ່າ​ເປັນ​ຊ່ອງ​ທາງ​ນຶ່ງ​ເພື່ອ​ແກ້​ບັນຫາ​ການ​
ໄດ້​ຮັບ​ການ​ຍົກ​ເວັ້ນ​ໂທດ ​ແລະ​ການ​ເຄື່ອນ​ໄຫວ​ຕ່າງໆ​ທາງ​
ດ້ານ​ອາຍາ ທີ່​ສະຫະ​ປະຊາ​ຊາດ​ເຕືອນ​ວ່າ ​ກຳລັງ​ບ່ອນ​ທຳ
ລາຍ​ຄວາມ​ພະຍາຍາມ ​ໃນ​ການ​ພັດທະນາ​ຂອງ​ມຽນມາ​ນັ້ນ.
ສິງ​ຈະ​ນຳ​ເອົາ​ລາຍ​ດັ່ງກ່າວ ​ມາສະ​ເໜີ​ທ່ານ​ຕໍ່​ໄປ..


ໂຄງການ​ໃນ​ວົງ​ເງິນ 45 ລ້ານ​ດອນ​ລາ ​ເປັນ​ເວລາ 4 ປີ​ມີ​ຂຶ້ນ​ໃນ​ຂະນະ​ທີ່​ຫ້ອງການ​ປາບ
ປາມ​ຢາ​ເສບ​ຕິດ​ ແລະ​ອາ​ຊະ​ຍາ​ກຳ​ສະຫະ​ປະຊາ​ຊາດ​ຫຼື UNODC ກ່າວ​ວ່າ ການ​ກໍ່
ຄວາມຜິດ​ທາງ​ດ້ານ​ອາຍາ​ໃນ​ມຽນມາ​ກຳລັງ​ບ່ອນ​ທຳລາຍ​ການ​ພັດທະນາ​ຂອງ​ປະ​ເທດ
​ເພີ້​ມຄວາມ​ບໍ່​ປອດ​ໄພ​ໃຫ້​ແກ່​ປະຊາຊົນ ​ແລະ​ເປັນໄພ​ຂົ່ມຂູ່ ​ຕໍ່ການ​ເຈລະຈາ​ສັນຕິພາບ
ທີ່​ມີ​ວັດຖຸ​ປະສົງ​ເພື່ອ​ຍຸດຕິ​ການ​ກໍ່​ການ​ກະບົດຂອງ​ພວກ​ຊົນ​ຊາດ​ຊົນ​ເຜົ່າ​ກຸ່ມນ້ອຍນັ້ນ.

ທ່ານ Jeremy Douglas ຜູ້ຕາງໜ້າ​ຂອງ​ອົງການ UNODC ປະຈຳ ພາກ​ພື້ນ​ເອ​ເຊຍ​
ຕາ​ເວັນ​ອອກສຽງ​ໃຕ້ ​ແລະ​ຂົງ​ເຂດ​ມະຫາ​ສະມຸດ​ປາຊີ​ຟິກ ກ່າວ​ວ່າ ​ເສດຖະກິດ​ໃຕ້​ດິນ ຫຼື “black” economy ນຳ​ເງິນ​ຈຳນວນ​ຫລາຍ​ລ້ານ​ດອນ​ລາ ທີ່​ຊັກ​ຟອກ ​ເຂົ້າ​ໃນ​ຂະ​ແໜງ​ອື່ນໆ​ຂອງ​ເສດຖະກິດ ​ກຳລັງ​ເປັນ​ໄພ​ຂົ່ມຂູ່ຕໍ່​ສັງຄົມໃນວົງ​ກວ້າງອອກໄປ​ອີກ.

ທ່ານ Jeremy Douglas ກ່າວ​ວ່າ “​ເສດຖະກິດ​ໃຕ້ດິນແມ່ນ​ກວ້າງ​ໃຫຍ່​ຫຼາຍ​ໃນ​ພາກ​ເໜືອ​ຂອງ​ມຽນມາ ສ່ວນ​ໃຫຍ່​ແມ່ນ​ເກີດ​ຈາກ​ການ​ຄ້າ​ຢາເສບ​ຕິດ ​ແຕ່​ກໍ​ມີ​
ການ​ລັກລອບ​ຄ້າສານເຄມີຕົ້ນເຊັ່ນ​ກັນ ມີ​ຮູບ​ແບບ​ອື່ນໆ​ອີກ​ຂອງ​ການ​ລັກລອບ​
ຄ້າ​ຂາຍ ​ແລະ​ເລື້ອງ​ບັນຫາ​ການ​ຂ້າມ​ຊາດ ຊຶ່ງ​ກຳລັງ​ນຳ​ລາຍ​ຮັບ​ມາ​ໃຫ້ຢ່າງ​ຫຼວງ​ຫຼາຍ ມັນເປັນ​ລາຍ​ຮັບ​ທີ່​ບໍ່​ຢູ່​ໃນ​ກຳມື​ຂອງ​ຜູ້​ຄົນ​ຫຼາຍ​ຄົນ ​ແລະ​ໃນ​ເວລາ​ດຽວ​ກັນ ​ເງິນ​ທີ່​ວ່າ​ນີ້​ຈະ​ຕ້ອງ​ມີການເຄື່ອນຍ້າຍ​ ແລະ​ໃຫ້​ຖືກຕ້ອງ​ຕາມ​ກົດໝາຍ ​ເພື່ອ​ວ່າ
ມັນ​ຈະ​ສົ່ງ​ຜົນ​ກະທົບ​ເຂົ້າ​ໃນ​ການ​ເສດຖະກິດ ​ທີ່​ຖືກຕ້ອງ​ຕາມ​ກົດໝາຍ.”

​ໃນ​ຂະນະ​ທີ່​ການ​ເສດຖະກິດ​ຂອງ​ມຽນມາ ​ໄດ້​ເຕີບ​ໂຕ​ຂຶ້ນ​ໃນ​ຫວ່າງ​ບໍ່​ເທົ່າ​ໃດ​ປີຜ່ານມາ​ນີ້
ທີ່​ເກີດ​ຈາກ​ການ​ປະຕິ​ຮູບ​ຕ່າງໆທາງ​ດ້ານ​ເສດຖະກິດ​ແລະ​ການ​ເມືອງ ​ແຕ່​ປະ​ເທດ​ຍັງ​ຄົງ​
ຢູ່​ໃນ​ຂັ້ນ​ລ້າ​ຫຼັງ​ຢູ່ຍ້ອນ​ການ ສໍ້​ລາດ​ບັງ​ຫຼວງ​ຂອງ​ເຈົ້າ​ໜ້າ​ທີ່​ໃນ​ອັດຕາ​ສູງ​ນັ້ນ. ກຸ່ມ​ຄວາມ​
ໂປ່​ງ​ໃສ​ນາໆ​ຊາດ ທີ່ຄຸ້ມຄອງກ່ຽວກັບການສໍ້ລາດບັງຫຼວງ ​ໄດ້​ຈັດ​ມຽນມາ​ເຂົ້າ​ໃນ​ລະດັບ​ຕໍ່າໍ່າ ຫຼາຍຄື​ໃນ​ລະດັບ​ທີ 157 ຂອງ​ບັນຊີ​ລາຍ​ຊື່​ ທີ່ມີທັງໝົດ 177 ປະ​ເທດ ​ໃນ​ໂລກ.

​ໂຄງການ​ສະຫະ​ປະຊາ​ຊາດ ທຳ​ອິດ​ແມ່ນ​ໄດ້​ຮັບ​ເງິນ​ຈາກ​ສະຫະລັດ ຊຶ່ງ​ເງິນ​ກ້ອນ​ນີ້ ​ແມ່ນ​ໃຊ້ໃນ​ຄວາມ​ພະຍາຍາມ​ເພື່ອ​ປັບປຸງສະມັດຖະພາບ​ໃນການ​ຈັດ​ຕັ້ງ​ປະຕິບັດກົດໝາຍ​ໃຫ້​ດີ​ຂຶ້ນ ​ໃນ​ການ​ແກ້​ໄຂ​ອາ​ຊະ​ຍາ​ກຳ​ຂ້າມ​ຊາດ ຮວມທັງ​ການ​ລັກລອບ​ຄ້າຂາຍ​ຢາ​ເສບ​ຕິດແລະ
​ຄ້າມະນຸດ ອາ​ຊະ​ຍາ​ກຳ​ດ້ານ​ສິ່ງ​ແວດ​ລ້ອມ ​ແລະ​ການ​ຄວບ​ຄຸມ​ຊາຍແດນ. ​ໂຄງການ​ນີ້ ຍັງ​ຮວມທັງ​ການ​ເອົາ​ມາດ​ຕະການ​ຕ່າງໆ​ຕໍ່ຕ້ານ​ການ​ສໍ້​ລາດ​ບັງ​ຫຼວງ ​ແລະ​ການ​ປະຕິ​ຮູບ​ຕ່າງໆ​ໃນ​ລະບົບ​ຍຸຕິ​ທຳ​ດ້ານ​ອາຍາ​ແລະ​ຄຸກ​ນັ້ນ. ທ່ານ Douglas ກ່າວ​ວ່າ ​ເປົ້າ​ໝາຍ​ສຳຄັນ​ອັນ​ນຶ່ງ ແມ່ນ​ການ​ພັດທະນາພວກ​ພືດ​ທົດ​ແທນ​ຂອງ​ພວກ​ກະສິກອນ​ປູກ​ຝິ່ນ​ໃນ​ພາກ​ຕາ​ເວັນ​ອອກສຽງ​ເໜືອ​ຂອງ​ປະ​ເທດນັ້ນ.

ມຽນມາ​ເປັນ​ປະ​ເທດ​ທີ່​ຜະລິດ​ຢາ​ເສບ​ຕິດ​ທຽມ​ລາຍ​ໃຫຍ່​ທີ່​ສຸດ​ໃນ​ເຂດ​ເອ ເຊຍ​ຕາ​ເວັນ​ອອກສຽງ​ໃຕ້ແລະ​ເປັນ​ປະ​ເທດ​ທີ່​ຜະລິດ​ຝິ່ນ​ລາຍ​ໃຫຍ່​ທີ່​ສຸດ ​ອັນ​ດັບ​ສອງ​ຂອງ​ໂລກ ຮອງຈາກ​ອັຟກາ​ນິສຖານ.

ບັນດານັກ​ເຄື່ອນ​ໄຫວ​ດ້ານ​ສິດທິ​ມະນຸດ​ກ່າວ​ວ່າ ການຄ້າຝ່າຍຝິ່ນ​ແລະ​ ​ຢາ​ເສບ​ຕິດ​ໄດ້​ພາໃຫ້ເກີດ​ພວກ​ບຸກຄົນ​ທີ່​ມີ​ອຳນາດອິດທິພົນຂຶ້ນ​ມາ​ຢ່າງ​ຫລວງຫລາຍ ໂດຍ​ຜ່ານ​ຖັນ​ແຖວ​ດ້ານ​ການ​ເມືອງ ຮວມທັງ​ຢູ່​ໃນ​ລັດຖະສະພາ. ນາງ Debbie Stothard ນັກ​ເ​ຄື່ອນ​ໄຫວ
ດ້ານ​ສິດທິ​ມະນຸດ​ໃນ​ມຽນມາ ກ່າວ​ວ່າ ການ​ມີ​ອິດ​ທິພົນ​ເພີ້​ມຂຶ້ນ​ຂອງ​ພວກ​ບຸກຄົນ​ເຫຼົ່າ​ນີ້ ພາ​ໃຫ້​ເກີດ​ຄວາມ​ເປັນ​ຫ່ວງ​ໃນ​ຂະນະ​ທີ່​ເສດຖະກິດ​ຂອງ​ປະ​ເທດ​ກຳລັງ​ເຕີບ​ໂຕ​ຂຶ້ນ​ ຊຶ່ງ​
ນາງ Debbie ກ່າວ​ວ່າ….

ນາງ Debbie Stothard ກ່າວ​ວ່າ “ພວກ​ບຸກຄົນ​ທີ່​ສະ​ໜິດສະໜົມທີ່ຢູ່​ໃນ​ບັນຊີ​ດຳ​ຫຼາຍ​ຄົນ ​ທີ່​ກຳລັງ​ພາກັນກິນ​ລ້ຽງ​ ສະ​ເຫຼີ​ມສະຫຼອງ​ກັນໂດຍ​ພວກ​ນັກທຸລະກິດ​
ນາໆ​ຊາດ ​ໄດ້​ຮັ່ງມີ​ຂຶ້ນ ຍ້ອນ​ການ​ສໍ້​ລາດ​ບັງ​ຫຼວງ ​ແລະ​ການ​ຕິດ​ຕໍ່​ພົວພັນ​ອື່ນໆ
ຕໍ່​ກິດຈະກຳ​ທາງອາຊາຕ່າງໆ. ອັນ​ທີ່​ພວກ ເຮົາ​ກຳລັງ​ເຫັນຢູ່​ໃນ​ປັດຈຸບັນ​ນີ້ ກໍ​
ແມ່ນ​ສະຖານະ​ການ ​ບ່ອນ​ທີ່​ພວກ​ອາ​ຊະ​ຍາກ​ອນ​ໃນ​ຍຸກ​ຜ່ານ​ມາ ອາ​ຊະ​ຍາ​ກຳ​
ທີ່​ມີ​ການຈັດ​ຕັ້ງ ​ແລະ​ໃນ​ຫຼາຍ​ກໍລະນີໄດ້​ກາຍ​ມາ​ເປັນ​ບຸກຄົນ​ທີ່​ໜ້າ​ນັບຖື​ພາຍ​ໃຕ້​ອຳນາດການ​ປົກຄອງ ​ທີ່​ມີ​ການ​ປະຕິ​ຮູບ​ໃນ​ປັດຈຸບັນ.”

ນາງ Stothard ກ່າວ​ວ່າ ບຸກຄົນ​ທີ່​ໃກ້ຊິດ​ກັບ​ເຄືອ​ຂ່າຍ​ລັກລອບ​ຄ້າ​ຢາ ເສບ​ຕິດ​ຂອງ​ມຽນ
ມາ​ໄດ້​ຖືກ​ເລືອກ​ເຂົ້າ​ເປັນ​ສະມາຊິກ​ຂອງ​ລັດຖະສະພາ​ ໃນ​ການ​ເລືອກ​ຕັ້ງເມື່ອ​ປີ 2010 ທີ່ຜ່ານ​ມາ ຊຶ່ງ​ນາງ​ກ່າວ​ວ່າ ມີ​ຄວາມ​ເຊື່ອມ​ໂຍງ​ລະຫວ່າງ​ພວກ​ບຸກຄົນ​ທີ່​ຖືກ​ເລືອກ​ຕັ້ງເຫຼົ່າ​ນີ້ ​ແລະ​ອັດຕາ​ສູງ​ຂຶ້ນ​ຂອງ​ການ​ປູກ​ຝິ່ນ​ນັ້ນ. ອົງການ UNODC ແຈ້ງ​ໃຫ້​ຊາບ​ວ່າ ການ​ປູກ​ຝິ່ນ​ໄດ້​ຖີບ​ໂຕ​ສູງ​ຂຶ້ນ 26 ​ເປີ​ເຊັນ​ຢູ່ໃນ​ມຽນມາ ໃນ​ປີ 2013 ​ເປັນ 870 ​ໂຕນ ອີງ​ຕາມການ​ປູກ​ຝິ່ນ​ທີ່​ເພີ້​ມຂຶ້ນ​ນັ້ນ.

ນາງ Stothard ກ່າວ​ວ່າ ຄວາມ​ເປັນ​ຫ່ວງ​ໃນ​ດ້ານ​ສິດທິ​ມະນຸດ ​ແລະ​ການ​ຂາດ​ສິດເສລີ
ພາບ ​ແລະການປົກຄອງດ້ວຍ​ໂຕ​ບົດ​ກົດໝາຍ ​ເຫັນ​ວ່າ​ເຊື່ອມ​ໂຍງ​ກັນ​ກັບ​ອາ​ຊະ​ຍາ​ກຳ​ທີ່​
ເພີ້​ມຂຶ້ນ​ໃນ​ຫວ່າງ​ບໍ່​ເທົ່າ​ໃດ​ປີຜ່ານມາ​ນີ້. ຄວາມ​ຮຽກຮ້ອງ​ຕ້ອງ​ການ​ທີ່​ດິນທີ່​ພວມ​ເພີ້​ມຂຶ້ນ ສຳລັບການພັດ ທະນາ ກໍໄດ້ພາໃຫ້ເກີດ​ບັນຫາ​ຂັດ​ແຍ້​ງເພີ້​ມຂຶ້ນ​ລະຫວ່າງ​ບັນດາບໍລິສັດ​ພັດທະນາ​ທີ່​ດິນ ​ແລະ​ພວກ​ປະຊາຊົນ ​ໃນເຂດ​ທ້ອງ​ຖິ່ນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG