ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ຜູ້ນຳກຸ່ມຕາລີບານ ທີ່ຖືກຂຶ້ນບັນຊີດຳໂດຍ ສ​ປ​ຊ ກາຍເປັນນາຍົກລັດຖະມົນຕີຮັກສາການ ຂອງອັ​ຟ​ກາ​ນິ​ສ​ຖານ


ກຸ່ມຕາລີບານໃນອັຟການິສຖານ ໄດ້ແຕ່ງຕັ້ງ ທ່ານ ອັບດູລ ຄາເບຍ ເປັນນາຍົກລັດຖະມົນຕີຮັກສາການ, ມັນໄດ້ຖືກປະກາດໃນວັນທີ 17 ພຶດສະພາ 2023. (ຮູບພາບໂດຍສື່ທາງການຂອງກຸ່ມຕາລີບານ)
ກຸ່ມຕາລີບານໃນອັຟການິສຖານ ໄດ້ແຕ່ງຕັ້ງ ທ່ານ ອັບດູລ ຄາເບຍ ເປັນນາຍົກລັດຖະມົນຕີຮັກສາການ, ມັນໄດ້ຖືກປະກາດໃນວັນທີ 17 ພຶດສະພາ 2023. (ຮູບພາບໂດຍສື່ທາງການຂອງກຸ່ມຕາລີບານ)

ກຸ່ມຕາລີບານໃນອັຟການິສຖານ ຢືນຢັນໃນວັນພຸດນີ້ວ່າ ພວກເຂົາເຈົ້າໄດ້ແຕ່ງຕັ້ງ ນາຍົກລັດຖະມົນຕີຮັກສາການ ເພື່ອຮັບຜິດຊອບວຽກງານປະຈຳວັນ ໂດຍກ່າວວ່າ ຜູ້ຢູ່ໃນຕໍາແໜ່ງ, ມູລລາ ຕາຊານ ອາຄຸນ (Mohammad Hasan Akhund) ບໍ່ສະບາຍ ແລະຕ້ອງການເວລາພັກຟື້ນ.

ຫົວ​ໜ້າ​ຄົນ​ໃໝ່​ຂອງ​ຄະນະ​ລັດຖະບານ ທີ່ເປັນເພດຊາຍທັງໝົດຂອງ​ກຸ່ມ​ຕາ​ລີ​ບານ, ​ທ່ານ ອັບດູລ ຄາເບຍ (Abdul Kabir), ເຊິ່ງຢູ່​ພາຍ​ໃຕ້​ການ​ລົງ​ໂທດຂອງ​ອົງການ​ສະຫະ​ປະຊາ​ຊາດ ທີ່​ກ່ຽວ​ຂ້ອງ​ກັບ​ການ​ກໍ່​ການ​ຮ້າຍ ພ້ອມດ້ວຍ​ສະມາຊິກ​ອະວຸ​ໂສອີກຫຼາຍຄົນ​ໃນ​ລັດຖະບານ​ຫົວ​ແຂງ​ກະດ້າງ​ຂອງ​ທ່ານ. ທ່ານ​ໄດ້​ຮັບ​ການເລື່ອນຕໍາແໜ່ງ ຈາກຮອງ​ນາຍົກລັດຖະມົນຕີ ຮັບ​ຜິດ​ຊອບຝ່າຍການ​ເມືອງ.

ໂຄສົກຂອງກຸ່ມຕາລີບານ ທ່ານຊາບີຮູລລາ ມູຈາຮິດ (Zabihullah Mujahid) ໄດ້ປະກາດ ​ການປ່ຽນແປງອຳນາດດັ່ງ​ກ່າວ ຜ່ານທາງ Twitter. ທ່ານກ່າວວ່າ ທ່ານ ອາຄຸນ (Akhund), ອາຍຸ 78 ປີ, ຢູ່ທີ່​ເມືອງການດາຮາ (Kandahar) ທາງພາກໃຕ້ຂອງປະ​ເທດມາ​ໄດ້ໄລຍະນຶ່ງ​ແລ້ວ ເພື່ອຮັບການປິ່ນປົວ ແລະພັກຜ່ອນ, ແລະ ທ່ານຈະກັບຄືນໄປນະຄອນຫຼວງ ກາບູລ (Kabul) ໃນໄວໆນີ້ ເພື່ອສືບຕໍ່ປະຕິບັດໜ້າທີ່ຂອງທ່ານ.

"ມັນເປັນເລື່ອງປົກກະຕິໃນຂະບວນການຂອງການປົກຄອງ ສໍາລັບຜູ້ປົກຄອງທີ່ຈະຕ້ອງຮັບຜິດຊອບ ເພື່ອຮັບປະກັນວ່າ ການບໍລິຫານງານ ເປັນໄປຢ່າງຮຽບຮ້ອຍ", "ບໍ່ມີໃຜຕ້ອງກັງວົນກ່ຽວກັບເລື້ອງນີ້, ແລະພວກເຂົາບໍ່ຄວນໃຊ້ມັນເພື່ອການໂຄສະນາຊວນເຊື່ອ." ທ່ານ ມູຈາຮິດ (Mujahid) ຂຽນ.

ອ່ານຂ່າວນີ້ເປັນພາສາອັງກິດ

XS
SM
MD
LG