ພະແນກການນຶ່ງຂອງອົງການສະຫະປະຊາຊາດ ກ່າວວ່າ
ຂົງເຂດເອເຊຍປາຊີຟິກໄດ້ຟື້ນໂຕຄືນຈາກວິກິດການທາງ
ດ້ານເງິນຂອງໂລກແລະກາຍເປັນແຫຼ່ງສຳຄັນໃນການເຕີບ
ໂຕຂອງເສດຖະກິດ ແລະສະຖຽນລະພາບຂອງໂລກ.
ແຕ່ແນວໃດກໍຕາມ ໃນລາຍງານປະຈຳປີ ທີ່ນຳອອກເຜີຍ
ແຜ່ໃນວັນພະຫັດມື້ນີ້ຄະນະກຳມາທິການເສດຖະກິດແລະ
ສັງຄົມຂອງອົງການສະຫະປະຊາຊາດໃນເຂດເອເຊຍປາຊີ
ຟິກເຕືອນວ່າ ຂົງເຂດດັ່ງກ່າວພວມປະເຊີນກັບບັນຫາທ້າ
ທາຍໃໝ່ ຮວມທັງລາຄາອາຫານການກິນທີ່ພວມແພງຂຶ້ນ
ນັບມື້ ໄດ້ຂົ່ມຂູ່ທີ່ຈະບ່ອນທຳລາຍຂັ້ນຕອນໃນການຫຼຸດ
ຜ່ອນຄວາມທຸກຍາກ.
ລາຍງານດັ່ງກ່າວ ຍັງໃຫ້ຂໍ້ສັງເກດເຖິງຜົນກະທົບຈາກໄພ
ພິບັດທຳມະຊາດທີ່ມີຕໍ່ຂົງເຂດເມື່ອໄວໆມານີ້ແຕ່ກໍເວົ້າວ່າ ແຜ່ນດິນໄຫວຢູ່ປະເທດຍີ່ປຸ່ນໃນວັນທີ 11 ມີນາຜ່ານມານັ້ນ
ຈະບໍ່ສ້າງຄວາມເສຍຫາຍ ຮ້າຍແຮງປານໃດຕໍ່ເສດຖະກິດທັງມວນ ກວ່າທີ່ໄດ້ຄາດຄິດໄວ້
ໃນຕອນທຳອິດ.
ລາຍງານເວົ້າວ່າ ຂົງເຂດເອເຊຍປາຊີຟິກມີໂອກາດຄັ້ງປະວັດສາດ ທີ່ຈະສ້າງຄວາມກໍ້າເກິ່ງ ໃຫ້ແກ່ໂຄງສ້າງທາງເສດຖະກິດຂອງຕົນແລະເຮັດໃຫ້ສັດຕະວັດທີ 21 ເປັນສັດຕະວັດແຫ່ງ ຂົງເຂດເອເຊຍປາຊີຟິກຢ່າງແທ້ຈິງ.
ຮວມຢູ່ໃນບັນຫາທ້າທາຍຕ່າງໆທີ່ພວມຂວາງໜ້າຢູ່ນັ້ນ ລາຍງານໄດ້ເວົ້າເຖິງລາຄາເຊື້ອໄຟ
ທີ່ກຳລັງຖີບໂຕສູງຂຶ້ນ ການຟື້ນໂຕຄືນຢ່າງຊ້າໆໃນບັນດາປະເທດທີ່ຮັ່ງມີແລະຄວາມບໍ່ໝັ້ນ ຄົງໃນການຫຼັ່ງໄຫຼເຂົ້າມາຂອງເງິນທຶນ.
