ໃນລາຍງານສະບັບນຶ່ງ ກ່ຽວກັບແນວໂນ້ມຂອງການຄ້າຢາເສບຕິດໃນເອເຊຍນັ້ນ ອົງການສະ
ຫະປະຊາຊາດເວົ້າວ່າ ຢາກະຕຸ້ນປະສາດປະເພດຢາບ້າ ເອີ້ນຫຍໍ້ວ່າ ATS ຫລືເອີ້ນກັນທົ່ວ
ໄປວ່າ amphet-amine ຫລື methamphetamine ກໍຄືຢາບ້ານັ້ນ ແລະຢາທີ່ປະສົມ
ຈາກສານເຄມີຊະນິດອື່ນໆ ດຽວນີ້ໄດ້ກາຍມາເປັນ “ໄພຂົ່ມຂູ່ດ້ານຢາເສບຕິດອັນດັບນຶ່ງ”
ຕໍ່ຂົງເຂດເອເຊຍ ແທນຢາເສບຕິດແບບດັ້ງເດີມ ເຊັ່ນ ເຮໂຣອິນ, ຢາຝິ່ນ ຫລື ກັນຊາທີ່
ເຄີຍໃຊ້ກັນມານັ້ນ.
ບົດລາຍງານສະບັບດັ່ງກ່າວ ທີ່ຫ້ອງການ
ຢາເສບຕິດແລະອາຊະຍາກໍາຂອງອົງການ
ສະຫະປະຊາຊາດ ຫລື UNODC ນຳອອກ
ເຜີຍແຜ່ ໃນວັນພະຫັດຜ່ານມານີ້ ເວົ້າວ່າ
ໃນໄລຍະປີຜ່ານມາ ມີຜູ້ຄົນໃນລະຫວ່າງ 3
ລ້ານ ຫາ 20 ລ້ານຄົນ ພາກັນໃຊ້ຢາບ້າ
ຫລື ATS ນັ້ນ. ຢາທີ່ເຮັດໃຫ້ຄົນຕິດງ່າຍ
ແລະຫລາຍພວກນີ້ ແມ່ນສາມາດຜະຫລິດໄດ້
ໂດຍການໃຊ້ສານ pseudoephedrine ຊຶ່ງ
ເປັນສານລະບາຍແກ້ຕັນດັງຊະໜິດນຶ່ງ ທີ່ມັກ
ພົບເຫັນຢູ່ໃນຢາແກ້ຫວັດ ທີ່ວາງຂາຍຕາມ
ຮ້ານຂາຍຢາທົ່ວໄປ.
ລາຍງານສະບັບນີ້ຍັງແຈ້ງໃຫ້ຮູ້ອີກວ່າ ມີແນວໂນ້ວເພີ້ມຂຶ້ນຂອງການເຄື່ອນໄຫວຂອງພວກ
ແກ໊ງອາຊຍາກໍາ ທີ່ມີການຈັດຕັ້ງກັນ, ໂດຍສະເພາະແມ່ນມາຈາກອີຣານ ແລະອາຟຣິກາຕາ
ເວັນຕົກ ທີ່ໄດ້ມີສ່ວນເຮັດໃຫ້ບັນຫາຢາເສບຕິດໃນພາກພື້ນເອເຊຍຕາເວັນອອກ ແລະເອ
ເຊຍຕາເວັນອອກສຽງໃຕ້ ຂະຫຍາຍໂຕອອກ.
ທ່ານນາງ Deepika Naruka ເຈົ້າໜ້າທີ່ຂອງ UNODC ປະຈຳບາງກອກເວົ້າວ່າ ກະ ແສຟອງຂອງການຈັບກຸມພວກຄ້າຢາເສບຕິດ ທີ່ຜິດ ກົດໝາຍຈາກອີຣ່ານ ຢູ່ໃນທົ່ວເຂດ ເອເຊຍຕະຫລອດໄລຍະ 2 ປີຜ່ານມານີ້ ໄດ້ເຮັດໃຫ້ເຈົ້າໜ້າທີ່ຕຳຫລວດ ຫລືພວກປະຕິ ບັດກົດໝາຍປະຫລາດໃຈ. ທ່ານນາງ Naruka ເວົ້າວ່າ:
“ມັນເປັນແນວໂນ້ມໃໝ່ ຊຶ່ງຫາກໍ່ພຸ່ງຕົວຂຶ້ນມາ ພາຍໃນເວລາ 1 ປີທີ່ຜ່ານມານີ້. ໄດ້ມີ ການຈັບກຸມຄົນພວກນີ້ ຢູ່ໃນຫລາຍໆປະເທດເປັນຈຳນວນຫລວງຫລາຍ ຈົນພວກເຮົາຈໍາເປັນທີ່ຈະຕ້ອງພາກັນຊອກຫາເຫດຜົນວ່າ ເປັນຫຍັງມັນຈຶ່ງເກີດຂຶ້ນ ແຕ່ວ່າ ດຽວນີ້ພວກ ເຮົາຍັງ ບໍ່ສາມາດຫາຈຸດທີ່ເປັນສາເຫດທີ່ແນ່ນອນໄດ້ເທື່ອ.”
ແນວໂນ້ມທີ່ນັບມື້ນັບສູງຂຶ້ນຂອງການຈັບກຸມຄົນສັນຊາດ
ອີຣານ ທີ່ພະຍາຍາມລັກລອບເອົາຢາບ້າ ໃນຮູບແບບທີ່
ເປັນຜົງຂາວໆ ແລະເປັນນ້ຳນັ້ນໄດ້ປາກົດໃຫ້ເຫັນຢູ່ໃນ
ຍີ່ປຸ່ນ, ອິນໂດເນເຊຍ, ມະເລເຊຍ, ຟີລິບປິນ ແລະ ໄທ.
ເຈົ້າໜ້າທີ່ຂອງ UNODC ເວົ້າວ່າ ການຄົ້ນຄວ້າໃນເບື້ອງ
ຕົ້ນ ໄດ້ຊີ້ໃຫ້ເຫັນວ່າມີຫລາຍປະເດັນນອນຢູ່ເບື້ອງຫລັງ
ແນວໂນ້ມທີ່ນັບມື້ນັບສູງຂຶ້ນນີ້ ອັນໂຮມທັງຄວາມທຸກຈົນນຳ.
ຢູ່ໃນພາກພື້ນເອເຊຍ ແນວໂນ້ມຂອງຈຳນວນຄົນກິນຢາບ້າ
ຂຶ້ນນັບມື້ນັ້ນ ແມ່ນເຫັນໄດ້ຢ່າງແຈ່ມແຈ້ງ
ຢູ່ໃນບຣູໃນ, ຈີນ,ມຽນມາ, ອິນໂດເນເຊຍ,
ສປປ ລາວ, ປາປົວ ນີວກີເນຍ, ມາເລເຊຍ,
ແລະຫວຽດນາມ.
ອົງການ UNODC ຍັງເວົ້າອີກວ່າ ລັດຖະ
ບານທະຫານມຽນມາກໍມີສ່ວນຂ້ອງກ່ຽວ
ກັບການຄ້າຢາເສບຕິດເຊ່ນກັນ ໃນລະດັບ
ອັນກວ້າງຂວາງກວ່າເກົ່າ.
ທ່ານ Gary Lewis, ຜູ້ຕາງໜ້າອົງການ UNODC ປະຈຳພາກພື້ນ ເອເຊຍ ແລະ ປາຊິຟິກ ທີ່ມີຫ້ອງການຢູ່ບາງກອກ ກ່າວວ່າ ພາກສ່ວນທີ່ສໍ້ລາດບັງຫລວງ ຢູ່ໃນວົງການລັດຖະບານມຽນມາ ຄົງມີການພົວ ພັນກັບການ
ຄ້າຢາເສບຕິດ. ທ່ານກ່າວເພີ້ມ ເຕີມວ່າ:
“ຖ້າຫາກວ່າ ມີສ່ວນບຸກຄົນແລະກຸ່ມຕ່າງໆທີ່ຄົບຄ້າສະມາຄົມກັນ ແລະບາງຄົນມີ
ການກ່ຽວຂ້ອງກັບລັດຖະບານທີ່ພົວພັນຢູ່ໃນຂົງເຂດບ່ອນທີ່ມີສະພາວະການເມືອງ
ປ່ຽນແປງຢູ່ເລື້ອຍໆ ແລະມີການສໍ້ລາດ ບັງຫລວງໃນລະດັບສູງນັ້ນ ຊຶ່ງພວກເຈົ້າ
ໜ້າທີ່ມຽນມາ ທັງ ຫລາຍກໍຄົງຈະຍອມຮັບຢູ່ໃນກຸ່ມພວກເຂົາເຈົ້າເອງນັ້ນ ກໍແມ່ນ
ຈະມີພວກບຸກຄົນ ແລະກຸ່ມ ຕ່າງໆ ຢູ່ໃນທຸກພາກສ່ວນຂອງການເມືອງ ທີ່ກ່ຽວພັນ ກັບການເຄື່ອນໄຫວດ້ານຢາເສບຕິດ”
ນອກນີ້ແລ້ວ ຫ້ອງການຢາເສບຕິດ ແລະອາຊະຍາກໍາອົງການສະຫະປະຊາຊາດ ຫລື UNODC ຍັງໄດ້ເຕືອນວ່າ ມີການໃຊ້ ແລະ ລັກ ລອບຄ້າຂາຍຢາກະຕຸ້ນປະສາດ ketamine ທີ່ໃຊ້ໃນຢາປົວຄົນ ແລະສັດນັ້ນ ເພີ່ມຫລາຍຂຶ້ນເຊ່ນກັນ ໃນຂົງເຂດເອເຊຍ ຕາເວັນອອກ ແລະຕາເວັນອອກສຽງໃຕ້. ອົງການUNODC ກ່າວວ່າມີການຍຶດໄດ້ຢາ ketamine ເກືອບຮອດ 7 ໂຕນ ໃນປີ 2009 ໃນທົ່ວໂລກ ຊຶ່ງປະມານ 85 ເປີເຊັນ ແມ່ນຍຶດໄດ້ ຢູ່ໃນຂົງເຂດເອເຊຍ.
ລາຍງານເວົ້າຕໍ່ໄປວ່າ ນອກນີ້ແລ້ວ ການເປີດກ້ວາງເສດຖະກິດແລະ ການຄ້າຫລາຍຂຶ້ນ ພ້ອມກັບການຍົກລະດັບລາຍໄດ້ໃນທ້ອງຖິ່ນນັ້ນ ກໍໄດ້ອໍານວຍໂອກາດຫລາຍຂຶ້ນນັບມື້ ໃຫ້ແກ່ພວກອົງການອາຊະຍາກໍາຕ່າງໆ ໂຮມທັງໂອກາດໃນການຜະລິດ ແລະການລັກລອບ
ຄ້າຂາຍຢາເສບຕິດຜິດກົດໝາຍນັ້ນ.
