ລິ້ງ ສຳຫລັບເຂົ້າຫາ

ເອກອັກຄະລັດຖະທູດ ອາຟຣິກາ ປະຈຳ ສປຊ ບໍ່ພໍໃຈ ໃນຄຳເຫັນ ຂອງ ປ. ທຣຳ


ທ່ານ​ອານາ​​ໂຕ​ລິ​ໂອ ດົງ ແອັມບາ ​ເອກ​ອັກຄະ​ລັດຖະທູດ ກີ​​ເນຍ ເອກົວເຕີຣິລ​ ປະຈຳສະຫະ​ປະຊາ​ຊາດ​ ແລະ​ຫົວໜ້າຂອງກຸ່ມ 54 ປະ​ເທດ​ອາ​ຟຣິກາ ​ໄດ້​ກ່າວ​ຕໍ່​ທ່ານ​ນາງນິກກີ ​ເຮ​ລີ ກ່ຽວກັບ ຄຳເຫັນຂອງ ປ. ດໍໂນລ ທຣໍາ.

ບັນດາ​ເອກ​ອັກຄະ​ລັດຖະທູດ​ຈາກປະເທດອາ​ຟຣິກາ ທີ່ສະຫະປະຊາ​ຊາດ ​ໄດ້​ພົບ​ປະ
ກັນ​ກັບເອກ​ອັກຄະ​ລັດຖະທູດ​ສະຫະລັດ ປະຈຳ​ສະຫະ​ປະຊາ​ຊາດ ກ່ຽວ​ກັບ​ລາຍ​ງານ​
ຂ່າວ ໃນການໃຫ້ຄວາມເຫັນ​ຂອງ​ປະທານາທິບໍດີດໍ​ໂນ​ລ ​ທຣໍາ ທີ່​ໄດ້​ກ່າວ​ເຖິງບັນດາ​
ປະ​ເທດ​ອາ​ຟຣິກາ​ວ່າ​ ເປັນ​ປະ​ເທດ “ຮູ ຂ.”

ທ່ານ​ອານາໂຕ​ລິ​ໂອ ດົງ ແອັມບາ ​ເອກ​ອັກຄະ​ລັດຖະທູດ ກີເນຍ ເອກົວເຕີຣິລ​ປະຈຳ
ສະຫະ​ປະຊາ​ຊາດ​ ແລະ​ຫົວໜ້າຂອງກຸ່ມ 54 ປະ​ເທດ​ອາ​ຟຣິກາ ​ໄດ້​ກ່າວ​ຕໍ່​ທ່ານ​ນາງ
ນິກກີ ​ເຮ​ລີ ວ່າ “​ເປັນ​ທີ່ໜ້າເສຍໃຈ" ​ໃນ​ການໃຫ້ຄວາມເຫັນນັ້ນ.

ໃນອາທິດ​ແລ້ວ​ນີ້ ກຸ່ມ​ປະ​ເທດ​ອາ​ຟຣິກາ ​ໄດ້​ກ່າວ​ຢູ່​ໃນ​ຖະ​ແຫລ​ງການ​ວ່າ ຄວາມເຫັນ
ຂອງປະທານາທິບໍດີ​ທຣໍາ​ໄດ້ “​ເປັນ​ເລື້ອງ​ຮ້າ​ຍ​ແຮງ ແບ່ງແຍກ​ຜິວ​ພັນແລະ ​ຢ້ານກົວ
ຊາວຕ່າງປະເທດ.” ກຸ່ມ​ດັ່ງກ່າວ​ໄດ້​ຮຽກຮ້ອງ​ໃຫ້ຂໍ​ຂະ​ມາ​ໂທດແລະ​ຖອນ​ຄວາມ​ເວົ້າຄືນ.

ບັນດາ​ນັກ​ການ​ທູດ​ຫຼາຍ​ຄົນ​ຜູ້​ທີ່​ໄດ້​ເຂົ້າ​ຮ່ວມ​ກອງ​ປະຊຸມ​ສະຫະ​ປະຊາ​ຊາດກ່າວ​ວ່າ ​
ໄດ້ມີສະ​ໜີແນະໃນລະຫວ່າງ​ການ​ພົບ​ປະ​ກັບ​ທ່ານ​ນາງເຮ​ລີ​ ໃຫ້​ປະທານາ ທິບໍດີ​ທຣໍາ
ສົ່ງ​ສານ​ໄປ​ຍັງກອງ​ປະຊຸມ​ສຸດ​ຍອດ ບັນດາ​ຜູ້ນຳ​ອາ​ຟຣິກາ ທີ່​ຈະ​ມີ​ຂຶ້ນ​ຢູ່​ນະຄອນອາ​
ດິສ ອາ​ບາ​ບາ ​ໃນ​ວັນ​ທີ 28 ​ຫາ 29 ​ເດືອນມັງກອນ​ຈະ​ມາ​ເຖິງ​ນີ້.

ທ່ານ​ນດົງ ແອັມບາ ກ່າວ​ວ່າ ການ​ພົບປະ​ກັບ​ທ່ານ​ນາງ​ເຮ​ລີ ​ໄດ້​ມີຂຶ້ນພາຍໃຕ້ບັນຍາ
ກາດທີ່​ “ເປັນມິດ” ​ແລະ “ກົງ​ໄປ​ກົງ​ມາ​ທີ່​ສຸດ.”

ປະທານາທິບໍດີ​ທຣໍາ ​ມີ​ລາຍ​ງານວ່າ ໄດ້ໃຫ້ຄວາມເຫັນ​ດັ່ງກ່າວ​ຢູ່ທີ່ກອງ​ປະຊຸມ​ໃນ​ທຳ
ນຽບຂາວກ່ຽວກັບ​ຄົນ​ເຂົ້າ​ເມືອງ ເມື່ອອາທິດ​ແລ້ວ​ນີ້. ມີລາຍ​ງານ​ວ່າທ່ານ ໄດ້ກ່າວອ້າງ
​ເຖິງ​ຄົນພວກ​ເຂົ້າ​ເມືອງ​ຈາກ​ເຮ​ຕີ ​ແອ​ລຊາລ​ວາ​ດໍ ​ແລະ​ອາ​ຟຣິກາ ວ່າ ​ມາ​ຈາກ​ບັນດາ
ປະ​ເທດ “ຮູ ຂ.”

ອີງ​ຕາມ​ບາງຄົນທີ່​ຢູ່​ໃນ​ຫ້ອງ​ປະ​ຊຸມ ປະທານາທິບໍດີ​ກ່າວ​ວ່າ ທ່ານ​ຕ້ອງການ​ໃຫ້​ສະຫະ
ລັດ ມີ​ຄົນ​ເຂົ້າ​ເມືອງ ​ມາຈາກປະເທດຕ່າງໆ ຄື​ກັນກັບນໍ​ເວ. ທ່ານ​ຍັງ​ໄດ້​ກ່າວ​ວ່າ ທ່ານ​ບໍ່ຕ້ອງການໃຫ້​ເຮ​ຕີ​ ຮ່ວມ​ຢູ່ໃນຂໍ້​ຕົກລົງ​ປະຕິ​ຮູບ​ຄົນ​ເຂົ້າ​ເມືອງ.

ປະທານາທິບໍດີ​ທຣໍາ ​ແລະ​ບັນດາ​ນັກ​ການ​ເ​ມື​ອງຫຼາຍ​ຄົນ ​ທີ່​ໄດ້​ເຂົ້າ​ຮ່ວມປະຊຸມ ບ່ອນ​ທີ່​
ມີ​ລາຍ​ງານວ່າທ່ານໄດ້ໃຫ້ຄວາມ​ເຫັນນັ້ນ ບັດ​ນີ້​ໄດ້​ປະຕິ​ເສດ​ວ່າ ປະທາ ນາທິບໍດີ​ ບໍ່​ໄດ້
ເວົ້າ​ເລື່ອງ​ດັ່ງກ່າວ.

​ໃນຂະນະ​ດຽວ​ກັນ ອະດີດ​ເອກ​ອັກຄະ​ລັດຖະທູດ​ສະຫະລັດປະຈຳ​ປະ​ເທດ​ອາ​ຟຣິກາ 78
ຄົນ ​ໄດ້​ສົ່ງ​ໜັງສື​ສະບັບ​ນຶ່ງ​ໄປ​ຍັງ​ທຳນຽບຂາວ ກ່າວເຖິງ “ຄວາມ​ເປັນ​ຫ່ວງ​ຢ່າງ​ເລິກ​ເຊິ່ງ” ໃນການໃຫ້ຄວາມເຫັນທີ່​ບໍ່​ສຸພາບ​ຂອງ​ປະທານາທິບໍ​ດີ ກ່ຽວ​ກັບ​ທະວີບອາ​ຟຣິກາ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG