ສະພາຄວາມໝັ້ນຄົງສະຫະປະຊາຊາດ ໄດ້ແນເປົ້າໝາຍ ໃສ່
ເລື້ອງເງິນທຶນ ເພື່ອມາສະໜັບສະໜຸນການເຮັດສົງຄາມຂອງ
ກຸ່ມທີ່ປະກາດຕົນເອງວ່າ ເປັນກຸ່ມລັດອິສລາມ ໃນວັນພະຫັດ
ວານນີ້ ໂດຍຮັບຮອງເອົາມະຕິສະບັບນຶ່ງ ດ້ວຍຄະແນນສຽງ
ອັນຖ້ວມລົ້ນເພື່ອເສີມຄວາມເຂັ້ມແຂງແລະະຂະຫຍາຍມາດ
ຕະການ ທີ່ຈະຕັດການສົ່ງທຶນຮອນ ໄປຊ່ວຍກຸ່ມກໍ່ການຮ້າຍ
ດັ່ງກ່າວ.
ລັດຖະມົນຕີການເງິນ ສະຫະລັດ ທ່ານ Jacob Lew ຜູ້ເປັນ
ປະທານກອງປະຊຸມບັນດາລັດຖະມົນຕີການເງິນຂອງສະພາ
ຄວາມໝັ້ນຄົງ ແບບທີ່ບໍ່ເຄີຍມີມາກ່ອນ ກ່າວວ່າ “ກຸ່ມ ISIL
ເປັນເປົ້າໝາຍທ້າທາຍ ດ້ານການເງິນ ໃນຂະນະທີ່ພວກເຮົາ ກຳລັງສ້າງຄວາມກ້າວໜ້າ
ເພື່ອ ໃຫ້ກຸ່ມ ISIL ໂດດດ່ຽວທາງດ້ານການເງິນນັ້ນ ຖ້າຫາກວ່າພວກເຮົາຈະສຳເລັດໄດ້
ພວກເຮົາ ທັງໝົດຕ້ອງເພີ້ມຄວາມພະຍາຍາມຢ່າງສຸດຂີດດ້ວຍຕົວເຮົາເອງແລະຮ່ວມກັນ
ຢູ່ໃນລະດັບສາກົນ.”
ISIL ແລະ ISIS ແມ່ນຊື່ຫຍໍ້ ຂອງກຸ່ມລັດອິສລາມ.
ທ່ານ Je-Yoon Shin ປະທານກຳມະການດ້ານການເງິນ ຊຶ່ງເປັນຄະນະກຳມະການກຳນົດນະໂຍບາຍສາກົນ ກ່າວວ່າ “ກຸ່ມ ISIL ຕ້ອງການເງິນຫລາຍກວ່າກຸ່ມກໍ່ການຮ້າຍອຶ່ນໆ. ເງິນເປັນສິ່ງສຳຄັນທີ່ສຸດສຳລັບກຸ່ມດັ່ງກ່າວ. ການປ້ອງກັນ ແລະການລົບກວນການຫລັ່ງໄຫລດ້ານການເງິນ ຕ້ອງຢູ່ໃນໃຈກາງ ຂອງຍຸດທະສາດໃນຄວາມສຳເລັດໃດໆ ເພື່ອເອົາຊະນະກຸ່ມດັ່ງກ່າວ.”
ນອກນັ້ນ ທ່ານຍັງໄດ້ໃຫ້ຂໍ້ສັງເກດເຖິງຄວາມສຳຄັນ ໃນການສືບລັບດ້ານການເງິນ ທີ່ເປີດເຜີຍໃຫ້ຮູ້ເຖິງໂຄງສ້າງ ຂອງບັນດາກຸ່ມກໍ່ການຮ້າຍ ກິດຈະການຕ່່າງໆຂອງກຸ່ມກໍ່ການຮ້າຍແຕ່ລະກຸ່ມ ແລະຕາໜ່າງ ໃນດ້ານພະລາທິການແລະການອຳນວຍຄວາມສະດວກ.
ກຸ່ມດັ່ງກ່າວ ໄດ້ຮັບເງິນສ່ວນໃຫຍ່ ທີ່ກະປະມານວ່າ 500 ລ້ານໂດລາ ຈົນເຖິງເທົ້າປັດຈຸບັນ ຈາກການຂາຍນໍ້າມັນໃນຕະຫລາດມືດ. ມັນຍັງມີການລັກລອບຄ້າຂາຍວັດຖຸໂບຮານ ການຂູ່ເຂັນເອົາເງິນ ແລະຮຽກຄ່າໄຖ່ຈາກພວກໂຕປະກັນ.
ການປະຊຸມໃນວັນພະຫັດວານນີ້ແມ່ນເປັນເທຶຶ່ອທຳອິດ ຂອງບັນດາລັດ ຖະມົນຕີການເງິນ ທີ່ນັ່ງຢູ່ໂຕະສະພາ ແລະລົງຄະແນນສຽງ. ເຂົາເຈົ້າໄດ້ເຫັນພ້ອມດ້ວຍຄະແນນສຽງອັນຖ້ວມລົ້ນຮັບເອົາ ກ່ຽວກັບມະຕິທີ່ຍືດ ຍາວ ແລະລາຍລະອຽດດ້ານເທັກນິກ ທີ່ຂະຫຍາຍຂອບການລົງໂທດໃນປັດຈຸບັນ ທີ່ມີຢູ່ແລ້ວ ຕໍ່ກຸ່ມ al-Qaida ນັ້ນເພື່ອເພັ່ງເລັງໃສ່ກຸ່ມລັດອິສລາມ.
