ຫົວໜ້າອົງການຊ່ວຍເຫຼືອສະຫະປະຊາຊາດ ໄດ້ເຕືອນໃນວັນອັງຄານວານນີ້ວ່າ ການ
ຊ່ວຍເຫຼືອດ້ານມະນຸດສະທຳ ກຳລັງເສຍໄຊ ໃນການຕໍ່ຕ້ານກັບຄວາມອຶດຢາກຢູ່ໃນ
ເຢເມນ ແລະອີກ 14 ລ້ານຄົນໃນບໍ່ຊ້ານີ້ ອາດຈະຕົກຢູ່ໃນຄວາມສ່ຽງຕໍ່ການອຶດຫິວ.
ທ່ານມາກ ໂລຄັອກ ກ່າວຢູ່ກອງປະຊຸມສະພາຄວາມໝັ້ນຄົງສະຫະປະຊາຊາດ ວ່າ
“ບັດນີ້ເປັນທີ່ຈະແຈ້ງ ແລະໄພອັນຕະລາຍທີ່ຈະເກີດຂຶ້ນໃນທຸກເວລາ ແລະຄວາມ
ອຶດຢາກຂະໜາດໃຫຍ່ຈະມີຂຶ້ນຢູ່ໃນເຢເມນ. ໃຫຍ່ໄປກວ່າທີ່ພວກນັກວິຊາການ
ໃດໆຢູ່ໃນຂະແໜງການດັ່ງກ່າວ ເຄີຍໄດ້ເຫັນຢູ່ໃນການປະຕິບັດງານໃນຊີວິດຂອງ
ເຂົາເຈົ້າ.”
ທ່ານໂລຄັອກ ໄດ້ເຕືອນກ່ອນໜ້ານີ້ ເຖິງຄວາມສ່ຽງໃນການທີ່ຈະເກີດຄວາມອຶດຢາກ
ສອງຄັ້ງມາແລ້ວ ໃນປີ 2017 ແຕ່ລະດັບຄວາມສຳຄັນໄດ້ເພີ້ມຂຶ້ນ ຂອງການສະໜອງຕອບດ້ານມະນຸດສະທຳ ແລະຍຸຕິການປິດລ້ອມຂອງກຳລັງແນວ ໂຮມພາຍໃຕ້ນຳພາ
ຂອງຊາອຸດີ ທີ່ຂັດຂວາງ ບໍ່ໃຫ້ສົ່ງການຊ່ວຍເຫຼືອໄປໃຫ້ເຢເມນ ເພື່ອຫລີກລ່ຽງເຫດ
ການຮ້າຍແຮງທີ່ຈະຕິດຕາມມາ.
ທ່ານໂລຄັອກ ກ່າວວ່າ “ອັນທີ່ຂ້າພະເຈົ້າບອກທ່ານມື້ນີ້ກໍຄືສະພາບການບັດນີ້ເປັນ
ໜ້າວິຕົກຫຼາຍຂຶ້ນກວ່າທັງສອງໂອກາດທີ່ຜ່ານມາ.”
ທ່ານກ່າວວ່າ ການຊັງຊາຂອງອົງການສະຫະປະຊາຊາດໃນເດືອນກັນຍາທີ່ຜ່ານມາ
ເຫັນວ່າ ປະມານ 11 ລ້ານຄົນອາດຕົກຢູ່ໃນຄວາມສ່ຽງນັ້ນ ເປັນທີ່ຜິດພາດ ແລະໄດ້
ດັດແປງການທົບທວນ ເຮັດໃຫ້ຈຳນວນໂຕເລກທີ່ແທ້ຈິງ ສູງຢ່າງຫຼວງຫຼາຍ.
ທ່ານໂລຄັອກ ກ່າວຕໍ່ສະພາຄວາມໝັ້ນຄົງວ່າ “ການຊັ່ງຊາທີ່ໄດ້ດັດແປງຄືນໃໝ່
ຂອງພວກເຮົາ ເປັນຜົນມາຈາກການປະຕິບັດງານສຳຫຼວດ ແລະວິເຄາະໃໝ່ ທີ່ວ່າ
ຈຳນວນປະຊາຊົນທັງໝົດ ກຳລັງປະເຊີນໜ້າກ່ອນສະພາບຄວາມອຶດຢາກ ໝາຍ
ຄວາມວ່າເຂົາເຈົ້າທັງໝົດພາກັນກາງຕໍ່ການຊ່ວຍເຫຼືອຈາກພາຍນອກທີ່ຈະລອດ
ຊີວິດໄດ້ ໃນບໍ່ຊ້ານີ້ ອາດຈະເຖິງບໍ່ແມ່ນ 11 ລ້ານຄົນແຕ່ແມ່ນ 14 ລ້ານ ຄົນ. ນັ້ນ
ແມ່ນເຄິ່ງນຶ່ງຂອງຈຳນວນພົນລະເມືອງຂອງປະເທດ.”
ປັດຈຸບັນນີ້ອົງການສະຫະປະຊາຊາດ ແລະບັນດາອົງການຮ່ວມງານໄດ້ເຂົ້າໄປເຖິງ
8 ລ້ານຄົນ ແຕ່ລະເດືອນຢູ່ໃນທຸກໆເຂດຂອງປະເທດດ້ວຍການຊ່ວຍເຫຼືອທີ່ສຳຄັນ.
ການປະຕິບັດງານບັນເທົາທຸກທີ່ໃຫຍ່ທີ່ສຸດຢູ່ໃນໂລກແລະມີມູນຄ່າ 3 ພັນລ້ານໂດ
ລາສຳລັບປີນີ້ ອັນທີ່ອົງການສະຫະປະຊາຊາດໄດ້ຮັບແມ່ນ 2 ພັນລ້ານໂດລາ ຈາກ
ບັນດາຜູ້ບໍລິຈາກ. ທ່ານໂລຄັອກໄດ້ສະແດງຄວາມເປັນຫ່ວງ ວ່າ ການປະຕິບັດ
ງານອາດຈະບໍ່ທົ່ວເຖິງຖ້າຈຳນວນຜູ້ຕ້ອງການຄວາມຊ່ວຍເຫຼືອຍັງເພີ້ມຂຶ້ນເລື້ອຍໆ.
