ໂຄສົກກອງທັບ ຢູເຄຣນ ກ່າວວ່າ ທະຫານ 9 ຄົນໄດ້ເສຍຊີວິດ
ແລະ 29 ຄົນໄດ້ຮັບບາດເຈັບ ໃນການສູ້ລົບກັນທີ່ຍັງດຳເນີີນ
ຕໍ່ມາ ໃນພາກຕາເວັນອອກຂອງຢູເຄຣນ ໃນວັນຈັນວານນີ້ ໃນ
ຂະນະທີ່ ຫົວໜ້າການເມືອງສະຫະປະຊາຊາດ ໄດ້ສະແດງ
ຄວາມເປັນຫ່ວງວ່າ ການເພີ້ມທະວີຂຶ້ນ ຂອງບັນຫາຂັດແຍ້ງ
ໄດ້ລະມີດຕໍ່ກົດໝາຍມະນຸດສະທຳ.
ໂຄສົກກອງທັບ ທ່ານ Vladislav Seleznyov ກ່າວວ່າ ການ
ສູ້ລົບໄດ້ດຳ ເນີນໄປຢ່າງດຸເດືອດທີ່ສຸດ ໃກ້ກັບເມືອງຍຸດທະ
ສາດ Debaltseve ທາງພາກຕາເວັນອອກສຽງເໜືອ ຂອງ
ເມືອງ Donetsk ທີ່ຄວບຄຸມໂດຍພວກກະບົດ.
ຮອງເລຂາທິການດ້ານການເມືອງ ສະຫະປະຊາຊາດ ທ່ານ Jeffrey Feltman ກ່າວຕໍ່
ກອງປະຊຸມສຸກເສີນ ສະພາຄວາມໝັ້ນຄົງ ສະຫະປະຊາຊາດ ໃນວັນຈັນວານນີ້ວ່າ ການ
ຍິງປືນໃຫຍ່ຖະຫລົ່ມໃນວັນເສົາທີ່ຜ່ານມາ ໃສ່ທີ່ໝັ້ນລັດຖະບານ ໃນເມືອງທ່າ Mariupol
ແມ່ນມາຈາກເຂດທີ່ໝັ້ນຂອງພວກກະບົດ ແລະຮູ້ດີວ່າເຂດທີ່ແນເປົ້າໝາຍໃສ່ນັ້ນ ເປັນ
ບ່ອນຢູ່ຂອງພົນລະເຮືອນ.
ທ່ານຍັງໄດ້ຮຽກຮ້ອງໃຫ້ ຣັດເຊຍ ໃຊ້ອິດທິພົນຂອງຕົນຕໍ່ພວກກະບົດແບ່ງແຍກດິນແດນ
ເພື່ອໃຫ້ຢຸດເຊົາການເປັນປໍລະປັກ.
ເອກອັກຄະລັດຖະທູດ ສະຫະລັດ ປະຈຳ ສະຫະປະຊາຊາດ ທ່ານນາງ Samantha
Power ໄດ້ກ່າວຫາ ຣັດເຊຍວ່າ ພະຍາຍາມຍຶດເອົາດິນແດນ ຕື່ມຂື້ນ ແລະກ່າວວ່າ ຣັດ
ເຊຍກຳລັງພະຍາຍາມ “ຫລີ້ນຕົບຕາປະຊາຄົມນາໆຊາດ” ໂດຍຖິ້ມໂທດການເພີ້ມທະວີ
ຂຶ້ນຂອງຄວາມຮຸນແຮງ ໃສ່ລັດຖະບານ ຢູເຄຣນ.
ໃນເຊົ້າວັນຈັນວານນີ້ ເລຂາທິການໃຫຍ່ອົງການ NATO ທ່ານ Jens Stolleberg ໄດ້
ປະນາມໃນອັນທີ່ທ່ານຮ້ອງວ່າ “ການເພີ້ມທະວີຄວາມຮຸນແຮງຂຶ້ນ” ໂດຍພວກແບ່ງແຍກ
ດິນແດນທີ່ໄດ້ຮັບການໜຸນຫລັງຈາກຣັດເຊຍ ໃນພາກຕາເວັນອອກຂອງຢູເຄຣນ ແລະ
ບໍ່ໄດ້ໃຫ້ຄວາມສຳຄັນຕໍ່ການກ່າວອ້າງຂອງປະ ທານາທິບໍດີຣັດເຊຍ ທ່ານ Vladimir
Putin ທີ່ເວົ້າວ່າ ທະຫານຢູເຄຣນ “ເປັນກອງທະການອົງການ NATO.”
