ບັນດາເຈົ້າໜ້າທີ່ກອງທັບຢູເຄຣນ ກ່າວວ່າ ທະຫານ 8 ຄົນໄດ້
ເສຍຊີວິດແລະ 34 ຄົນໄດ້ຮັບບາດເຈັບຈາກການສູ້ລົບຢູ່ທາງ
ພາກຕາເວັນອອກຂອງຢູເຄຣນ ໃນຮອບ 24 ຊົ່ວໂມງຜ່ານມາ
ທັງໆທີ່ປະເທດດັ່ງກ່າວ ໄດ້ບັນລຸການຕົກລົງຢຸດຍິງກັນໃນວັນ
ພະຫັດວານນີ້ ແຕ່ຍັງບໍ່ທັນມີຜົນບັງຄັບໃຊ້ເທື່ອ.
ບັນດາເຈົ້າໜ້າທີ່ກອງທັບຢູເຄຣນ ກ່າວວ່າ ການສູ້ລົບກັນ ແມ່ນ
ດຸເດືອດເປັນພິເສດ ຢູ່ອ້ອມແອ້ມ ເມືອງ Debaltseve ຊຶ່ງເປັນ
ສູນກາງການຂົນສົ່ງສຳຄັນທີ່ໄດ້ກາຍມາເປັນບ່ອນຕໍ່ສູ້ຍາດແຍ່ງ
ກັນຢ່າງຮ້າຍແຮງ ໃນໄລຍະບໍ່ເທົ່າໃດວັນທີ່ຜ່ານມານີ້.
ບັນດາຜູ້ນຳຂອງຢູເຄຣນ ຣັດເຊຍ ເຢຍຣະມັນ ແລະ ຝຣັ່ງ ໄດ້ເຊັນຂໍ້ຕົກລົງທີ່ນະຄອນ
ຫລວງ Minsk ຂອງ ປະເທດ Belarus ຫລັງຈາກໄດ້ເຈລະຈາກັນເປັນເວລາ 16 ຊົ່ວໂມງ.
ພວກທ່ານໄດ້ປະກາດກ່ຽວກັບການຖອນກຳລັງສູ້ລົບອອກຈາກເຂດແນວໜ້າ ໃກ້ກັບຊາຍ
ແດນຣັດເຊຍ ແລກປ່ຽນພວກຊະເລີຍ ແລະຢຸດຍິງທີ່ກຳນົດຈະເລີ້ມຂຶ້ນໃນວັນອາທິດຈະມາເຖິງນີ້.
ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon ໄດ້ສັນລະເສີນ ການດຳເນີນ
ຄວາມພະຍາຍາມຂອງຜູ້ນຳທັງສີ່ ເພື່ອຍຸດຕິການລຸຮືຂື້ນຂອງ ພວກກະບົດແບ່ງແຍກດິນ
ແດນນິຍົມຣັດເຊຍ ຢູ່ໃນພາກຕາເວັນອອກຢູເຄຣນ ໂດຍກ່າວວ່າ ທ່ານຫວັງວ່າ ຂໍ້ຕົກລົງ
ຢຸດຍິງນີ້ຈະໄດ້ຮັບການເຄົາລົບຈາກໝົດ ທຸກຝ່າຍກ່ຽວຂ້ອງ.
ພວກຜູ້ນຳ ບັນລຸຂໍ້ຕົກລົງ ຢຸດຍິງ ໃນ ຢູເຄຣນ
ປະທານນາທິບໍດີຝຣັ່ງ ທ່ານ Francois Hollande ກ່່າວວ່າ ຂໍ້ຕົກລົງດັ່ງກ່າວ ຖ້າຫາກ
ໄດ້ຮັບການເຄົາລົບແລ້ວ ຈະທໍ່ກັນກັບ “ການແກ້ໄຂທາງການເມືອງຢ່າງຮອບດ້ານ” ໃນ
ຂະນະທີ່ນາຍົກລັດຖະມົນຕີ ທ່ານນາງ Angelena Merkel ກ່າວວ່າ ມັນໄດ້ໃຫ້ “ວີ່ແວວ
ແຫ່ງຄວາມຫວັງ.” ທ່ານນາງຍັງກ່າວອີກວ່າ “ພວກເຮົາບໍ່ໄດ້ຫຼອກຕົນເອງ” ແລະນັ້ນຍັງ
ມີວຽກງານອີກຫລາຍຢ່າງທີ່ຍັງຕ້ອງໄດ້ປະ ຕິບັດ ເພື່ອໃຫ້ມີສັນຕິພາບຢ່າງຖາວອນ.
ສະຫະລັດ ໄດ້ປຶກສາຫາລືກັບ ບັນດາພັນທະມິດ ແຕ່ບໍ່ໄດ້ເຂົ້າຮ່ວມຢູ່ໃນກອງປະຊຸມສຸດ
ຍຸດ ທີ່ນະຄອນ Minsk. ທຳນຽບຂາວ ຮ້ອງຂໍ້ຕົກລົງນີ້ວ່າ ອາດ ເປັນບາດກ້າວອັນສຳຄັນ
ໄປສູ່ການສີ້ນສຸດລົງຂອງບັນຫາຂັດແຍ້ງດ້ວຍຄວາມ ສັນຕິ.
