ລັດຖະມົນຕີກະຊວງພາຍໃນຢູເຄຣນ ກ່າວວ່າ ພວກຫົວແບ່ງ
ແຍກທີ່ນິຍົມຣັດເຊຍ ຢ່າງໜ້ອຍ 3 ຄົນເສຍຊີວິດ ແລະ 13
ຄົນ ໄດ້ຮັບບາດເຈັບ ໃນການປະທະກັນບັ້ນນຶ່ງ ກັບໜ່ວຍ
ທະຫານຍາມແຫ່ງຊາດ ທີ່ຖານທັບແຫ່ງນຶ່ງໃນ ເມືອງ
Mariupol ຂອງຢູເຄຣນ.
ທ່ານ Arsen Avakov ກ່າວວ່າ ພວກຫົວແບ່ງແຍກດິນແດນ
ໄດ້ທຳການໂຈມຕີຖານທັບດັ່ງກ່າວ ດ້ວຍລະເບີດມື ແລະລະ
ເບີດນ້ຳມັນເຊື້ອໄຟ. ທ່ານກ່າວຕໍ່ໄປວ່າ ພວກທະຫານໄດ້ປົດ
ອາວຸດພວກໂຈມຕີສ່ວນຫຼາຍ ແລະຈັບກຸມ 63 ຄົນ.
ເຫດການດັ່ງກ່າວເກີດຂຶ້ນ ໃນຂະນະທີ່ພວກລັດຖະມົນຕີຕ່າງປະເທດຂອງຣັດເຊຍ
ແລະຢູເຄຣນ ຕຽມທີ່ຈະໄປຮ່ວມການເຈລະຈາສຸກເສີນ ທີ່ນະຄອນເຈນີວາ ກັບລັດ
ຖະມົນຕ່າງປະເທດສະຫະລັດ ທ່ານ John Kerry ແລະທ່ານນາງ Catherine
Ashton ຫົວໜ້ານະໂຍບາຍຕ່າງປະເທດ ຂອງສະຫະພາບຢູໂຣບ.
ໂຄສົກປະຈຳທຳນຽບຂາວກ່າວວ່າ ທ່ານ Kerry ຈະຊອກຫາຮ່ອງຮອຍ ທີ່ສະແດງວ່າ
ຣັດເຊຍມີຄວາມຈິງຈັງກ່ຽວກັບການລົດຜ່ອນຄວາມເຄັ່ງຕຶງລົງ ໃນຢູເຄຣນນັ້ນ.
ປະທານາທິບໍດີຣັດເຊຍ ທ່ານ Vladimir Putin ກ່າວຢູ່ໃນລາຍການໂທເຂົ້າຫາ
ໂທລະພາບ ໃນວັນພະຫັດມື້ນີ້ວ່າ ການໂອ້ລົມສົນທະນາກັນທີ່ນະຄອນ Geneva
ແມ່ນສຳຄັນແທ້ໆ ເພື່ອຊອກຫາການປະນີປະນອມກັນ ໃນຢູເຄຣນນັ້ນ.
ທ່ານ Putin ກ່າວວ່າ ການດຳເນີນຂັ້ນຕອນປະຊາທິປະໄຕແມ່ນເປັນຊ່ອງທາງ
ດຽວເທົ່ານັ້ນ ທີ່ນຳຄວາມເປັນລະບຽບຮຽບຮ້ອຍ ຄືນມາສູ່ປະເທດ. ແລະທ່ານ
ເວົ້າວ່າ ການຄຶດວ່າ ມີໜ່ວຍທະຫານຂອງຣັດເຊຍຢູ່ໃນຢູເຄຣນນັ້ນ ເປັນເລື້ອງ
“ໄຮ້ສາລະ” ແລະວ່າ ການເຄື່ອນໄຫວຕ່າງໆທັງໝົດຂອງພວກຫົວແບ່ງແຍກ
ແມ່ນການກະທຳຂອງປະຊາຊົນທ້ອງຖິ່ນ.
ທ່ານນາງ Samantha Power ເອກອັກຄະລັດຖະທູດສະຫະລັດປະຈຳສະຫະ
ປະຊາຊາດ ໄດ້ກ່າວຕໍ່ກອງປະຊຸມສະພາຄວາມໝັ້ນຄົງສະຫະປະຊາຊາດ ໃນ
ວັນພຸດວານນີ້ວ່າ ມີຫຼັກຖານຢ່າງຫຼວງຫຼາຍຂອງການພົວພັນຂອງຣັດເຊຍໃນ
ຄວາມວຸ້ນວາຍຢູ່ໃນພາກຕາເວັນອອກຂອງຢູເຄຣນນັ້ນ ຊຶ່ງທ່ານນາງເອີ້ນວ່າ
ເປັນການປຸກລະດົມແບບມືອາຊີບ ທີ່ພ້ອມພຽງກັນ ເພື່ອຍຸຍົງແລະກໍ່ວິນາດສະກຳ.
ມົສກູ ກ່າວວ່າ ຕົນມີສິດທີ່ຈະປົກປ້ອງພວກປະຊາຊົນ ທີ່ປາກພາສາຣັດເຊຍໃນ
ຢູເຄຣນ ແລະກ່າວຫາຄະນະນຳພາໃໝ່ຂອງຢູເຄຣນ ວ່າຕໍ່ຕ້ານຣັດເຊຍແລະຕໍ່
ຕ້ານຊາວຢີວ ແລະຂົ່ມຂູ່ສິດທິຂອງພວກປະຊາຊົນ ທີ່ນິຍົມຣັດເຊຍ.
ແຍກທີ່ນິຍົມຣັດເຊຍ ຢ່າງໜ້ອຍ 3 ຄົນເສຍຊີວິດ ແລະ 13
ຄົນ ໄດ້ຮັບບາດເຈັບ ໃນການປະທະກັນບັ້ນນຶ່ງ ກັບໜ່ວຍ
ທະຫານຍາມແຫ່ງຊາດ ທີ່ຖານທັບແຫ່ງນຶ່ງໃນ ເມືອງ
Mariupol ຂອງຢູເຄຣນ.
ທ່ານ Arsen Avakov ກ່າວວ່າ ພວກຫົວແບ່ງແຍກດິນແດນ
ໄດ້ທຳການໂຈມຕີຖານທັບດັ່ງກ່າວ ດ້ວຍລະເບີດມື ແລະລະ
ເບີດນ້ຳມັນເຊື້ອໄຟ. ທ່ານກ່າວຕໍ່ໄປວ່າ ພວກທະຫານໄດ້ປົດ
ອາວຸດພວກໂຈມຕີສ່ວນຫຼາຍ ແລະຈັບກຸມ 63 ຄົນ.
ເຫດການດັ່ງກ່າວເກີດຂຶ້ນ ໃນຂະນະທີ່ພວກລັດຖະມົນຕີຕ່າງປະເທດຂອງຣັດເຊຍ
ແລະຢູເຄຣນ ຕຽມທີ່ຈະໄປຮ່ວມການເຈລະຈາສຸກເສີນ ທີ່ນະຄອນເຈນີວາ ກັບລັດ
ຖະມົນຕ່າງປະເທດສະຫະລັດ ທ່ານ John Kerry ແລະທ່ານນາງ Catherine
Ashton ຫົວໜ້ານະໂຍບາຍຕ່າງປະເທດ ຂອງສະຫະພາບຢູໂຣບ.
ໂຄສົກປະຈຳທຳນຽບຂາວກ່າວວ່າ ທ່ານ Kerry ຈະຊອກຫາຮ່ອງຮອຍ ທີ່ສະແດງວ່າ
ຣັດເຊຍມີຄວາມຈິງຈັງກ່ຽວກັບການລົດຜ່ອນຄວາມເຄັ່ງຕຶງລົງ ໃນຢູເຄຣນນັ້ນ.
ປະທານາທິບໍດີຣັດເຊຍ ທ່ານ Vladimir Putin ກ່າວຢູ່ໃນລາຍການໂທເຂົ້າຫາ
ໂທລະພາບ ໃນວັນພະຫັດມື້ນີ້ວ່າ ການໂອ້ລົມສົນທະນາກັນທີ່ນະຄອນ Geneva
ແມ່ນສຳຄັນແທ້ໆ ເພື່ອຊອກຫາການປະນີປະນອມກັນ ໃນຢູເຄຣນນັ້ນ.
ທ່ານ Putin ກ່າວວ່າ ການດຳເນີນຂັ້ນຕອນປະຊາທິປະໄຕແມ່ນເປັນຊ່ອງທາງ
ດຽວເທົ່ານັ້ນ ທີ່ນຳຄວາມເປັນລະບຽບຮຽບຮ້ອຍ ຄືນມາສູ່ປະເທດ. ແລະທ່ານ
ເວົ້າວ່າ ການຄຶດວ່າ ມີໜ່ວຍທະຫານຂອງຣັດເຊຍຢູ່ໃນຢູເຄຣນນັ້ນ ເປັນເລື້ອງ
“ໄຮ້ສາລະ” ແລະວ່າ ການເຄື່ອນໄຫວຕ່າງໆທັງໝົດຂອງພວກຫົວແບ່ງແຍກ
ແມ່ນການກະທຳຂອງປະຊາຊົນທ້ອງຖິ່ນ.
ທ່ານນາງ Samantha Power ເອກອັກຄະລັດຖະທູດສະຫະລັດປະຈຳສະຫະ
ປະຊາຊາດ ໄດ້ກ່າວຕໍ່ກອງປະຊຸມສະພາຄວາມໝັ້ນຄົງສະຫະປະຊາຊາດ ໃນ
ວັນພຸດວານນີ້ວ່າ ມີຫຼັກຖານຢ່າງຫຼວງຫຼາຍຂອງການພົວພັນຂອງຣັດເຊຍໃນ
ຄວາມວຸ້ນວາຍຢູ່ໃນພາກຕາເວັນອອກຂອງຢູເຄຣນນັ້ນ ຊຶ່ງທ່ານນາງເອີ້ນວ່າ
ເປັນການປຸກລະດົມແບບມືອາຊີບ ທີ່ພ້ອມພຽງກັນ ເພື່ອຍຸຍົງແລະກໍ່ວິນາດສະກຳ.
ມົສກູ ກ່າວວ່າ ຕົນມີສິດທີ່ຈະປົກປ້ອງພວກປະຊາຊົນ ທີ່ປາກພາສາຣັດເຊຍໃນ
ຢູເຄຣນ ແລະກ່າວຫາຄະນະນຳພາໃໝ່ຂອງຢູເຄຣນ ວ່າຕໍ່ຕ້ານຣັດເຊຍແລະຕໍ່
ຕ້ານຊາວຢີວ ແລະຂົ່ມຂູ່ສິດທິຂອງພວກປະຊາຊົນ ທີ່ນິຍົມຣັດເຊຍ.
