ລິ້ງ ສຳຫລັບເຂົ້າຫາ

logo-print

ຢູເຄຣນ ປ່ອຍ ພວກປະທ້ວງ ທີ່ຖືກຈັບ ຈຸສຸດທ້າຍ (ວີດີໂອ)


Ukraine
please wait
Embed

No media source currently available

0:00 0:00:23 0:00
ຢູເຄຣນ ໄດ້ປ່ອຍພວກປະທ້ວງຈຸສຸດທ້າຍຂອງຈຳນວນທັງໝົດ
243 ຄົນທີ່ຖືກຈັບ ນັບແຕ່ເລີ້ມ ມີການເດີນຂະບວນປະທ້ວງ ຕໍ່
ຕ້ານລັດຖະບານ ໃນເດືອນພະຈິກ ປີກາຍນີ້.

ການປ່ອຍ ພວກປະທ້ວງດັ່ງກ່າວ ແມ່ນສ່ວນນຶ່ງຂອງກົດໝາຍ
ທີ່ໄດ້ມີການຮັບຮອງເອົາ ໃນເດືອນແລ້ວນີ້ ເພື່ອໃຫ້ປ່ອຍພວກ
ເດີນຂະບວນທີ່ຖືກຕຳຫຼວດຈັບ ແຕ່ຂໍ້ຫາທາງອາຍາຈະຖືກຍົກ
ເລີກກໍຕໍ່ເມື່ອເວລາໃດ ພວກປະທ້ວງຢຸດເຊົາການຄວບຄຸມຕຶກ ໂຮງການຕ່າງໆຂອງລັດຖະບານເທົ່ານັ້ນ.

ພວກນັກເຄື່ອນໄຫວຝ່າຍຄ້ານ ກ່າວວ່າ ພວກເຂົາເຈົ້າຈະຢຸດ
ເຊົາວາງເຄື່ອງກີດຂວາງຕັນທາງເຂົ້າໄປຫາຕຶກໂຮງການຂອງລັດຖະບານທີ່ນະຄອນຫຼວງ Kyiv ແຕ່ບໍ່ໄດ້ກ່າວເຖິງວ່າເວລາໃດພວກເຂົາເຈົ້າຈຶ່ງຈະອອກໄປຈາກຕຶກໂຮງການເຫຼົ່ານີ້.

ທ່ານນາງ Marie Harf ໂຄສົກກະຊວງການຕ່າງປະເທດສະຫະລັດ ເອີ້ນການປ່ອຍພວກ
ປະທ້ວງດັ່ງກ່າວນີ້ວ່າ ເປັນບາດກ້າວສຳຄັນໄປສູ່ການຫຼຸດຜ່ອນຄວາມເຄັ່ງຕຶງໃນຢູເຄຣນ ແລະກ້າວໄປສູ່ການແກ້ໄຂຢ່າງສັນຕິຕໍ່ວິກິດການຂອງປະເທດ.

ການປະທ້ວງໃນທົ່ວປະເທດ ຕໍ່ຕ້ານປະທານາທິບໍດີ Viktor Yanukovych ລະເບີດຂຶ້ນ ໃນເດືອນພະຈິກຜ່ານມາ ເວລາທ່ານບໍ່ຍອມເຊັນ ຂໍ້ຕົກລົງການຄ້າກັບສະຫະພາບຢູໂຣບ ເພື່ອເຫັນແກ່ຄວາມສຳພັນທີ່ໃກ້ຊິດກັບຣັດເຊຍ.

ປະທານາທິບໍດີຣັດເຊຍ ທ່ານ Vladimir Putin ໄດ້ໃຫ້ຄຳໝັ້ນສັນຍາ ຕໍ່ຢູເຄຣນວ່າ ຈະ
ໃຫ້ການຊ່ອຍເຫຼືອມູນຄ່າ 15 ພັນລ້ານໂດລາເວລາລັດຖະບານຊຸດໃໝ່ຂອງຢູເຄຣນເຂົ້າ ຮັບໜ້າທີ່ ເຖິງແມ່ນວ່າ ຈະບໍລິຫານງານໂດຍພວກຝ່າຍຄ້ານກໍຕາມ.

ທ່ານອາດຈະມັກເລື້ອງນີ້ຄືກັນ

XS
SM
MD
LG