ລິ້ງ ສຳຫລັບເຂົ້າຫາ

ຢູເຄຣນ ຈະສືບຕໍ່ໍ ປະຕິບັດການ ທາງທະຫານ ໃນພາກຕາເວັນອອກ (ສະໄລດ໌/ວີດີໂອ)


ຢູ​ເຄຣນກ່າວ​ວ່າ ຕົນ​ຈະ​ສືບ​ຕໍ່​ທຳ​ຄວາມ​ກົດ​ດັນ ​ໂດຍ​ການ​
ບຸກລຸກ​ທາງ​ທະຫານ​ຂອງ​ຕົນ​ ຕໍ່​ພວກ​ຫົວ​ແບ່ງ​ແຍກ​ນິຍົມ
ຣັດ​ເຊຍ​ ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນ ​ໃນ​ຂະນະ​ທີ່​
ວັງ Kremlin ລາຍ​ງານ​ວ່າ ຕົນໄດ້​ຮັບການຮ້ອງ​ຂໍ​ຄວາມ
ຊ່ອຍ​ເຫຼືອ​ຈາກ​ປະຊາຊົນ​ຫຼາຍ​ພັນ​ຄົນ ​ຈາກຂົງ​ເຂດ​ທີ່ປະ
ຊາຊົນ ​ປາກ​ພາສາຣັດ​ເຊຍ​ນັ້ນ.

ລັດຖະມົນຕີ​ກະຊວງ​ພາຍ​ໃນ​ຢູ​ເຄຣນ ທ່ານ Arsen Avakov
ກ່າວ​ວ່າ ກອງທະຫານ​ຂອງ​ຢູ​ເຄຣນ​ໄດ້​ຍຶດ​ເອົາ​ຫໍຄອຍ​ໂທລະ
ພາບ​ແຫ່ງ​ນຶ່ງ​ແລະພວກ​ອາຄານ​ຂອງ​ລັດຖະບານ​ຫຼາຍ​ແຫ່ງ​
ຄືນ​ຈາກ​ພວກ​ກະບົດ​ໃນ​ເມືອງ Kramatorsk ທີ່​ຕັ້ງ​ຢູ່​ໃກ້ໆ​ກັບ
​ເມືອງ Slovyansk ທີ່​ໝັ້ນຂອງ​ພວກ​ຫົວ​ນິຍົມຣັດ​ເຊຍ​ນັ້ນ.

ທ່ານ Andrily Parubiy ຫົວໜ້າ​ສະພາຄວາມ​ໝັ້ນຄົງ​ແລະ​ປ້ອງກັນຊາດຂອງ​ຢູ​ເຄຣນ
ກ່າວ​ໃນ​ວັນ​ອາທິດ​ມື້​ນີ້​ວ່າ ການ​ອອກ​ປະຕິບັດ​ງານ​ຕໍ່ຕ້ານ​ພວກກໍ່​ການ​ຮ້າຍຈະ​ດຳ​ເນີນ
​ໄປ​ໃນ​ຫົວ​ເມືອງ​ຕ່າງໆ ​ນອກຈາກ​ເມືອງ Slovyansk ​ແລະ​ເມືອງ Kramatorsk ນັ້ນ.

ທີ່​ມົສກູ ​ໂຄສົກ​ປະຈຳ​ວັງ Kremlin ກ່າວ​ວ່າ ປະທານາທິບໍດີ Vladimir Putin ​ຍັງ​ບໍ່
​ທັນ​ໄດ້​ຕັດສິນ​ໃຈ​ເທື່ອ​ວ່າ ຈະ​ເຮັດ​ວິທີ​ໃດ​ເພື່ອ​ຕອບ​ໂຕ້​ຕໍ່​ການ​ບຸກ​ໂຈມ​ຕີ​ຂອງ​ຢູ​ເຄຣນ
ຫຼື​ຕໍ່​ການ​ຕາຍ​ຂອງ​ປະຊາ​ຊົນ ຢ່າງ​ໜ້ອຍ 42 ຄົນ ຊຶ່ງ​ສ່ວນ​ຫຼາຍ​ເປັນ​ພວກຫົວ​ນິຍົມ
ຣັດ​ເຊຍ ທີ່​ໄດ້​ເສຍ​ຊີວິດ​ໄປ​ໃນ​ການ​ສູ້​ລົບ​ກັນ ​ໃນ​ວັນ​ສຸກ​ຜ່ານ​ມາ​ນີ້ ທີ່​ເມືອງ​ທ່າ Odessa ນັ້ນ.

ປັດຈຸບັນ​ນີ້ ຣັດ​ເຊຍໄດ້​ລະດົມທະຫານ​ຢ່າງ​ໜ້ອຍ 40 ພັນ​ຄົນ ​ແລະ​ລົດ​ຫຸ້ມ​ເກາະ​
​ຢູ່​ເລາະ​ຕາມ​ຊາຍ​ແດນ​ຂອງ​ຕົນ ​ຕິດ​ກັບ​ຢູ​ເຄຣນ ​ແລະ​ວັງ Kremlin ກ່າວ​ວ່າ ຕົນ​ສະ
ຫງວນ​ສິດ​ທີ່​ຈະເຂົ້າ​ໄປ​ໃນ​ຢູ​ເຄຣນ ​ເພື່ອ​ປົກ​ປ້ອງ​ຊາວ​ພື້ນ​ເມືອງຣັດ​ເຊຍ ໃນ​ປະ​ເທດ
​ນັ້ນ.

ການປະຕິບັດການທາງທະຫານ ທາງພາກຕາເວັນອອກ ຂອງຢູເຄຣນ ພາໃຫ້ ຊາວນະຄອນ Kyiv ວິຕົກ ກ່ຽວກັບການເລືອກຕັ້ງ:
XS
SM
MD
LG