ບັນດາເຈົ້າໜ້າທີ່ ຢູເຄຣນ ໄດ້ກ່າວໃນວັນອັງຄານວານນີ້ວ່າ ການໂຈມຕີດ້ວຍລູກສອນໄຟຂອງ ຣັດເຊຍ ໄດ້ຕົກຖືກໃຈກາງເມືອງ ດິນິບໂປຣ, ເຮັດໃຫ້ຢ່າງໜ້ອຍ 7 ຄົນໄດ້ຮັບບາດເຈັບ.
ກອງທັບອາກາດຂອງ ຢູເຄຣນ ໄດ້ກ່າວວ່າເຂົາເຈົ້າໄດ້ຍິງລູກສອນໄຟນຳວິຖີ Iskander-K ສອງລູກຕົກໃນເຂດດັ່ງກ່າວ.
ທ່ານ ເຊີຮີ ລີແຊັກ, ຜູ້ປົກຄອງພາກພື້ນ, ໄດ້ກ່າວໃນ Telegram ວ່າຊາກຫັກພັງຈາກລູກສອນໄຟທີ່ຖືກຍິງຕົກໄດ້ສ້າງຄວາມເສຍຫາຍຕໍ່ຕຶກທີ່ຢູ່ອາໄສ ແລະ ໂຮງໝໍຫຼັງນຶ່ງ.
ກອງທັບຂອງ ຣັດເຊຍ ໄດ້ກ່າວໃນວັນອັງຄານມື້ນີ້ວ່າເຂົາເຈົ້າໄດ້ທຳລາຍໂດຣນ ຢູເຄຣນ ລຳນຶ່ງຢູ່ພາກພື້ນ ແບລໂກຣອດ.
ທ່ານ ເວຍເຊັສລາຟ ກລາດກອຟ, ຜູ້ປົກຄອງພາກພື້ນ ແບລໂກຣອດ, ໄດ້ກ່າວໃນ Telegram ວ່າ ຢູເຄຣນ ໄດ້ໃຊ້ໂດຣນ ຄາມິຄາເຊ ໃນການໂຈມຕີທີ່ຕົກຖືກລົດເກັງຄັນນຶ່ງໃນບ້ານ ຢາສນີ ໂຊຣີ, ແຕ່ບໍ່ໄດ້ເຮັດໃຫ້ຜູ້ໃດບາດເຈັບ.
ຟໍຣັມສະແດງຄວາມຄິດເຫັນ