ຣັດເຊຍ ແລະຢູເຄຣນ ໄດ້ເຊັນຂໍ້ຕົກລົງ ເພື່ອແກ້ໄຂບັນຫາຂັດ
ແຍ້ງກ່ຽວກັບເລື່ອງແກັສ. ບັນດານັກວິເຄາະກ່າວວ່າ ຂໍ້ຕົກລົງ
ທີ່ໄກ່ເກ່ຍໂດຍ ສະຫະພາບຢູໂຣບນີ້ ຈະຊ່ວຍບັນເທົາຄວາມ
ຢ້ານກົວຂອງ Kyiv ທີ່ວ່າ ຕົນອາດຈະບໍ່ມີແກັສພຽງພໍ ສະສົມ
ໄວ້ເພື່ອໃຫ້ຜ່ານພົ້ນລະດູໜາວທີ່ຈະມາເຖິງ. Henry Ridwell
ຜູ້ສື່ຂ່າວວີໂອເອ ມີລາຍງານເລື່ອງນີ້ຈາກນະຄອນລອນດອນ
ຊຶ່ງ ກິ່ງສະຫວັນຈະນຳເອົາລາຍລາຍລະອຽດ ມາສະເໜີທ່ານ.
ຫຼັງຈາກທີ່ໄດ້ມີການເຈລະຈາກັນຢ່າງຂຸ້ນຂ້ຽວເປັນເວລາຫລາຍໆ
ເດືອນ ກໍໄດ້ບັນລຸຄວາມຄືບໜ້າ ທີ່ຈະເຮັດໃຫ້ຢູເຄຣນ ສາມາດ
ຜ່ານພົ້ນລະດູໜາວຈະມາເຖິງນີ້ໄປໄດ້. ຣັດເຊຍກ່າວວ່າ ຕົນໄດ້
ຜ່ອນຜັນໃຫ້ ທັງລາຄາແກັສ ແລະໂຄງຮ່າງການຊຳລະໜີ້.
ທ່ານ Alexander Novax ລັດຖະມົນຕີ ພະລັງງານ ຣັດເຊຍ ກ່າວວ່າ:
“ນີ້ແມ່ນການຊ່ວຍເຫຼືອໃນການຜ່ອນຜັນຂອງພວກເຮົາ ເພື່ອສ້າງຄວາມ ສະຖຽນ
ລະພາບໃຫ້ສະຖານະການໃນຢູເຄຣນ ເພາະສະນັ້ນ ລະຍະລະ ດູໃບໄມ້ຫລົ່ນ
ແລະລະດູໜາວແມ່ນເປັນທີ່ປອດໄພ ແລະການສົ່ງແກັສ ໄປໃຫ້ບັນດາຜູ້ບໍລິໂພ
ກທີ່ຢູໂຣບ ກໍຈະມີສະຖຽນລະພາບເຊັ່ນກັນ.”
ພາຍໃຕ້ຂໍ້ຕົກລົງນີ້ ຢູໂຣບ ຈະເປັນຜູ້ຄໍ້າປະກັນ ໃນການຊື້ແກັສໃຫ້ແກ່ ຢູເຄຣນ. ຢູໂຣບ
ແລະອົງການກອງທຶນສາກົນຍັງຈະຊ່ວຍຈ່າຍຄ່າແກັສ ທີ່ຢູເຄຣນຕິດໜີ້ໃຫ້ແກ່ຣັດເຊຍ
ໃນມູນຄ່າ 4 ພັນ 6 ຮ້ອຍລ້ານໂດລາ.
ຣັດເຊຍ ໄດ້ຕັດການສົ່ງແກັສ ໄປໃຫ້ຢູເຄຣນ ໃນການຜິດຖຽງກັນກ່ຽວກັບການຈ່າຍໜີ້
ສິນ. ຫລັງຈາກມີການໂຄ່ນລົ້ມປະທານາທິບໍດີ Viktor Yanukovych ໃນເດືອນກຸມພາ
ຜ່ານມາແລ້ວ ມົສກູກໍໄດ້ລົບລ້າງການ ຊ່່ວຍເຫຼືອ ໃນດ້ານເງິນສະໜັບສະໜຸນເລື່ອງ
ແກັສ ທີ່ຕົນໃຫ້ແກ່ Kyiv.
ທ່ານ Guenther Oettinger ກຳມະການ ດ້ານພະລັງງານ ຂອງຢູໂຣບ ກ່າວວ່າ:
“ນີ້ອາດເປັນຮ່ອງຮອຍທຳອິດ ຂອງແນວຄິດທີ່ສະຫຼາດສ່ອງໃສ ແລະນະໂຍບາຍເພື່ອນ
ບ້ານທີ່ດີຕໍ່ກັນ ແລະບາງອາດເປັນແສງມົວໆອັນທຳອິດ ໃນການຜ່ອນຄາຍຄວາມເຄັ່ງ
ຕຶງຕໍ່ຄວາມສຳພັນ ລະຫວ່າງສອງປະເທດເພື່ອນບ້ານ.”
ສາສະດາຈານ Alan Riley ຈາກ City University ໃນນະຄອນ London ກ່າວວ່າ
ການຕົກລົງກັນເພື່ອຍຸຕິການປະເຊີນໜ້າໄດ້ກາຍມາເປັນເລື້ອງຮີບດ່ວນຫລາຍຂື້ນ ຊຶ່ງ
ທ່ານກ່າວຕໍ່ ວີໂອເອ ຜ່ານທາງ Skype ຕື່ມວ່າ.
“ຊາວຢູເຄຣນ ແມ່ນຢູ່ໃນສະພາບຈົນຕາແຈທີ່ສຸດ ຢາກໃຫ້ມີການຕົກ ລົງກັນເປັນ
ທີ່ຮຽບຮ້ອຍໄປ. ຄວາມຈິງແລ້ວ ເຂົາເຈົ້າບໍ່ມີແກັສໃຊ້ຈາກ ຣັດເຊຍ ຊຶ່ງເປັນແຫຼ່ງ
ສະໜອງທີ່ສຳຄັນສຸດ ຕັ້ງແຕ່ເດືອນມິຖຸນາເປັນ ຕົ້ນມາ ແລະເປັນທີ່ຈະແຈ້ງວ່າບໍ່
ມີແກັສເກັບໄວ້ຢ່າງພຽງພໍເລີຍເພື່ອ ໃຫ້ຄວາມອຸ່ນແກ່ຢູເຄຣນ ຕະຫລອດລະດູ
ໜາວ ຈະມານີ້ເລີຍ."
ທ່ານ Riley ກ່າວວ່າ ຢູໂຣບໄດ້ຮັບແກັສປະມານນຶ່ງສ່ວນສາມ ຈາກ ຣັດເຊຍ. ບໍລິສັດ
ລັດວິສາຫະກິດ Gazprom ໄດ້ຮັບຜົນກຳໄລສ່ວນ ໃຫຍ່ຂອງຕົນ ຈາກຕະຫລາດຢູໂຣບ
ເພາະສະນັ້ນການຕົກລົງດັ່ງກ່າວ ຈຶ່ງເປັນຜົນປະໂຫຍດ ສຳຫລັບທຸກໆຝ່າຍ.
ທ່ານ Riley ເວົ້າວ່າ “ບັນຫາກ່ຽວກັບຄວາມໜ້າເຊື່ອຖືຂອງຣັດເຊຍ ໃນນາມຜູ້
ສະໜອງແກັສນັ້ນ ເຮັດໃຫ້ມີຄວາມກົດດັນຢ່າງໃຫຍ່ຫລວງຕໍ່ມົສກູ ໃນການຕົກ
ລົງດັ່ງກ່າວ."
ນັກເສດຖະສາດ Oleh Soskin ຈາກສະຖາບັນການຫັນປ່ຽນສັງຄົມ ໃນນະຄອນ Kyiv
ກ່າວວ່າ ໃນລະຍະຍາວແລ້ວ ຢູເຄຣນຕ້ອງຊອກຫາແຫຼ່ງສະໜອງພະລັງງານທີ່ແຕກຕ່າງ
ອອກໄປ.
ທ່ານ Soskin ເວົ້າວ່າ “ໃນຮອບ 10 ປີທີ່ຜ່ານມານີ້ ພວກເຮົາໄດ້ຈ່າຍເງິນໃຫ້ເສດ
ຖະກິດ ຣັດເຊຍ ປະມານ 100 ພັນລ້ານໂດລາ. ພວກເຮົາໄດ້ຊື້ນໍ້າມັນ ແລະແກັສ
ຈາກເຂົາເຈົ້າ ໂດຍຜ່ານແຜນການທີ່ມືດມົວ ແລະບໍ່ແຈ່ມແຈ້ງ.”
ເຖິງແມ່ນໄດ້ມີການຕົກລົງກັນ ໃນເລື່ອງແກັສແລ້ວກໍຕາມ ແຕ່ຄວາມເຄັ່ງຕຶງລະຫວ່າງ
ມົສກູ ແລະຢູເຄຣນພ້ອມກັບບັນດາພັນທະມິດຕາເວັນຕົກ ກໍບໍ່ໄດ້ສະແດງໃຫ້ເຫັນຮ່ອງ
ຮອຍເຖິງການຜ່ອນຄາຍລົງ.
ກຳລັງອົງການ NATO ລາຍງານວ່າ ເຮືອບິນຖີ້ມລະເບີດຣັດເຊຍ ກໍໄດ້ເພີ້ມການບິນ
ຜ່ານເຂດນ່ານຟ້າຢູໂຣບເມື່ອໄວໆມານີ້. ໃນຂະນະດຽວກັນ ຢູ່ທາງພາກຕາເວັນອອກ
ຂອງທະເລ Barents ໃນວັນພະຫັດ ກ່ອນນີ້ ຣັດເຊຍກໍໄດ້ປະສົບຜົນສຳເລັດ ໃນການ
ຍິງທົດລອງ ລູກສອນໄຟຂີປະນາວຸດ.
