ການເຈລະຈາສາມຝ່າຍ ທີ່ນະຄອນບຣັສເຊີລ ເພື່ອໃຫ້ຣັດເຊຍ
ເລີ້ມສົ່ງແກັສ ໄປໃຫ້ຢູເຄຣນອີກ ຈະດຳເນີນຕໍ່ໄປໃນວັນພະຫັດ
ມື້ນີ້ ຫລັງຈາກຝ່າຍຕ່າງໆບໍ່ສາມາດບັນລຸການຕົກລົງ ໃນວັນທຳ
ອິດຂອງການເຈລະຈາກັນ.
ເຖິງແມ່ນໄດ້ເກີດຄວາມເຄັ່ງຕຶງ ໃນຄວາມສຳພັນລະຫວ່າງມົສກູ
ແລະປະເທດຕາເວັນຕົກກໍຕາມ ບັນດາຜູ້ຕາງໜ້າຂອງຣັດເຊຍ
ສະຫະພາບຢູໂຣບ ແລະຢູເຄຣນໄດ້ພົບປະກັນໃນວັນພຸດວານນີ້ ເພື່ອແກ້ໄຂບັນຫາຂັດແຍ້ງກ່ຽວກັບເລື້ອງແກັສທີ່ເປັນໄພຂົ່ມຂູ່ຕໍ່
ຢູເຄຣນ ທີ່ເພິ່ງພາອາໄສພະລັງງານຈາກຕ່າງປະເທດນັ້ນ ໃນຂະ
ນະທີ່ລະດູໜາວກຳລັງຫຍັບໃກ້ເຂົ້າມາ.
ທ່ານ Jose Mannuel Barroso ປະທານກຳມາທິການຢູໂຣບ ກ່າວວ່າ ການ ຕົກລົງ
ດັ່ງກ່າວນີ້ສາມາດບັນລຸກັນໄດ້ ແລະຮຽກຮ້ອງໃຫ້ປະເທດທັງສອງເຮັດໃຫ້ ການເຈລະ
ຈາບັນລຸຜົນ.
ໃນເດືອນມິຖຸນາຜ່ານມາໃນຂະນະທີ່ການສູ້ລົບກັນໄດ້ລະເບີດຂື້ນລະຫວ່າງກອງ ກຳ
ລັງຂອງ Kyiv ແລະພວກແບ່ງແຍກດິນແດນນິຍົມຣັດເຊຍ ໃນພາກຕາເວັນ ອອກ
ຢູເຄຣນນັ້ນ ມົສກູໄດ້ຢຸດການສົ່ງແກັສໄປໃຫ້ຢູເຄຣນ ໃນອັນທີ່ຣັດເຊຍເວົ້າ ວ່າ ຢູ
ເຄຣນບໍ່ຈ່າຍຄ່າແກັສ ປະມານ 5 ພັນລ້ານໂດລາ.
ຣັດເຊຍ ທວງໃຫ້ຢູເຄຣນຈ່າຍເງິນຈຳນວນດັ່ງກ່າວ ກ່ອນຕົນຈະເລີ້ມສົ່ງແກັສ ໄປໃຫ້
ສຳລັບລະດູໜາວນີ້ ໃນຂະນະທີ່ Kyiv ກ່າວວ່າ ຕົນກຳລັງດຳເນີນງານເພື່ອຊອກຫາ
ເງິນຈາກຕ່າງປະເທດ ມາຈ່າຍຄ່າແກັສທີ່ຕົນຍັງຕິດໜີ້ຢູ່ນັ້ນ.
ກຳມາທິການຢູໂຣບ ກຳລັງພິຈາລະນາ ຄໍາ ຮ້ອງຂອງຢູເຄຣນ ຫວ່າງມໍ່ໆມານີ້ ເພື່ອຂໍ
ຢືມເງິນຈຳນວນປະມານ 2 ພັນ 5 ຮ້ອຍລ້ານໂດລາ.
